Ka Nupepa Kuokoa, Volume XLVI, Number 47, 19 November 1909 — KU-EIA KE KANAWAI KALANA. [ARTICLE]

KU-EIA KE KANAWAI KALANA.

Oiai aole i noonooia ke kanawai Kalana a Jim Quinn i lawe mai ai e pili ana i ka uku ohua o na kaapio ame otomobile e ka Papa Lunakiai, koe wale no ka waihoia ana aku iloko o ka lima o ke komite no ka noonoo ana, ua lilo mu& ia kanawai i mea hookaumaha i ka noonoo ana o ka lehulehu. Ua maikai ke kanawai i ko Quinn manao no ka mea, oia kekahi kalaiwa a ona kaa otomobile a ua hauoli pu kekjjii poe kalaiwa a mau ona kaa otomobile e ae no ka pii o ka tiku i hoakakaia ma ke kanawai, a ke holo ia kanawai e kani ana ka aka'a nā kalaiwa ame na Ona kaa, aka-'o na ohua ka mea aloha. Ina e hoomao-

popoia anā ka uku i kauia he koikoi maoli me ke kaulike ole. Mamuli iho la o ka ikeia ana he kanawai hookaumaha loa keia, ua ala mai ke komite hoeueu ma o Mr. Cooper j la a hoakaka mai i ka manao ku-e me ka olēlo ana he kanawai hoopoino keia ia Hawaii, ua like 110 ia me ka pepehi ana a make i ka nene e hoolu 'a ana i ka hua gula. Wahi a Mr. Cooper, e lilo ana o Hawaii nei i wahi hele makaikai mauia mai e na malihini kaa hele o na aina e, a mamuli iho la paha auanei o keia kanawai, e hookau mua ia aku ana lakou me ka weli e like me ka mea i hanaia ma ka muliwai o Niagara i kekahi manawa loihi i hala akii a ua hoopauia nae ia mau auhau hookaumaha i keia manawa. Ina e kauia na auhau mama iki mai maluna o na ohua e loaa like ana ka ■ pomaikai i na ohua ame na kalaiwn, a ina e kauia ana na auhau pii loa ua hiki i na kalaiwa e kau aku i na auhau kiekie maluna o ka lakou mao ohua me ka nana ole i ka paio mai a na ohua no ke kakiia aku a pii loa, a ina e ku-e mai na ohua i ka lakou auhau e kau aku ai alaila ia wa e hoikaika aku ai na kalaiwa i ke kanawai i ka ohua a mau ohua paha e ku-e mai ana. Ua kakoo ke komite hoeueu ike kanawai e kauia ka auhau aka e kauia nae ka auhau paa o ka ohua me kekahi auhau hookaumaha a hookahaha ole i ka naau o ka lehulehu. Ma ka hoakaka a Quinn ma_ka halawai hope a ka papa, o ka uku i kauia no na kaa otomobile e like me« ia i hoakakaia maloko o ke kanawai i maiiaoia e hooholo, ua like no ka ia me ka uku e kakiia nfei i keia manawa. Ke hookaulikeia nae i kana mau huahelu i kau ai me ka uku e ikeia nei i keia la he nui ka like ole. Aia ke kanawai iloko o ka lima o ke komite a ina oia kekahi lala o ke komite, ua hiki loa iaia ke hoololiloli ae ma kahi ana i ike ai i ke kupono ole. Ma kekahi mau wahi a ke komite i hooponopono ai ua ikeia he iwakalua dala ka oi loa maluna o 'ka uku kupono aole hoi i emi iho malalo o ka elima. 0 ka uku i hoolahaia no ka holopuni ana i ka mokupuni o Oahu i keia manawa he kanaha dala, a ma ke kanaw»ai Kalana hoi a Quinn i lawe ae ai he kanaono, he iwakalua dala ka like ole a ina e hooholoia ana ka uku e like mo ka ke kanawai, e kani ana ka aka a na kalaiwa. 0 ka uku o ka ohua i hoakakaia maloko o ke kanawai mai Honolulu aku nei a hiki i o Ewa he $20, o ka uku e .holoia nei i keia manawa maluna o na kaa otomobile a hiki i Waialua, no elima ohua, he $25 wale no ua 7Tke ia me $9 wale no no ka oiiua hookahi, a no ka ike paha 0 Quinn i ka pii loa 0 ka $20 mai Honolulu aku nei a ka Mahiko o Ewa ke hoemi hou mai nei i ka $18. I keia mana'wa o ka uku o ka ohua a hiki i Kaneohe he $15.00, a hoi mai a ina e hooholoia ana ke kanawai e like aku ana no~-me ia ka uku a hiki i Manana. Ma keia mau hoakaka ua maopopo loa *ka pii loa o ka Quinn mau huahelu i kau ai mamua 0 ka uku e ikeia nei i keia manawa. Ma ka halawai i hala a ka papa, ua hoakaka ae oia i ka nui 0 kona lilo no ka malama ana i ke kaa oto iloko 0 ka ,hale kaa he elua haneri ka dala a oi, oia paha ke kumu 0 kona kau ana i ka uku ohua a nui oiai nae i ka hoomaopopo aku aohe i hiki aku i kela huina kona mau hoolilo lie alapahi wale iho no.

Helia aku la he wahi keiki uuku a imua o kona makuahine, i aku la: ''E mama heaha la ka mea i ulu ole ai ka lauoho maluna o ka piko o ko papa "I hana ia pela i loaa kau pahu hookani," i pane hoomakeaka mai ai ka makuahine.