Ka Nupepa Kuokoa, Volume XLVI, Number 43, 22 ʻOkakopa 1909 — NALOWALE HE KAIKAMAHINE [ARTICLE]

NALOWALE HE KAIKAMAHINE

Ma ka po Poaha o ka pule i hala, ua nalowale honua kekahi kaikamahine, o Caroline Carter ka inoa a ua noke na makua ame ka ohana i ka huli i ka mea nalowale a pa i uka a i kai o ke kulanakauhale aohe nae he loaa, a no ia nele, hoike okoaia mai i ka oihana Makai no ke kokua aku i ka huli ana i ka mea nalowale. Ua hoihoiia kela kaikamahine i ke kulahanai, a i na wa apau e huhu ia ai e na kumu no kekahi hana hewa ana, e holo malu mau ana oia mai ke kula mai ina no o na hora ia o ka pouli e hoalii ana maluna o ka ilihonua, a he pinepine loa na manawa i hana ai oia pela mamua aku a he hope loa keia holo ma-lu ana iho la. Ma kekahi manawa ana i holo ma-lu mai ai ua hoi pololei oia i ka hale o ka makuahine, a i kekahi manawa i ka He o ka makuakane o David Carter ma ka paHina ma Maemae. He mau mahina i hala hope aku nei, ua loaa aku oia i na makai e auwana hele ana ma o a maanei o ke kulanakauhale a na na makai i hoihoi iaia i ka hale o na makua. Ma ka auwina la Poaha nei, ua maliuka hou mai oia mai ke kula mai, a mahope o kona nalowale ana ua manaoia ua-hoi hou no oia i kona wahi mau e paa ai,*eia nae, aohe wahi moali i ike ikiia nona e hiki ai oia ke loaa. 0 kona makuahine i keia manawa, oia no o Mrs. "Noah Kauhane, a i na manawa mua aku nei ana e maihuka mai ai e hoi pololei loa ana oia ilaila, a i keia hana ana hoi aole oia i hoi ilaila, no ka mea, ina ilaila aole e huli mai ka makuahine. Aohe i lohelohe iki ia mai ka loaa ame ka ole a hiki i ka Poakahi nei. |