Ka Nupepa Kuokoa, Volume XLVI, Number 47, 19 November 1909 — POINO HE MOKO KALEPA I KA MOANA Pau na Ukana no ka Hui o Hakapila i ke Poho ma ia Ulia Poino. [ARTICLE]

POINO HE MOKO KALEPA I KA MOANA

Pau na Ukana no ka Hui o Hakapila i ke Poho ma ia Ulia Poino.

j Ma ka la Sabati i hala aku la i loaa mai ai he lono kelekalapa ia Geo. Rodiek o ka hui o Hackfeld ma, e hoike inai ana ia lono i ka ili ana o ka mokukalepa Kelemania Maric Hackfeld ma na kapakai o Kelemania ma ka la 13 o keia maliina, a pau i ka nahaha. He hookahi wale no ona la o ka haalele ana aku i ke awa o Hamburg me ka piha ukana no Honolulu nei, o kona loaa iho la no ia i kekahi poino, ka mea nana i hoopiholo aku i ka mokn ame kona mau ukana apau. oluna. He hookahi nae mea laki ma kela nlia i loaa i kela mokukalepa, o, ia no ka hoopakeleia ana o na mea apau, mai ke kapena a hiki i na luina. He nui na ukana waiwai i poino mau wale mamuli o ka ulia i loaa i kela moku, aka he hookahi wale no nae wahi mea nana i hookanaaho mai i ka ona nona kela mau waiwai oia hoi ka hui o Hackfeld ma, o ia no ka paa ana malalo o *ka inisuaia, a pela no hoi me ka moku. Aole wale no o kela ka ulia i loaa i kela moku, aka i kekahi manawa ae nei i hala, i ka loaa ana i kekahi ino nui, ua kokoke e pau kona mau kia i ka hakihaki i ka makani iaia e kaalo ae ana malalo o Lae Hao, a o kela aku la hoi ka poino e pau ai kona ike houia ma na kai o Hawaii.