Ka Nupepa Kuokoa, Volume XLVI, Number 44, 29 October 1909 — HUIA KA HOHONO O NA HANA KI-PE Nui na Hauwalaau o Keia Mau La no ke Ki-peia o na Makai e ka Poe Piliwaiwai. [ARTICLE]

HUIA KA HOHONO O NA HANA KI-PE

Nui na Hauwalaau o Keia Mau La no ke Ki-peia o na Makai e ka Poe Piliwaiwai.

Eia ke puapuai mal nei ka hohono 0 na hana kipe i ka oihana makaikiu o ke Kalana o Honolulu nei, e like me' ia i lioikeia ae ai e kekahi o na Pake piliwaiwai, no ka hiki ole i na makai ke komo aku e hopu i na wahi e hanaia ana ka piliwaiwai. Ma ka Poalima aku nei o ka pule i hala, lie ekolu ka mau wahi piliwaiwai a na Pake i akoakoa ae ai mauka o Pauoa me ke komo hokai oleia aku e ka oihana makai. Ua hoalaia ae kela mau aha piliwaiwai e Ayau, he Pake kamaaina ma ia ano hana, a wahi ka a kela Pake i hoike ae ai, ua aeia aku ka lawelaweia ana o kela mau hana piliwaiwai e Makai Nui Jarvett. Ma ko ka Makai Nui Jarrett aoao nae, ua hoike ae oia i ka, hiki kino ana aku o Pake ma ka inoa o Ayau imua ona, a hoike aku la no kona makemake e malama i mau aha piliwaiwai, i hiki ai ke loaa mai ke dala no ka hoala ana he ahaaina luau a kekahi ahahui, a o keia noi nae ka Jarrett i hoike ae ai i kona hoole ana aku i ka makemake o kela Pake. Ua hele ae nae ka lohe no kela mau hana piliwaiwai mauka o Pauoa a laulaha loaia, „a ma ka Poaono mai i hiki kino aku ai o Mr. Baraunu ame ka Hope Loio Kalana imua o Jarrett, * hoike aku la i ko laua manao no ka 'hoopuka maoli ana i palapala hopu no kela poe Pake piliwaiwai. Ma ke Sabati mai nae, ua paa mai

la he iwakalua poe Pake no ka piliwaiwai i na makai, ma kela walii 110 I hanaia ai ka piliwaiwai ma ka Poahala, a pau nui ae i ka paa i ka halewaū Mamuli o na hoohuoi lehulehu no ke kumu o ka hopu oleia ana o kekalii mau walii piliwaiwai, me lie mea la e noii ponoia aku ana a hiki i ka maopopo pono ana ae, ina ppha ua hanaia lie ki-pe e ka poe piliwaiwai i ka oihana makaikiu a i ka oihana makai paha. Mamuli o ka lioohiki ana a A. M. Baraunu i lea palapala hopu no kekahi poe Pake o ka piliwaiwai ana ma ka Poalima aku nei i hala, ua paa mai lā o Ayau ame kekahi poe okoa iho ma ka Pōalua nei, eia nae ua belaia ko Ayau mau hoa e W. Crawford y 0 na Pake i belaia na hoike i manaoia no ka hana ioia ana o ka piliwaiwai e like me ia i loheia, ka piliwaiwai lioi a Ayau o ka hoike ana ae no ka hiki ole i na makai ke hokai wale aku i ka lakou mau hana ku-e kanawai. He nui na lono like .ole e wawa nei i keia mau la, o kekahi lono, o ia no ka lawe ana mai o ka Makaikiu Leal i na dala kipe a ka poe piliiwiiwai, & ke lioole mai nei hoi kekahi poe no ka pili ole ana o ka hewa iaiai No Makai Nui Jarrett, ua hoole lo* ae oia no kona ike ana i na mea e pili ana i ke ki-peia āna o ka oihana makaikiu, oiai no nae ua lohe no oia'f na kamailio lehulehu e pili ana no ia mea, koe wale no kona kali ana a hiki i ka maopopo maoli ana iaia o ka oiaio o na lohe i hoikeia aku imua ona. Eia no ka poe piliwaiwai ke noke mauia mai nei i ka hopuhopu i kela ame keia manawa, e loaa ole aku ai no loohuoi no ke ki-peia o ka oihana makai, aka malia he auna okoa no ka. auna e hoopakeleia nei, a noke mauia no ka poe i kaa aku ka poai i kaa aku malalo o ka hoopakele ana a na kanaka o ke aupuni. Ua manaoia, ina no ke ala mai o ke Kiure Nui a ninaninau pono i na mea e pili ana i ka poholalo io o na makai, a i ole ko lakou ki-peia paha, alaila e kauoha houia aku ana o Makaikiu Leal e hoi mai no Honolulu nei.