Ka Nupepa Kuokoa, Volume XLVI, Number 46, 12 November 1909 — KANONO KA HOOPAI I KAUIA AKU Elua Haneri me Kanalima Dala ka Hoopa'i o Kaea ame Kona Mau Hoa. [ARTICLE]

KANONO KA HOOPAI I KAUIA AKU

Elua Haneri me Kanalima Dala ka Hoopa'i o Kaea ame Kona Mau Hoa.

Mahope ka waiho loihi ana o ka hihia piliwaiwai o George Kaea ame kona mau hoa o ka loaa pono ana aku i ka meakakau o ka Nupepa Advertiser e olokaa ana i ka ulu i kekahi mau mahina ae nei i hala, ua hoopuka mai la na kiure i ka lakou olelo hooholo ma ka Poalua nei, e ahewa ana i ka poe i hoopiiia. Mahope o ka hooloheia ana o na oleloike o na aoao a elua, a i ka pau ana hoi o na kamailio ana a na loio 0 ka poe i hoopiiia ame ka loio o ke aupuni, ua hala he eono wale no minuke o ka noonoo ana o ke- kiure i ka lakou olelo hooholo, alaila ua puka mai la ka hua o ka make, e ahewa ana i ka poe i hoopiiia, no ka hewa piliwāiwai. 0 Mr. Taylor, ka mea kakau o ka Advertiser, a o ka Makaikiu hoi i ka wa o laukea e noho mana ana i ka Oihana Makai o Honolulu nei, ka hoike nui ma ko ke aupuni aoao, aka mamuli nae o ka hoike a kekahi mau mea hoopiiia, ua kokua nui aku ia i ka aoao o ke aupuni, ma ka hooia ana mai 1 ko lakou ku maoli ana i kahi o ka hewa. Wahi a Willie Vida i hoike ae ai imua o ka aha, kekahi hoi o ka poe i hoopiiia, ua hoea io aku no oia ame kona mau hoa maloko o kela hale a lakou e noho ana, no ka manao piliwaiwai no, a e kakali ana ka lakou 0 ka hoea aku o ka poe Kepani piliwaiwai, alaila hoomaka lakpu e paani. 1 ka wa hoi o ka ninauia ana aku 1 ke kumu o ko lakou piliwaiwai ole ana mawaena wale iho no o lakou, ua olelo mai la, i makemake e kaili mai i ke dala a kekahi o lakou, aka o ka na Kepani dala ka lakou i makemake ai e pau mai ia lakou. He mau hoike lehulehu e ae kekahi i ninaninauia, a ma ke ano nui o ka lakou mau ike, o ia no ko lakou hoea ana aku no kela wahi no ka piliwaiwai

ana, eia nae aole lakou i olokaa wahi ulu iki a hiki wale i ko Taylor komo ana aku maloko o ke keena a lakou e nōho ana. Ma ka Taylor hoike hae, ua ikemaka maoli oia i ka olokaa ana o kela poe i ka ulu, me ka waiho ana o na dala iluna o ke pakaukau, aka ua hoikeike aku nae ka loio C. Aehi imua o ka aha, e noke wale ana no ka poe hoopiiia i ka hoomaamaa i ke ano o ka olokaa ana i ka ulu, a ma kela wahi i pahola ae ai ka minoaka ma ka helehelena o ka lunallanawai, me he mea la aole he hilinai iki iloko ona no ka oiaio o na mea e kamailioia ana e ka poe i hoopiiia. He elua haneri me kanalima ko lakou | hoopa 'i pakahi i kauia . e ka Lunakanawai Hoomalu, a o hookahi no ka i kauia aku maluna o ka poe hoopiiia.