Ka Nupepa Kuokoa, Volume XLVI, Number 45, 5 Nowemapa 1909 — HE HOONANEA NO KA MANAWA [ARTICLE]

HE HOONANEA NO KA MANAWA

"He pili wale aku no ko'u ma ka hanai ana, a' owau kona kahu hanai, he okoa no jia mea na iaua maoli ke keiki. "Alaila maihea mai kou wahi o ka hele ana mai nei, a ihea hoi oe kahi i noho ai i kamaaina mua ole ai au ia oe?" "Aole au he malihini e like paha me kau e manao mai nei, aka he kupa au ahe kamaaina no keia loko, a x he alii hanau hoi no ka aina, aka o ko oukou alii ana, no ka honua iho nei no ia, a no'u ka oleloia i ke poo huna i ke aouli.'' * 1 Ina hoi ha pela, e hoi kakou no ko makou wahi," i noke aku ai o Kaleimamo i ke koi ia Oopunuianiho ame ke kaikamahine e hoi me ia no ka lohe ana aku, he alii nui ka keia i oi paha i kona, a o ia ka Oopunuianiho o ka ninau ana mai: "Eia ihea kou wahi e noho nei?" '' Aole au ninau no ia mea, oiai no 'u wale no kela mau kauhale apau au e ike aku la, a o kela poe wahine ame na kamalii e hoi la, no'u wale no ia poe kanaka, a o ko'u kaikaina no hoi kela a'u o ke kena ana aku nei e lawe i ka i'a a na 'lii." Aia hoi na keiki ke auamo la i na eke i'a a Kukualeimaka ma, a i ka hookokoke ana aku o ua mau keiki la ma kahi hale o laua, ua i mai la o Kukualeimaka i ka wahine i ka pane ana mai: "0 ke keikialii keia o Pohaku me ke kahu no o laua, a ke auamo mai nei i ke eke ma ke kua, me he mea la he eke i'a na kaua." Ua nana aku la o Kapohakau a ike io aku la i ka heile mai o ua mau keiki nei io laua la, a o ia nae ka ke kane o ka i hou ana mai i ka wahine. "Ke ike la no nae paha oe i na wahine a kaua o ka ike mua ana aku nei i ka noho mai i Papakolea ea?" "Ae, ke ike aku nei no au ia laua, eia nae. hoi he mea e ae kekahi mawaho o laua, me he mea la i ka'u koho aku o ke Keikialii paha o Kaleimamo." Ia pau ana no o kela mau olelo a Kapohakau o ke kamailio ana mai, ku ana no ua mau keiki' nei imua o ko laua alo, a kuu no hoi na eke a pa no ka ninau a kamaaina i ka i ana inai: "He mau eke nunui hoi keia a olua 0 ka auamo ana mai nei, heaha ka ukana o kena mau eke," wahi a Kapohakau me ke ano haohao. 4< He mau eke i'a keia a maua o ka lawe ana mai la na olua, no ka manao hoi malia ua makemake olua i ka i'a, a o ko maua kumu ia o ka t'6ea ana mai la imua o olua." "A heaha keia i'a a olua o ka lawe ana mai la?" 1 "O ke awa no hoi, ka anae, o keda iho la no hoi paha na i'a kaulana o ka aina, heaha hou aku auanei ua i'a e loaa ia maua." "A nawai mai nei kena i'a i haawi ia olua?" Na maua no lioi'i hele. aku nei e iawai 'a. I kaheaia ae paha mauft e Kaleimamo, eia ka no kela mau wahine e noho pu mai la me> ia ka manao, e lawe mai i ka laua i'a o ka lawai'a ana, oia ka opae ame ka nahawele, a o ko ia la kena no hoi ia ia maua e hele e kuu i'a a o keia ka I'a i ioaa ia maua a lawe loa mai nei na olua." (< A owai ka inoa o kela mau waliine a olua o ka haalele ana aku nei me Kaleimamo?" i ninau hou mai ai 0 Kapohakea. "Owai hoi ko laua mau inoa, aole 1 loaa ia maua, koe wale no ko maua kauohaia ana mai e lawe mai i keia mau i'a na olua. Hoeu mai nei nae maua e hele mai, o ko laua la kahea hou mai nei ia, a olelo mai nei, ina ka e ninau mai olua i ka mea nana i hoouna aku i keia i'a ia olua, alaila e hoike aku maua, na Mahinahikiopuiep\ile." ''Heaha la hoi, e lawe ana i keia i'a na maua, a i hoi aku olua a loaa aku ua mau wahine la, alaila haawi aku olua i ko maua aloha ia laua, a haawi pu aku no hoi i ko maua mahalo kiekie no keia mau i'a a laua o ka haawi makana ana mai nei na maua." O ke ku ae la no ia o ua mau keiki nei hoi no ke alo o Kaleimamo, ka mea e kakali mai la o ko laua nei hoi aku. ' Ia hala ana aku nae o laua, ua huli aku la O Kukualeimaka i kana wahine a i aku la: "He keu maoli ko kaua pomaikai e mama, i nehinei iho la no i hanau ai ka kaua keiki, a i keia la no ka ai koke no kaua i kana loaa, aole no hoi i ka ai ae a uuku, o ka hele ka ia a piha okoa na eke, o ka kana i'a no paha keia e ai ai, kua a paku'i maoli. "Ka i no a hala aku kau e ka wahine o ka olelo ana mai, no ka .lilo aku o ke keiki a kaua i imi loaa, eia ka e hookoia ana no ia olelo au, a heaha la hoi he ai aku hoi paha kau'a i ka loaa a ke keiki, a ola no hoi kaua i ka kaua keiki." , O ko laua nei hana iho la no ia i ka i'a a laua, hoomo'a kekahi a kapi no hoi kekahi, a u noho iho la noke i ka hoonuu i ka loaa a ke keiki a laua.' (Aole i pau.) O ka manawa o ka pilikia, aole iahe manawa no ka hiamoe.—Chrisity. i