Ka Nupepa Kuokoa, Volume XLVI, Number 44, 29 ʻOkakopa 1909 — MOOLELO O KA AHAHUI EUANELIO MOKUPUNI O OAHU MA WAIANAE. [ARTICLE]

MOOLELO O KA AHAHUI EUANELIO MOKUPUNI O OAHU MA WAIANAE.

Koho ka halawai a ka Ahahui Euanelio o Oahu ma ka Poalima, Okatoba 8, 1509, i ka hora 11 a. m. ma ka luakiAi o Waianae> Oahu. Lunahoomalu H. K. Poepoe ma ka noho. Hoomakaia na hana me ka himeni ame ka puie a ka Lunahoomalu. Kohoia o Nakuina i Kakauolelo Kuikawa. Hoomaopopoia na lala o ka Aha i hiki mai, Kawaiahao, E. K. Lilikalani, Elele; Kaumakapili, H. K. Poepoe, Hope Kahu, Chas. Mahoe, Elele; Kalihi ame Moanalua W. K. Poai, Kahu; Ewa, S. K. Oili, Kahu; Wm. F. Mossman, Elele; Waianae, M. K. Nakuina, Komite; J. K. Kapau, EleJe; Waialua, L. D. Keliipio, Kahu; S. K. Miahoe, Elele; Hauula, E. S. Timoteo, Komite; Waikane, M. Kuikahi, Kahu; E. P. Aikue, Elele; Kaneohe, P. D. Kelett, Elele. Na Lala Mau —W. B. 01eson, E. S. Timoteo, O. H. Gulick, J. K. Kekahuna, S. P. Kaaia, F. S. Scudder, J. P.* Erdman, H. P. Judd ame S. H. Oni. Na Haumana a ka Aha—J. K. Kaohi, C. H. Maemae, Keauiaole ame P. D. Kellett. Na Ha 'iolelo, E. K. Lilikalani. Na Komite—Haipule, Kuikahi, Oili ame Maemae; Hoike Kihapai, Mossman, S. K. Mahoe ame Chas. Mahoe; Hoalohaloha, Timoteo, Kaaia ame Kekahuna; Papahelu, ame Aikue; Papalapa Hoopii, Timoteo, Gulick ame Oili. Heluhelu ke Kakauolelo i ka hoikē a ke Komite Imihana, a apopoia ma ke noi a Poai. Heluhelu o J. P. Erdman i ka hoike a ke Komite Papa Manawa Hana, aponoia ma ke noi. a Poai. Hapai ka Noho i ke Kumuhana 2 — Na Hoike Kihapai. Na Lilikalani i ko Kawaiahao, na Chas. Mahoe i ko Kaumakapili, na Mossman i ko Ewa, na S. K. Mahoe i ko Waialua, na E. P. Aikue i ko Waikane, na ke Kar kauolelo i ko Kalihi ame Moanalua, waihoia na Hoike apau i ke Komite. Kumuhana 3—Na Hoike Papahelu a na Kahu Ekaleaia ame na Komite. Na Poai i ko Kalihi ame Moanalua, waihoia i ke Komite. Kumuhana 4 —Hoike a na Komlte Ekalesia Kahu ole. Na E. S. Timoteo, i ko Hauula. Koena o na Hoike Elelē—Heluhelu ke Kakauolelo i ka Hoike Kihapai o Hauula, waihoia i ke Komite. Ma ke noi a Timoteo, ua hoomaha ka Aha, hookuuia me ka himeni aihe ka pule a ka Lunahoomalu. Noho hou ka Ahat i ka hora 1 p. m. hoomakaia na hana me ka himeni ame ka pule a ka Lunahoomalu. Na Hoike Kihapai o na Ekalesia Kahu ole. Na P. D. Kellett i ko Kanēohe, na J. K. Kupau i ko Waianae, waihoia keia mau hoike i ke Komite. Kumuhana o—Hoike a ka Agena o ka Papa Hawaii. Na Erdman i kana hoike waha i unuhiia e Nakuina. Kumuhana 7—Hoike a ke Kumukula A'o Baibala o keia Aha. Na Erdman i kana hoike no keia hana, a wahi ana, ua hooholo ka Papa Hawaii e kukuluia i kula a'o Baibala kumau ma Kawaiahao, ua makaukau na kumu ame na haawina, ua paipaiia na Kahu na Eklesia e pule nui no keia liana. Kumuhana B—Hoike a na Keiki o keia Aha i laikiniia. Na Lilikalani, | Kaohi, Keauiaole, ame Maemae i ko keia kumuhana ma ka hoike waha. | Kumuhana 10 —Na haumana a ka Aha me haawi laikini. Na Erdman « haawiia ka laikini ia Lilikalani, Kaohi ame Maemae. Na Nakuina, e haawi houia ka laikini ia S. K. Kamaiopili, hooholo loaia. Ma ke noi a Timoteo, ua aponoia ka hoike waha a ke Kumukula A'ō Baibala a ka Aha. Kumuhana 12 —Na Kahunapule Ekaleaia ole. Ma ke noi a Nakuina, ua waihoia keia hana i ke Komite, ia la« kou na kahea Kahu e hoouna ai, ame ka imi ana i ka Ekaleaia. Koho ka Noho i ke Komite— Timoteo, Erdman, Keliipio ame Poai. Kumuhana 13—Ke ola o na Kahu, na Komite ame na keiki a ka Aha. Hoopaneeia a hoi mai ka hoike Komite Kihapai. Kumuhana 14—Waihona o na waliine kanemake a na kahunapule, hoike a na lunanui ame ka lulu ana. Hapai ka Aha i ka lulu, a loaa ka huina dala o $12.20. Ma ke noi, ua hoomaha ka Aha a noho hou i ka Poaono, Okatoba 9, 1909, hora 8:30-12 a. in. Hookuuia me ka himeni ame ka pule a ka Lunahoomalu. La Hana Elua, Okatoba 9, 1909 — Noho ka Aha ma kahi mau. Malama ia ka hapalua hora haipule, na ka Makua O. H. Gulick. Hoomakaia na hana me ka himeni ame ka pule a Timoteo. Malamaia ke kahea inoa: Ma ke noi a Timoteo, ua kapaeia na rulai Nana no i ka Hoike a ke Komite o na Palapala Hoopii, oia hoi, ka waiho Kahu Ekalesia a ke Kahu o Waikane, aponoia ka hoike, ma ke noi a S. K. Mahoe. Na Nakuina i ka hoike hapa a ke Komite Imihana, aponoia ma ke noi a Poāi. Kumuhana 16—Na mea keakea i ka Pono, ka Waiona, ka piliwaiwai, ka hookamakama ame ke kanawai Sabati. Na Nakuina e malama pono na makua i na keiki i ole e lilo lakou i poe haihai i ke kanawai Sabati. Na Lilikalani i ke kakauinoa ana o na boa-

hanāu o ka. Ekalesia o Kawaiahao, ku-e i ka Na O. H. Gulick i heluhelu mai i ka Pila Kanawai Helu — o ka Aha Senate o Amerika e ku-e ana i ka hoopae a kuai ana i ka rama ma Hawaii nei, ma ka hooponopono ana a + Wooley. Na Timoteo e kohoia i Komite nana e hoomakaukau i na olelo kupono ku-e Waiona a hoouna aku i ka Ahaolelo Nui o Amerika, hooholoia. .Koho ka noho i ke Komite—Gulick Timoteo ame Nakuina. Kumuhana 17—Na Kula Misiona— Paipai o Nakuina e hoouna na makua mea keiki i na keiki i keia mau kuia. Na Lilikalani, ke kokua nei ka Ekalesia o Kawaiahao i ke Kula Misiona o Kawaiahao. Kumuhana 18—Na Luakini, na hale kahu, a pela aku, waihoia a hoi mai ka hoike a ke komite Kihapai. Kumuhana 20—Na Lulu Papa Hawaii, Papa Amerika ame Papa Misiona Amerika, Na 01eson, he 100 ka nui o na Ekalesia o Hawaii nei, he 15 i koe o lakou, aole i uku a kokua no keia mau lulu, he liookahi Ekalesia o Oahu nei aole i kokua. Kumuhana 21—Na Komiie a keia Aha i ka Paeaina. Koho ka noho ike Komite, Poai no ka hana a ka Aha, Oili no na hoike Kihapai. Kumuhana 23—Koho i ke Komite Papa Manawa Hana. Ma ke noi, uā" hoomauia ke Komite mua. Kumuhana 28 —Komite Hai Euanelio. Na Oleson i hoike mai no ka ka Papa Hawaii mea i hoolala ai no-keia hana, oia hoi, elua mahele. O Timoteo ame kona poe; o Nakuina ame kona poe. Kumuhana 29—Kia Hoomanao no Opukahaia me na makua Misionari. Ma ke noi a Nakuina, ua hooholoia e pa kenikeni (lOe.) ia i na hoahanau pakalii o na Ekalesia o Oahu nei, a e hoike mai iloko o Aperilas 1910; o keia mau loaa no ke Kia Hoomanao o Opukahaia. Ma ke noi a Mossman, ua kapaeia na rula. Nana no i ka Hoike Komite 0 na Hoike Kihapai. Ma ke noi a Poai, ua noonooia ka Hoike a ke Komite, a ua a'oia na Ekalesia ma o na Elele la, aole e lawe hou mai i na hoike Papalielu iloko o na hoike kihapai ma keia mua aku, aponoia ka hoike ma ke noi a Timoteo, Hapaiia ke Kumuliana 22—Ke koho ana i na lunanui. Waihoia mai na inoa o H. K. Poepoe ame S. K. Oili 1 Lunahoomalu, ma ka baloka ana ua koho ponoia o Oili i Lunahoomalu, nona baloka he 14 ku-e ia 12. rtfa P. D. Kellett ia Poai i Kakauolelo, koho ponoia ma ka hookomoia ana i baloka nona, na Moses K. Nakuina. Kumuhana 30—Wae ana i mau lala no ka Papa Amerika. Na 01eson ia D. Scudder, D.D., a na Nakuina i ka inoa o Hon. E. K. Lilikalani, hooholoia. Kumuhana 32—Aha Paeaina i Kailua. Paipai nui o Nakuina e makaala na Ekalesia i ke ola o ia Aha. Kumuliana 33—1 Mau Kahu Hou. Wahi a Nakuina, ua nui loa na Eka- ! lesia Kahu ole, a ua nwikemakeia i mau kahu no ia mau Ekaleeia. Ma ke noi. ua hapai houia ke Kumuhana 4—Na Hoike Komite o na Ekalesia Kahu ole. Na Nakuina i kana Hoike Papahelu Komite o ka Ekalesia o Waianae, waihoia i ke Komite oia hanā. Hapai houia ke Kumuhana 25—Kahi ame ka manawa e noho ai. keia Aha. Me ke noi a S. H. Oni, a i hooiaia mai e ka Elele Chas. Mahoe, ua hooholoia e noho ka aha ma ka Ekalesia o Kaumakapili i ke kau o Aperila, 1910, Na Oili, Komite Papahelu i kana hoike, aponoia. Na Timoteo e hapai houia ke Kumu-! hana 4 i aoponoia. Nana no ia J. K. Paele i Komite no ka Ekalesia Kahu ole o Hauula me ka nana pu o ke Komite a keia Aha, 'no na Ekalesia pilikia o keia mokupuni, hooholoia. Waihoia ka Ekalesia o Waikane, na ke Komite a keia Aha, e malama a e hana i kona mea e pono ai, (oia hoi, Komite o na Ekalesia pilikia o keia aha). Ma ke noi a P. D. Kellett, ua hoomauia o H. H. Parker i Komite no ka Ekalesia o Kaneohe, no keia eono mahina aku. Ma ke noi, ua huomaha ka aha. Noho hou ka Aha me ia i hoomaha ai. Hoomakaia na hana me ka himeni ame ka pule a ka Lunahoomalu. Koho ka noho i ke Komite Ahaaini a ka Haku—Nakuina, Kaaia ame Poai. Lawe mai o Poai he Olelo Hooholo oia hoi, e hoomauia no ka Papa Komite Kumau o keia kau, o lakou no na Komite o keia kau aku, Aperila, 1910, aponoia ma ke noi a S. K. Oili Na O. H. Gulick, he leka mai na hoapaahana Kepani mai e haawi mai ana ike aloha i keia Aha. Kauoha ka Aha i ke Kakauolelo e pane aku i ke aloha o keia Aha ia lakou. Ma ke noi ua hoopanee ka Aha a noho i ke kau o Aperila, 1910 ma Kau* nakapili, Poalima elua. Hookuuia me ka himeni ame Jia pule a ka Lunahoomalu, Kev. H." K. Poepoe. WM X. POAI, Kakauolelo.

O ka lono lauahea e mare aku ana ke Duke wahine o Chaulnes o Miss Theodore kona inoa, me ke Keikialii Joehim Murat ? ua hooleia ka oiaio o ia lono e ke Duke wahine' ponoi, i ka wa i hoea ae ai i Nu loka.