Ka Nupepa Kuokoa, Volume XLVI, Number 45, 5 November 1909 — KA HALAWAI A KA PAPA LUNAKIAI. [ARTICLE]

KA HALAWAI A KA PAPA LUNAKIAI.

Ma ka halawai a ka Papa o ka po Poalua nei, he eha mau kumuhana i hakuia e na komite, e like me ia i noi ia mai ai e ka Hui Kelepona a waiho ia ae no ka noonoo ana ma ia halawai, oia keia malalo nei Ka mua: E uku aku ka Papa Lunakiai i ka Hui Kelepona i $136 no ka makahiki no iwakalua-kumamahilm makahiki ka loihi o ka manawa o ka palapala hoohui ma ke ano he kahua ia no ka hoolimalima o 13,000 kapuai; e hookuu mai ka Hui i ka hoolimalima 0 hookahi makahiki a e kaohi hoi ke kulanakauhale i ka uku ana aku i ka uku hoolimalima no hookahi makahiki. Elua: E uku ka Papa i umi-kuma-malima keneka no ke kapuai paipu i ka hui no ka hoohanaia ana o ke paipu, me ka hookuu oleia nae o ka Hui mai ka uku ana mai no ka nanaia ana. Ekolu: E hoolako mai ka Hui me ka uku ole i na paipu i ke Kulanakauhale ame Kalana, a i panai aku no ia e hookuu ia ka Hui mai ka uku ana mai 1 ka uku no ka nanaia ana, no ka manawa he iwakalua-kumamahiku makahiki, ka loihi o ka manawa o ka palapala hoohui me ke aupuni. Eha: E uku aku ka Papa ika Hui i umi keneka no ke kapuai loa, a e hookuuia ka Hui mai ka uku ana mai no ka nanaia ana, no ka manawa o hookahi makahiki. O keia mau kumuhana ae la eha ka mea i noonooia e ka aha kuka a na komite o ka Papa Lunakiai ame ke komite a ka Ahahui Kalepa a ma ka halawai o ka po Poalua nei i waihoia ie ai no ka noonooia. Waihoia ka noonoo ana i na kumuhana iloko o ka lima o na komite, ko ka Papa ame ko ka Ahahui Kalepa. Na Quinn, ka lunahoomalu o ke Komite alanui i waiho ae i kekahi kanawai e hooponopono ana i ka uku o na ohua e kau ai maluna o na kaapio ame na otomobile ame na hoopa'i. 0 keia malalo nei na auhau i hoolala ia: No hookahi mile, no na kaapio 25 kieneka a no na oto, $1.00; elua milei, 50 keneka ame $2.00; 4 mile $3 ame 4>3; a hiki i Kapiolani Paka no na kaapio $1.50, kaa oto, $3; a hiki i ka Pali, kaapio $5, kaa oto $7; pii iluna o Puowaina, no ke kaapio $3, a no ka oto $6; a hiki i ke Kahua polo o Moanalua, kaapio $4, kaa o"to $5; a hiki i Manoa, kaapio $4, kaa oto $5; no na hoolewa, kaapio $1 a no ka oto $5 no ka hora. O ka auhau o na kaa otomobile no na wahi mamao loa he o ia mau no e like me mamua e like me ia e ikeia malalo nei:. A hiki i ka mahiko o Aiea, $10; i Manana, $15; i ka mahiko o Waipahu, $15; holo a puni o Oahu he $60. . Ua hooholoia ka huina o $15,700 mai ka waihona laula mai o ka lehulehu no ka hana ana i ke alanui lihikai o Kahana, ma ka Apana o Koolauloa. Ua nui ka poe i hoohalahala mai i ke Kalana no ka hooliloia o ko lakou mau alanui ponoi i alanui laula no ke Kalana e holo mau ai. O ka mua oia 0 R. W. King a o ka lua oia ka Mahiko o Aiea, o ke .kolu oia ke kauoha ia ana mai o ka Papa e liana koke aku 1 alanui no ke Kalana a hiki i Puuloa oiai ka oiliana koa ma Puuloa e makemake loa ana ie loaa i alanui. Waiho ia kela mau noi i ke Komite Alanui. Ua ae ka Papa ia R. H. Trent e hele hoomaha no kekalii mau mahina, a o Irwin H. Beadle ka hope Puuku ke lawelawe ana i ka hana ma kona hakahaka. O keia malalo iho nei ka hoike waiwai: Na dala kuike ma ka lima, Sepatemaba 30, he $11,789.26; e loaa mai ana mai ke Aupuni Teritore mai ma ka la 1 o Dekemaba o keia makahiki he $96,000; ke huiia e hiki aku ana i ka $211,789.26. O na hoolilo no'ekolu mahina ua nui ino loa, no ka mea o kahi koena iho mailoko mai o kela mau haneri kaukani he $49,789.26 wale no a ke hoolaweia na lilo no ka hana ana i na alanui o Kaluanui ame Kahana e koe ana he $24,789.26 wale no i ka waihona no ka hoohana ana aku no keia makahiki ae. He elua mau mea i hoikeia mai i ka papa e ka Lunanui o na Hana o lea Lehulehu Marston Campbell. Ka mua, ua haawiia aku ka ae i ka H. R. T. & L. Co. e hana hou i kekahi wahi o k« alanui hao ma ke alanui Moi ma kahi kokoke i ke alanui o ka hale pepehi bipi ma Kalihi, a o ka lua, ua kauoha ia aku ke. kanaka malama o ka halekula kiekie e haalele- i kona hale a e hoi ma kekahi hale ona ma na alanui Kawaiahao ame Hema mamuli o ka lilo o kana mau lako kuke i mau mea hoopilikia.