Ka Nupepa Kuokoa, Volume XLVI, Number 44, 29 ʻOkakopa 1909 — HE HOALOHALOHA. [ARTICLE]

HE HOALOHALOHA.

E hoi ole mai ia 'u ma na helu i piha me ke kumakena. O ke Ola he moeuhane ano ole wale no ia He nui loa ko kakou poe e moe nei, a e moe aku ana 0 ka lua kupapau Aole oia ka pahu hope. Ka Nupepa Kuokoa, Aloha nui loa: Me ka naau luuluu afie ke aloha pau* mako makou e nonoi nei i kou ahonui e oluolu mai i kekahi wahi kaawale o kou mau kolamu waiwai nui no ka makou puolo kaumaha, he waimaka. Ma ke kakahiaka hora 8:00 a. m. o ka Poaha, Okatoba 21, 1909 maloko o ka Haukipila o ka Home Bihopa, «Kalaupapa, Kalana o Kalawao, ua lokomaikai loa i ka Mana Kiekie ke kikoo ana mai la i ko makou hoapaahana iloko o lesu Kristo i aloha nuiia © makou, Miss Kamai Kalaau a lawe aku lā i kana o ka Uhane, a waiho iho la i na materia honua na makou na na hoaloha ame kona luaui makuahine ana i haalele iho la e manele aku 1 kona kino lepo no ka lua, Aloha no! He hoahanau hoopono oia iloko o ko makou Ekalesia, he haumana holomua loa iloko o ke Kula Sabati a he lala hoahana makaala iloko o ke C. E. I kona hookaawaleia ana aku la mai ia makou aku he hiki ole no ke hoopiha kokeia ae ia hakahaka no kekahi manawa e hiki mai ana no ka mea he kakaikahi loa na poe i like me kona ano he wahine opio iini nui oia i na mea o ka uhane. He kumu hoohalike maikai no na wahine opio i koe iho e hoohalike aku ai iloko o ka noho hoa* hanau ana, haumana ana, a Hooikaika Kristiano ana. He kaikuaana kona e noho nei ma Maui, he= mau ohana, makamaka ame na hoaloha. O kona makuahine ua haalele iho la no oia iaia ma ka Home Bihopa. E oluolu mai, o makou o na hoahanau, na haumana Kula Sabati ame na lala o ka Ahahui C. E. o ka Ekaleaia Hoolepope o Kanaana Hou, Kalaupapa, Kalana o Kalawao ma o ko makou Komite la ke hooholo nei, nolaila; E hooholoia, Ke komo pu nei makou oe e ka makuahine, ke kaikuaana, ka ohana apau, na makamaka ame na hoaloha o ka mea aloha a kakou i hele kohana aku la ma ke ala hoi hou ole mai e kanikau pu a e kumakena pu me ouleou e like me ka loihi o ko kakou ana nona, a e i Hooholo hou ia, E nonoi ae ka makou mau leo pule me ka lokahi ma na paepae o ka mea Mana Loa e hoomama mai i ko kakou mau kaumaha, nolaila, E ka makuahine, E kanu i kou kanikau ma na wawae o Kristo, e puliki a paa ia Kristo e lanakila auanei kakou maluna o na hoao' no ka mea *'A pau ae na la o kona hoao ia mai e loaa auanei iaia ka lei o ke ola." E ke kaikuaana iloko o Kristo, aole he kanikau, aole pilihua, aole kaniuhu no ka mea "E hauoli oukou a e olioli nui hoi, he nui ka uku no oukou ma ka lani" nolaila, e hoolana kou manao no ka mea ua moe aku kou pokii me ke mele ma kona waha ame ka pule ma kona naau e nonoi a e hoonani ana ia lesu kona Haku. M)b ka ohana ame na hoaloha ko makou waimaka ame oe e ka Lunahooponopono ko makou lima akau. Aloha, Aloha walel Komite—J. K. Keliikuli, S. K. Kaunamano, L. M. Painamu, Mrs. P. Kaai ame Mrs. K. Holopinai. Kalaupapa, Okatoba 22, 1909.