Ka Nupepa Kuokoa, Volume XLVI, Number 45, 5 November 1909 — OKIOKIIA ME KA PAHI UMIUMI Akelekele ke Ola o Kekahi Haole Koa o Leilehua. [ARTICLE]

OKIOKIIA ME KA PAHI UMIUMI

Akelekele ke Ola o Kekahi Haole Koa o Leilehua.

Mu kekahi la aku nei o ka pule i hala, e like me na meahou o ka hoikeia ana mai i leeia kulanakauhale mai kahi hoomoana mai o na koa Ameiika e noho mai nei ma Leilehua, ua nokeia aku ka kekahi liaol© koa paahao i ka okiokiia e kekahi paahao no o laua, a anehenehe'wale iho no ka pakele ana o ke ola o ka mea i nokeia i ka okioki. Eia nae ka mea poino maloko o ka halema'i e waiho mai nei, a ke ku kiaiia mai nei hoi ka mea limakoko, no ke kalL ana aku a hiki i ka oluolu. ana ae o ka mea ma'i, no ke ku ana aku imua o ka aha hookolokolo no kona hewa. He mau paahao like no kela mau haole a elua, a ma kela la i ala mai ai ka hou pahi, e kakau ana ka kekahi o laua he leka, oiai hoi kekahi e noho kokoke aku ana no ma kona aoao. Ke noke wale aku nei no ka haole e noho wale ana i ka hoohenehene i ke kakaulima o ka mea e kakau ana i ka leka, me ka hoohenehene pu ana i ke ano o kana pela ana i na huaolelo, a no ke ku a hoonaukiuki maoli o ka mea e kakau ana i keia nema aku a kona hoa, ua hoopuka okoa mai la oia i kona manao, ina e hoao houia aku ana oia e hoohenehene, alaila e hoomaka mai ana oia et ku'i i ke kolohe. Ua hoi koke aku la hoi keia haole me ke ano nuha, no kona wahi moe, a iloko o lea nanea o kona hoa me ka hoomau ana no i ke kakau i kana leka, ua holo mai la ke kokoolua me ka paa ana i ka pahiumiumi iloko o iona lima, a hoomaka mai la e oki no ekolu a eha manawa, me ka loaa ole i ka mea i hoehaia h© manawa e kupale ai nona iho. Ke kahe a wai la ke koko, me ka noke ana no o kela haole i ka okioki i kona hoa, a e ole wale no ka hoea ana mai o kekahi mau kokua i koe ai ke ola o kekahi o laua. Ua manaoia e. ke kauka o ka pualikoa, aole la e ola ana kela haole i okiokiia mamuli o ke kahe nui o ke koko mai na wahi like ole i moku o kona kino, aka nae eia ke pii mahua'&ua mai nei kona maikai i keia. mau la, me ka manaolana no kona palekana mai na pilikia mai.