Ka Nupepa Kuokoa, Volume XLVI, Number 47, 19 November 1909 — HAINA NANE [ARTICLE]

HAINA NANE

Mr. o ke Kuokoa. Aloha oe:—E ae mai ia'u i kekahi kolamu kaawale o ke Kilohana e hookomo iho i kela mau huaolelo moakaka e kau ae la maluna e 4viki ole ai i ka ike a ka maka ke hoohewahewa iho. A ke ae mai oe no ka lua o ka manawa, alaila nau auanei e wehe mua ae a hoike aku i ka loea J. E. K. Kakelamaluikaleo i ka waiwai i'o o ua mau huaolelo la i kuni ia me ka wai gula o Gomohera, i like aku kona hinuhinu me ka huluhipa pahee o Melebona a i sila ia hoi maluna o ua mau huaolelo la ke kuni o Hale Dute. Oiai ma ka la 23 o lulai, 1909, aoao 5, ua hoopulea āe o J. E. R. Kakelamaluikaleo i ka nane hooniua noonoo o na loea huli mea pohihihi no lakou ka ike ame ka omakaukau ma ka huli ana iloko o na poiuiulani a hala loa aku ma na ki'hi eha o ka honua, ma keia mea he nane: 0 na kukulu manao ana ame ka haku ia ana o ka manao t o ua nane nei o J. E.-K. K. aia no ia iloko o ke alahele o na pohihihi e imi aku ai ka mea e huli ana. A ke manaoio nei au ua loaa oia ia'u aole ona wahi e alo ae ai o ke kumu nui o ko'u 'hooikaika loa e.imi i keia nane oia no ka haawi makana ia ana no ka uku kiekie hookahi makahiki lawe wale i ke Kuokoa. Oiai o na kukulu manao ana o ua nei a J. E. K. K. penei no ia: O ka hapa mua o ka inoa he huapalapala, a o ka hapa hope he huahelu. Olelo hou iho la ma ka mahele elua penei: O ka ha.pa mua he huahelu a o ka hapa hope he huapalapala, a i ko laua hoohui ana e like ana ka puana ana o' ka inoa ma ka huapalapala holookoa me ka puana ana ma ka huahelu a i mea e pohihihi ole ai i na-kini heluhelu ke nana iho pela au e hoololi ae nei i na «hoakaka ana ima ka huapalapala wale no mai ka hapa mua ame ka happ. hope, a pela pu me ka huahelu, a ua hiki no ia oukou ke hoololiloli ae e like me ka makemake o ka haku ia ana e :J. E. K. K. ke ike oukou i ka'u haina bme ka'u mau wehewehe ana i na mahele apau loa mai ka mua ame ka hope. • J Nolaila ke lawe mai nei au i na knkulu manao o ka nane ame na hoakaka ana ma ka hapa mua ame ka hapa hope ma ka huapalapala i maopopo ia oukou ke heluhelu iho, oiai ke olelo nei ka manao o ua nane nei penei: O kā hapa imua o kuu inoa ma na huapalapala ua hooniponipo iho au ma ka aoao o Niolopua. Haina. KANA. 0 keia'haina oia ka inoa o ka o Kana aina mā Galilaia kahi a lesu i hoike ai 1 kana hana mana mua loa Oia kona hoolilo ana i ka wai a lilo i waina a o ka lehulehu apau loa i hele mai ma ua Ahaaina mare la ma Galilaia ua inu lakou i ka waina a lesu i hana ai. Hoike ia ma loane 2:1-11 e ike kakou i keia au hou e naue nei iWaena o na lahui apau o ka poe e inu i ka waina a ona ua maopopo loa ua pau lakou i ka hiamoe a hooniponipo ana me Niolopua. No ka ona mai ke kumu. 2—Olelo hou ka manao o ua nane nei penei; O ka hapa hope o kuu inoa ma ua huapalapala ua hoohiamoe aku au ia oe no kā hooluolu ana no ka manawa hope loa. Haina. KOLU. O keia 'haina oia ka hora i make ai o leau maluna o ka amana i hoakaka ia ma ka papa huahelu hora o keia au hou e nee nei a ma ka papa huahelu 'how hoi a na ludaio i kela au kahiko o ka (Iwa) ia o ka hora, hoike ia ma Luka 23:44 ame ka Buke o Mataio, No ka make ana o lesu pili ai keia mahele i ka make e ike kakou i ka make ana o kekahi mea e like me ka make ana o lesu e hoi aku no ke kino lepo iloko o ka lepo, a o ka Uhane e ala mai no ia a hoi aku imua o ke alo o ke Akna no ka mea, o kekahi hapa ia o ke Akua iloko o ke kino o ke kanaka.

A ina e hoohui ia ka hapa mua me ka hapa hope ma na huapalapala e loaa no ka Haina. KANA-KOLU. MAHELE 2. I—Ke1 —Ke olelo nei ka manao o ka nane penei: O ka hapa mua o kuu inoa ma na huahelu. Ua hoopehu ae ia i na loaa o ke Aupuni Kulanakauhale ame ke Kalana. Haina. 3. O kela huahelu oia ka puu huahelu waiwai holookoa o ke Teritore» e paa mai nei i na loaa makahiki a ma ka hookaawale ana o ke Kanawai i apono ia e ka Ahaolelo e olelo ana e haawi ia he 1-3 o na loaa mailoko mai o keia puu huahelu 3, a hookomo aku iloko o ka waihona o ke Aupuni Kulanakauhale ame Kalana i kela ame keia makahiki, i ke komo io ana aku o keia 1-3 0 na loaa iloko o ka waihona he pehu hoi kau. \ 2—O ka hapa hope o kuu inoa ma na huahelu, ua hoonele loa ia mai au j Ina pomaikai he nui. Haina. O. j O keia ka huahelu nele loa he ole, oiai ua kau ptmb ia iluna o ke kui makenegi e kuhikuhi ana i ka lonitu | ame ka latitu o Ladana, ke Kulanakauhale poo aupuni o Enelani a i ka hoohui ia ana o ka hapa mua me ka hapa hope o na huahelu alaila e no ka Haina ma na huahelu. 30. O keia Haina he 30 ma ka huahelu ua like ia me ka haina ae. A ina e hoololi ia e like me ka J. E. K. K. alaila e ike oukou i kela papa kuhikuihi maluna ae a na oukou ia e hoololiloli ae e like me ko oukou makemake. Ke olelo nei o J. E. K Kakelamaluikaleo penei, e loaa no ka uku makana hookahi makahiki lawe wale i ke Kuokoa ke loaa pololei ka haina ame na wehewehe pololei ana i na mahele apau e pili ana i ka nane e like me kona maleemake, a pela au e hoakaka hou aku nei i ka'u mau wehewehe ana ma keia inau wahi o ke kukulu manao o ka nane e hooiaio ana i ka ipili pololei o ka'u haina maluna ae i na mahele i koe penei: Ke olelo nei keia kukulu manao penei Maluna niai ia oka mokulele o Zibelina ka Nene Ahiu Kamahao o na Kaiaulu o Geremania, oiai i ka wa o ka Haku e lia'i ana i ka Euanelio Oia pu kekahi, a ninau iho la o J. E. K. Kakelamaluikaleo, Owai au i ka ke ao hnlookoa olelo ana. Eia ka haina. KANA-KOLU —30. E ike kakou o ka moku lele o Zibelina he lele ia i ka lewa a kau aheahe mai Hoko 0 ka <poiuiulani, pela no hoi ka po mahina o Mahealani he lele hoi kau a kau aheahe malie mai iluna i ka paia lani kohu moku lele e like me ka moku lele o Zibelina, a ina e nana iho ana i leeia huahelu 30, e ike iho ana oukou aia ilu>na o ka helu mahina o Hawaii nei he 30 po e kau ai ka mahina.

I ka wa e ha'i ana o lesu i ka Euanelio oia pu kekahi, oia no o luda, ka mea nana i kumakaia i ka haku ma 0 keia puu huahelu 30, oia na apana dala he 30, a luda i kuai ai i ke ola o ka Haku i hoike ia ma Mataio 26:15, a ua paa ko luda moolelo iloko o ka Baibala me keia anau apana dala he 30, a ke kamailio nei ke ao holookoa no keia puu huaihelu he 30. Eia hou, ke olelo nei ke ao holookoa i ka nui o na la iloko o ka mahina oia hoi he 30 la o ka mahina, Novemaba, nolaila o ka haina o keia nane oia no ka huahelu 30. Me keia ke hooki nei au me ka lana o ka manao e hoea mai ana ka malamalama. o ka la maluna o keia maliina o Novemaba i ka la ihope o ka haule lau o ka aina hikina me kona nani nui ke ole nae e leuhikuhi ala ma Puuloa he alahele kaulana o ke one ai alii o Kakuhihewa. Me ka L. H. ame na keiki oniu hua metala o ke Kuokoa ko'u welina. H. K. LIOKAKELE, U. S. €ustoms Hou&e, 822 Kawaihao St. Honolulu, T. H.

Lihi launa ole māi la .oe i ke ao aina, ua kapeke ka pilina me ka nihoniho. O ka hauna ka i hele a ka'oka'o i kaupoku o Hanalei, alo iho la no ke keiki o Uwahipouli i ke alo pali. lloomauia ka ikaika ina ua kumumu na mea hana. —L. H. : I kekahi la i hoōmaha ai ke kula i ka hapalua o ka hora 11, ua kahfea aku la kekahi kumu wahine i kekahi wahi keiki uuku e paani ana, "he ono no nae paha oe i ka apala?" me'ka hoikeike pu ana aku. "Aole, mahope au kipakuia, ke ai au i kena apala. •' "No keaha hoi," wahi a ke kuma wahine. "Olelo mai ka'u kumukula Sabati ia'u, na ka wahine i haawi i ka apala ia Adamu, a kipakuia ai laua mai Edena aku."