Ka Nupepa Kuokoa, Volume XLVI, Number 43, 22 ʻOkakopa 1909 — HE AHAMELE AME HULAHULA. [ARTICLE]

HE AHAMELE AME HULAHULA.

Mamuli o ka ikeia. ana i ka uuku loa o ka luakini ma Waikiki, o ka Hoomana o lesu Kristo o ka Poe Hoano o na La Hope Nei, nolaila ua hoalaia ae ka manao iloko o na hoahanau o ia hoomana e imi aku i alahele e hiki ai ke hoomahuahua houia ae ka Hale o ke Akua ma ia.apana, a no ia hana no hoi e weheia aku ana he Ahamele ame Hulahula, he hana hoi i konoia ai ka lehulehu e alu like ma ke kokua ana i na hana maikai; MalOko o ka Hale hui K. P. e ku nei ma ke alanui Beritania ame Papu, e haawiia aku ana imua o ka lehuJehu he ahamele i piha me na mele hoohialaai e na puukani i waeia mailoko mai o na olohe himeni o keia kulanakauhale. a ma ia manawa hookahi hoi e kuupau mai ai ka hui himeni kaulana Kawaihau malalo o ke alakai ana a $am K. Nainpa i na mele hulahula mahope ihoVo ka hoolohe ana i zia puūkani kaulana. E weheia ana keia.ahamele ame hulahula ma ka po o ka Poaono, Okatoba 30, 1909, ma ka hiapaiua ponoi, o ka hoi'a- ehiku, he manawa hoi e lawa pono ai ka makemake o na mea apau no ka hoolohe ana i na himeni, a no ka hoohehelo ana iluna o ka papahele e wili ai nie na hoa hulahula ma kela P°* . Eia na tikiki ke kuaiia nei e na koma ka hookahi dala a ma ka ekolu hapaha, a e loaa no hoi ma ka puka ma kela po.