Ka Nupepa Kuokoa, Volume XLVI, Number 44, 29 October 1909 — AHEWAIA O MORI KA MEA HOU PAHI Hoopuka na Kiure i ka Lakou Olelo Hooholo Mahope o ka Hala ana he Mau Hora. [ARTICLE]

AHEWAIA O MORI KA MEA HOU PAHI

Hoopuka na Kiure i ka Lakou Olelo Hooholo Mahope o ka Hala ana he Mau Hora.

Mahope iho o ka noho ana o ka Aha Kaapuni i noho kahuia e Lunakanawai De Bolt, no ka hoolohe ana i ka hihia 0 MoTi, kela Kepani o Maui nana i hou 1 ka Lunahooponopono Sheba o kekahi o na niupepa Kepani o keia kulanakauhale i ka pahi a kokoke ai e make i kekahi nianawa i haJa ae nei, ua hoopuka mai la ke kiure i ka lakou olelo hooholo e ahewa ana iaia no ka hewa hou pahi me ka manao e pepehikanaka, ma ke ahiahi o ka Poakolu«#ei. O keia ka hihia i nui loa ai na loio jna ka aoao o ka mea hoopiiia, oiai he elua maii loio hou ae mawaho o Lightfoot, alea mamuli nae o ka maopopo loa 0 ka hewa o ka mea. hoopiiia, ua hiki ole ia lakou ke hoopakele ae iaia mai ke kau ana aku o na ahewa ana a na kiure. Aole i pau ka paio ana a na loio o na aoao a elua a hiki i ka hora umikumamakahi o ke awakea o kela la alaila komo'aku la ka hihia iloko o ka iinia o n& Kiure, a aole hoi i loaa iki ka'lakou olelo hooholo a hiki wale i ka hora eono o ia ahiahi. Ma na mea e pili ana i kela hilūa, ua hoike okoa ae ka mea i hoopiiia i kona kuai ana i ka pahipelu, a no kona ike 1 ka oi ole, i liele ai oia e hookala. Me ka waiho o kela pahi i hele a oi iloko o kona pakeke, i halawai aku ai oia me Sheba ma ke awakea o kekahi la ae, a me ia pahi i hou aku ai oia i kona enemi, a e ole wale no ke ku ole ana o ka pahi ma kahi e make ai, ke

kumu i pakele ai ke ola o Mr. Sheba. Ua hooia ae 110 oia i kana niau mea 0 ka hoike mua ana ma kela manawa o kona hopuia ana, o ia no kona makemake ana e hookau aku i hoopa'i maluna o ka mea i lilo i kumakaia i ko lakou aina ame kona lahui kaoaka. Ma keia hihia nae i oili ae ai kekahi mau hana kohu ole e hana ia mai nei e kekahi poe kiuie, oiai i kela manawa o k© komo ana o ka hihia iloko o ko lakou lima, a i ka "wa hoi o ko lakou haloka ana ua ku kekahi poe ma ka aoao ahewa iaia a ma ka aoao hoi kekahi e hookuu ana iaia. Oiai nae he maopopo loa na oleloike aaa kela hihia no ke ahewaia o ka mea v hoopiiia, eia nae aole i ikeia ka manao o kē ku ana o na kiure ma ko laltou mau aoao iho, a hiki i ka wa i Hookuuia ai ke Kiure, eia ka i paakiki kekahi o kela mau kiure raa ka aoao a hookuu i ka mea i hoopiiia, i loaa ai he mau wahi maikai e hiamoe ai malbko o ka hokele ame ka loaa mai o na meaai maikai, me ka helu hou o kekahi la hana hou aku. He lehulehu wale na manawa a na kiure i baloka ai, aka e ku mau ana kekahi kanaka hookahi ma ka aoao e hookuu i ka mea i hoopiiia, oiai hoi na iiure e ae he umi-kumamakahi ma ka aoao e ahewa ana iaia. Ma ka hora eha o kela ahiahi i kahea houia mai ai na kiure e ka aha me ka haawi houia ana mai o na a'o ana i ka lakou mea e hana mai £i, a ia komo hou ana iloko o, ke keena kiure. he oia mau no ko lakou like ole a hiki i ka hora eono, akahi no a huli mai kela kiure hookahi ma ka aoao o kona mau >oa, a o ka loaa ana no hoi o ka lakou olelo hooholo ma kela hihia.