Ka Nupepa Kuokoa, Volume XLVI, Number 45, 5 November 1909 — Nuhou Kuwaho [ARTICLE]

Nuhou Kuwaho

QUINCY, MasBachusetts, Oet. 28.— Ma keia la i holo aku ai ka mokukaua North Dakota ma kekahi kelepa hoao no ka hoao ana i kona mau enekini hou. Ke manaolanaia aku nei e loaa ana iaia na mile he iwakalua-kumamakahi i ka hora. KAPALAKIKO, Oct. 29.—Ua ikeia ka hoonaue ola'i ikaika ma ka hapa akau o keia mokuaina i keia la a pela ma ka hapa hema o ka mokuaina o Oregona. Lehulehu na kulanakauhale i hoike mai i kela hoonaue ola'i me ka nui o ka maka'u o na kanaka no ka hopena e hiki mai ana. Eia nae, a hiki mai la i keia manawa aohe mau poino i ikeia ma na wahi apau. LONDON, Oct. 30. —Ua loaa mai kekahi lono kaumaha ia nei e hoike ana he iwakalua-kumamalima poe eli lanaliu i pau i ka make mamuli o ke pahuia ana e» ka pauda iloko o ka lua eli lanahu ma Welsh. BERLIN, Oct. 31.—Ua loaa ka Moi Menelik, o Abesinia ma ka la i nehinei i ka ma'i kuhewa, a ke hopohopo loaia nei kona palekana hou mai. He liilii loa ka manaolana o kona kauka ohana no kona palekana. ATHENS, Oct. 31.—Ua lawe pio hou ia mai e na pualikoa o ke aupuni na moku lawe topido ewalu i laweia ai e ka poe kipi ma ka Poaha a ua pau no hoi ke kaua ana mai aka poe kipi. O ke alakai o ka poe kipi, ka Lukanela Tibaldos aia oia ma kekahi wahi malu kahi i pee ai me ka manao e holo pee aku iloko o Tureke. MANILA, Nov. I.—Hoko o na la e ku ana ke aumokukaua o Adimarala Sebree ma na mokupuni Adimaralty, ua loaa mai i na aliikoa kekahi mau lono weliweli no ka pepehiia ana o kekahi mau haole Pelekane elua ame ekolu Pake a pau i ka aiia.* Ma ka manao waleia e huli pono ae ana na luna aupuni i ka oiaio o ia lono a e hopu i ka poe na lakou i hana ia hana manaonao. LONKON, Nov. 2.—Ua loaa mai kekahi lono ia nei e hoike ana o nā manaolana apau no ke ola hou mai o ka Moi Menelik, o Abesinia, ua poho wale, Ma ka po i hala ua maopopo loa kona make aku. BOSTON, Nov. 3.—Ua kohoia o Eben S. Draper, ka moho Repuballka no ke kulana Kiaaina ma ka la i nehinei ma ka oi ana o na baloka ewalu kaukani mamua o Vahey, ka moho Demokarata. E lilo ana ka hapanui o ka Ahaolelo i na Repubalika. SAN FEANCISCO, Nov. 4.—p ka helehelena o ke kulana kalaiaina o ka papa hou o na Lunakiai i kohoia ai ma ka Poalua i hala e ikeia no ia malalo hei: Na lunakiai a na limahana, he elima; ka na Eepubalika, elima, a o ka na Demokarata, elua.