Ka Nupepa Kuokoa, Volume XLVI, Number 45, 5 November 1909 — HOOPUKAIA KA HOOPA'I NO MORI Elima Makahiki Hoopaahao me $1000 no ka Mea Lima Koko. [ARTICLE]

HOOPUKAIA KA HOOPA'I NO MORI

Elima Makahiki Hoopaahao me $1000 no ka Mea Lima Koko.

No ka panai ana aku i ka uku hoopa'i kupono maluna o Mori, ke Kepani i hoike okoa ae i kona manao e pepehi aku i kekahi o kona hoa lahui a make mamuli o ka hou ana iaia i ka pahi i kela mau mahina aku nei i hala, ua kau mai la o Lunakanawai De Bolt i ka hoopa 'i maluna ona ma ke kaka- J hiaka o ka Poaono aku la i hala, e haawi ana he elima makahiki e noho ai iloko o ka halepaahao, ame hookahi kaukani dala hoopa'i. I ke kau ana mai a ka lunakanawai i ka hoopa'i maluna ona, ua ku koke aku kona mau loio a hoohalahala, nolaila e imi houia aku ana ka palekana o ka mea hoopiiia imua o ka Aha Kiekie, a kauia mai la hoi kona boha he eono kaukani dala no ke kakali ana a hiki i ka wa e hoolohe ia aku ai kona hihia imua o na Lunakanawai Kiekie. Oiai nae he nui na lohe i oiliili ae mamua iho o kei kau ana mai o ka hoopa'i no ka makemake ana o ka mea i hoopiiia e hoopokole mai i kona mau la o ka noho kuokoa ana, nolaila ua ulu mai na manao hoohuoi no kana alahele hou e hana aku ana i mea e hookoia ai ia manao, a ma ia ano no hoi i haawi aku ai ka oihana makai i kekahi o kona mau makai no ke kiai ana i ke kino o Sheba, ka enemi ino loa o ka mea hoopiiia, Ua ulu pu mai no hoi na manao hopohopo no ka hooko io aku o Mori i kona makemake maluna o Sheba, oiai he oi ae ka kona iini e liia oia mamua o ka noho hana ana no kona hoopa'i iloko o kela mau makahiki loihi. Ua hopohopo na luna aupuni, no ka uuku loa ō kela huina i kr\iia no kona bona, nolaila o ka loheii» ana ae o kana mau olelo ku i ka hooweliweli, he mea ia e hoomahuahua houia ae ai kona bona, i hiki ole iaia ke noho mawaho nei, o ko io auanei kona makemake e lawe i ke ola o Sheba. He nui no ka hooikaika ana a na loio o ka mea i hoopiiia e hoopakele ae iaia mai ke kau ana aku o na ahewa no ke karaima ana i hana ai, mamuli o ko lakou lawe ana mai a hoikeike imua o ka aha i kona mau ano maikai lehulehu, aka ua hooia aku nae o Lunakanawai De Bolt, he hookahi no ano maikai o ka mea i hoopiiia, o ia no kana hana lima koko ma ka la ekolu o ka mahina aku nei o Augate. Ua hoihoi loaia aku lea mea i hoopiiia ma Kawa e hoopaaia ai a hiki i ka loata ana o ka mea e ku bona mai nona no ke kāli ana aku o ka hoea mai o kona hihia no ka hooloheia imua o ka Aha ?iiekie.