Ka Nupepa Kuokoa, Volume XLVI, Number 44, 29 ʻOkakopa 1909 — NA LIMAHANA RUKINI NO NA MOKUPUNI. [ARTICLE]
NA LIMAHANA RUKINI NO NA MOKUPUNI.
Ua kau aku o na< mokuahi kuikawa o Kauai Maui ame Hawaii na limahana Rukini i pau i ka nanaia a* aponoia e na luna o ka oihana hoopaelimahana he poe kupono ma ka auwina la Poaono nei. Ua hoolimalima maoliia ka Mauna Kea e lawe i n*! maliana Eukini no Kahului ame Hilo no na mahiko o Olaa ame Waiakea, a maluna o-Ke Au Hou i laweia aku ai ko Kauai poe limahana. Maluna mai o ka mokuahi Siberia o ka Poaha nei keia poe i ku mai ai a ma ka po Poalima mai maioko o ka hale ukana o ka Ahahui o ka poe mahiko i hoamnoe nui ai ia po a ao a kau no hoi maluna o na mokuahi no ka laweia aku no na mokupuni ma Poaono mai. Hookahi wahine opiopio i ikeia iwaena o kela poe aole i mareia, a i kumu nona e hiki ai ke lawe puia aku mg ka hapanui o lakou, hookahi wale no hana pono o kona mare ae me kekahi o na kanaka opio o kela auna. Ua ae 'oia e mare, a maloko o ka hale o ka oihana hoopaelimahana oia i hoohuiia 'ae ai me kekahi kanaka opio ma'ka auwina la Poalima ua lilo oia he wahine hauoli loa iwaena o kela poe limahana.