Ka Nupepa Kuokoa, Volume XLVI, Number 44, 29 October 1909 — KA MAKE ANA O KEKAHI KRISTIANO. [ARTICLE]

KA MAKE ANA O KEKAHI KRISTIANO.

(Unuhiia no ke Kuokoa e J. Nakila.) Maloko o ka Missionary Herald o keia mahina i ikeia iho ai keia moolelo walohia.3tnalalo nei i kakauia e Bev. Frederick W. Maeallum, a no ka pomaikai o ka poe Kristiano apuni ka Paeaina a pela pu hoi me ka poe heluhelq o ke Kuokoa, ua unuhiia mai keia moolelo i mea hoaiai aku, me ka manaolana o ka mea unuhi e lilo ana keia moolelo pokole i mea waiwai nui no ka poe e hoomaopopo ana he mea waiwai nui ka manaoio ana i ke Akua oiaio, a penei ka mea i kakauia: 0 ka luku wale ana i ka poe Kristi-1 ano i hana kokeia mai nei ma Kilikia e hoike ana ia he lehulehu na Kristiano o ka lahui Amenia i makaukau e haawi aku ia lakou iho e make iloko 0 ka lima o na enemi mamua o ka hoole ana ia Kristo. Aia iloko o kekahi awawa hohonu i nalowale i na kakai mauna ma ke komohana o Marsh kekahi wahi kulanakauhale uuku i kapaia o Tavutlu. Malaila kekahi kanaka Amenia o Kho]a Atomiana konā inoa; he kanaka ike ole loa keia i ke kakau ame ka heluhelu, laka nae he kanaka haipule oiaio, e pule mau ana v\e ka malama i na rula ame na a'o ana a kona Ekalesia. 1 ka wa i ulu mai nei ka nune kaua m#, Tureke iloko aku nei o Aperila i hala, ua laweia na kanaka o kahi kauhale o Tavutlu e ka poe Moselema i kekahi kulanakauhale kokoke mai. Ua waiho ia aku ka manao koho i kela poe Amenia e naka ana ma ka huli mai paha e hoomana ia Iselama a i ole ma ka make paha mahea la ka lakou koho. Ua ae ka hapanui o lakou e huli no ka maka'u, a koe o Atomiana, a i ka hiki ana mai i kona manawa no ka ninauia, eia kana pane: '' He kanaka Kristiano oiaio āu. Hookahi wale no Akua oiaio, hoohnhi Ho*| ola, a hookahi hoomana oiaio, a o ua ho<ifliana la oia no ko'u hoomana'e ku nei i keia la. Aole āu e luli iki ana,, aole loa he make hanohano e ae e loaa ana ia'u o ka make wale no noj kuu Haku no lesu." j O ka poe Amenia e ae apau o lakou i huli ai i ka hoomana Moselema ua pakele lakou. I ka wa i lohe mai ai na hoahanau ekolu oria\i kana olelo, ua lele mai la lakou a apo iaia, a koi mai la me ka ikaika e ae aku e lilo i ka hoomana Iselamfa i pakele ae ai kona ola. O kana wahine ame na keiki liilii eono ua holo mai la a kukuli malalo o kona mau wawae a noi ae la e aloha iho ia lakou, e ae aku ia e huli i pakele kona ola no ko lakou pono. O kana pane wale no i olelo iho ai, "Aole hiki ia'u ke hoole ia Kristo." Mamuli o kona paakiki ua hoo« pilia loa ia na kanaka Tureke i ka liuhu, nolaila ka'iia aku la oia iWaho ma kahi a kona ohana e ike aku ei iaia a; kiia aku la a make. I kona ku ana, haule iho la oia iluna o kona mau lima ame na kuli me he mea la e pule ana a lele loa ae la kona hanu. Aole ī kali iho na kanaka Ttfreke no kona make, aka nakii iho la i ke kaula ma kona a-i a kaualako aku la iaia iliīna i ka mauna a kiola iho la i kona kinp/. iloko o kekahi owawa ma ka aOao o ka pali, a no ko lakou hopohopo o kiiia aku kona kino, ua huki houl ae lakou a kaualako hou aku la 1 kekahi owawa hohonu pouliuli ike oleia iho olalo a malaila lakou i haalele ai iaia. Alaila hoi nui aku la lak.ou e a'o i ka poe i huli mai i lee ano o ka hoomana ana. Eluamah'ina' mahope mai pau hou kela pde Amenia i ka huli hou i ka hoomana kahiko a haalele i ka lakou hoomana hou a.hoi no e hoomana i ke Akua ma ka lakou hoomana mua, mamuli o ka ae ana mai o ke Aupuni ia lakou. * Ua pakele ko lakou mau ola mamuli o ka hoole ana i ko lakou Haku no ka manawai pokole. He kanahiku la i waiho ai ke kino' make o Aiomiana Khoja iloko o ka lua' hohonu pouli puanuanu, a i ka hele ana mai o kekahi poe Mikanele mai Marsh mai, lohe lakou a kiiia e hoihoi mai i kona kino kupapau a kanuia maloko o ke kulanakauliale. Ua loheia na leo kumakena o na wahine ma na alanui, ua malama ia he anaina hoolewa nui, a mahope 0 na leo pule 'ame na leo mele eeliia, ua kanuia kona kino kupapau ma ka ilina me ka manaolana maopopo loa e alahou mai ana oia me ka nani ma o. O na hoohanohano ana apau e kau ia maluna o keia Kristiano haaliaa loa 1 luku waleia ma Tavutlu ame ka lehulehu e ae apau' o ka poe Kristiano i maopopo ole na inoa i uku wale ia a i sila hoi i ka lakou mau olelo Kristiano oiaio me ko lakou mau kulu leoko!