Ka Nupepa Kuokoa, Volume XLVI, Number 46, 12 November 1909 — PIHOLO HE KEIKI NO KE KULA O WAIALEE [ARTICLE]

PIHOLO HE KEIKI NO KE KULA O WAIALEE

Oiai kekalii poe kamaliikane o ke Kula Hoopololei ma Waialee e noke ana i ka auau ma ka Poaono aku la 0 ka pule i hala, ua halawai ae la kekahi keiki o lakou me ka ulia poino, mamuli o kona piholo ana iloko o ke kai. ī ka manawa i loaa aku ai kona kino ua hala e ke ola mai iaia mai, a ua lilo na hooikaika ana a ke kauka i mea waiwai ole no ka hoopakele ana ae iaia. He keiki akamai loa no ka kela i ka au, he hapa Pake oia mai Maui mai, a o Makawao kona wahi mamua o ka hoounaia ana mai no ke Kula Hoopololei. 0 Tai Kai ka inoa o kela keiki opio 1 halawai me kona hopena. He> nui na kamalii e auau pu ana me ia, a he mau kumu no hoi kekahi e makaala ana i na keiki, a ma kela manawa o kona ikeia ana i ka luu ana iloko o ke kai 7 ua manaoia, e luu ana la oia i ka papa'i, eia ka o kona aho hope loa.no ia. Ua hoikeia aku ka lohe no ka make ana o kela keiki i ka Hope Makai o ka apana, aka ma kaolelo nae a ke kauka nana i nana i ke kino make, ua hoike ae oia i kona manao, he makehewa wale no ke kaha ana aku i kona kino