Ka Nupepa Kuokoa, Volume XLVI, Number 45, 5 November 1909 — PALAHE I KE KAAAHI. [ARTICLE]

PALAHE I KE KAAAHI.

Ma ke ahialii Poalia o ka pule i hala i ka wa i hoi mai ai mai ka hoolewa mai o ke kaikuahine me ka ona, i ua hoomaka iho la ka inu hou ana i ka waiona, no ka naauauwa paha a no ka makemake maoli no palia e nui loa iho ka ona, ua hoomaka aku la o Kane Kaluna, he kanaka Hawaii nona na makahiki he iwakalua-kuinamalua e pepehi me ka hoomainoino loa i kona mau kaikuahine liilii elua, me ka hala ole, a i ka lele ana mai o kona makuakane elemakule e uwao, ua pane koke aku la iaia aole oia e ike houia| ana me ke ola ma ia hope iho, a oili aku la mai ka hale aku no ka hele ana i kahi o ke alahao a moe iho la iluna o)aila, a i ka hoi ana mai o ke i kaaahi o ka hora 11:15 mai Kalihi mai' ua piiia mai la kona kino a kaawale ka apahu kino. Ma ka oleloia mai, mamua p ka hele ana o Kane Kaluna i ka hoolewa o kona kaikuahine ua ona maoli oia i ka hoomaopopoia. aku. Mahope iho o ka hoi ana mai ua hoomaka hou iKo la no ka inu ana i ka waina a mamuli paha o ka nui loa o ka waiona iloko 0 kona opu i kupouli loa ai kona noonoo a lilo maoli i mea hoopupule i kona noonoo. Me he mea la ua papa aku paha ka m»kuakane iaia aole e inu hou ke kumu i ulu ai kona huhu a pepehi ai i kona mau kaikuahine liilii a eha loa, a 1 kona ike ana ua eha laua, huli aku la a pane i ka makualsane, "aloha oo; aole oe e ike hou ana ia'u me ke ola ma nei hope aku." Ua • hooko io oia i kana olelo, oiai nae aole- i hoomaopopo kekahi mea i lohe i kana kamiailio ana aia kekahi manao \wahua iloko ona e hana ana oia i kekahi hana e pepehi ai iaia iho, up. manao paha ka poe i lohe i kana olelo ana e hele loa ana la oia no kekahi wahi mamao, a hoopau wale no lakou i ka noonoo ana nona me ka ukali ole aku mahope o kona meheu. I ka wa i loaa aku ai ke kino make 0 Kane Kaluna maluna o ke alahao, akahi no a hoomanao ae ka poe i lohe 1 kana olelo ana o kona manao maoli io no ka ia e like me kana i kamailio ai, a he noonoo hupo palaualelo loa nae i ka noonoo aku o ka poe noonoo maikai, ua ulu mai nae kela hana mamuii o ka pupulei o ka noonoo i ka waiona. Mamuli o na hiohiona manaonao loa i ikeia maluna o kona kino i hele a palahe a mokumoku i na huila o ke kaaahi i hoomaopopo loaia ai, i kona haalele ?ma iho i ka hale, ua hele pololei loa oia no kahi o ke alahao me

kahi koena noonoo kanaka iki i koe iloko ona a moe iho la iluna pono me ka maopopo e holo mai ana. kekahi kaaahi i kekahi manawa malaila a oiai oia e moe ana malaila, ua ka ia lpa ia aku la i ka hiamoe no ke kaii ana i ka Elele a ka make e hookokoke mau mai ana. Ma ka hoomaopopo aku me he mea la aole i ike ae i ka wa i holo mai ai ke kaaahi, no ka mea, ua ona loa. Ua hoikeia mai kela lono manaonao i ka oihana ms*Jtai a ma ke kakahiaka nui ae ua kauohaia ke kino make e laweia ae i ka hale kupapau o ka Papa Ola e ke koronelo Kose.- Ma ka Poalima ae i malamaia ai ka Aha Nieniele no ka huli pono ana 1 ke kumu o kona make. He kanaka opiopio loa keia e hala ai no na makahiki he kanakolu a kanaha paha, aka, no ka malama pono ole i k» ola kino, lilo mamuli o ka puni ona, ua oki puia ae la kona mau la, no ke koena hupo mai no ke kumu.