Ka Nupepa Kuokoa, Volume XLVI, Number 47, 19 November 1909 — HOOPA'IIA NO KA AIHUE MOA. [ARTICLE]

HOOPA'IIA NO KA AIHUE MOA.

I ka hoea ana ae o kekahi Korea nona ka inoa o Kong Ung Dow i hopuia ai no ka aihue ana i ka moa a kekahi poe imua o Lunakanawai Andrade ma ke kakahiaka o ka Poaono nei, ua kauia aku la ka hoopa'i o ekolu mahina e noho ai iloko o ka halepaahao ma kekahi hihia, a he hookahi makahiki hoopa'i hoi ma kekahi hihia aihue moa okoa aku.

O kahl o ka aihue ana a kela Korea i ka moe, mauka ae nei no ia o ke awawa o Manoa, a o kahi aku o k.i hilu, aole he hoonalonalo iho o kana aihne ana, aka ua nui ka poe i ike iaia i ka maau hele i kahi o ka moa a ka poe hanai moa, a pela no oia i hopuia ai, i ka wa i hoohuoiia ai no ka lilo ana o ka moa i ka aihueia. Aole keia o ka malthmua o kona hoea ana imua o ka lunakanawai, po ka mea i ka wa no a Andrade i ike aku ai iaia, ua hoomanao ae la oia i kona ike mua ana i kela Korea imua o kana aha, nolaila aole oia i hoohakalia iho i ke kau ana mai i ka hoopa'i e like me ia maluna ae la.