Ka Nupepa Kuokoa, Volume XLVI, Number 43, 22 ʻOkakopa 1909 — HOIKE KA ELELE I KONA MANAO Kakoo Nui Oia I ke Kaheaia Ana o ka Ahaolelo Kuikawa. [ARTICLE]

HOIKE KA ELELE I KONA MANAO

Kakoo Nui Oia I ke Kaheaia Ana o ka Ahaolelo Kuikawa.

I ka wa a Kiaaina Frear i hoiko ae ai ma kana kuahaua no ka noho aiia mai o ke kau kuikawa o ka Ahaolelo Kuloko, ua loheia aku ka manao apone o kekahi mau hoa o ka Ahaolelo no ia keehina a ke Kiaaina o ka lawe ana ae, a iwaena o ka poe i hoike ae i ko lakou manao pela, o ka Elele Kuhio kekahi. Wahi ana ina e apono a hooholo mai ana ka Ahaolelo Lahui i na hoololi i ke Kanawai Kumu e manaoia nei e hoo holoia mai ana e ka Ahaolelo Kuloko, e lilo auanei ia mau hoololi i mea e pomaikai ai na Hawaii, he alahele hoi e loaa ai na home hookuonoono i na kauaka Hawaii, a e pau ai na hana alunu aina a ka poe hao aina, a i ole lilo aku' paha i na hui hoopukapuka* waiwai. Ua hoike ae nae oia, ma kona īpanao aole he han'a maikai ka papa loa ana i ko kekahi mea moraki ana aku i kona aina mahope iho o ka loaa ana mai o ke sila iaia, ua likeia me ka punuku ana i ko ke kanaka pono, aka ma ke ano holookoa nae o ka bila, i ona manaoio, oia kekahi o na bila maikai loa, e loaa hou ole ai paha kekahi mea i oi ae i keia. "Ina e kakoo niai ana ka Ahaolelo lahope o kuu kua ; ua paa loa kuu manao, \ia hiki loa ia'u ke hele imua o ka Ahaolelo Lahui, a hooikaika aku

no ka l'ilo ana o keia bila i kanawai, a o ke kokua ole ana mai o ka Ahaolelo, ua maopopo ia'u, aole e hiki ana iar'u ke hana aku no ka loaa ana mai o kekahi mea. Ma ka mea oiaio maoli o keia ka na kanaka o ka Ahaolelo Lahui i hoike mai ai, oiai lakou maanei nei." "Ua makaukau loa lakou e hooholo mai i kekahi man hoololi i manaoia no ke Kanawai Kumu, a ka Ahaolelo e liooholo ai, a aole lakou e hana mai ana i nā mea i kakoo oleia e ka Ahaolelo," o keia kekahi o na olelo a ka Elele Kuhio a ke kamailio ana ae. Ma ke t ano nui hoi, ua hoike ae o Mr. Chillingworth ame Huddy i ltd laua apono i na hoololi i hoomakaukauia, a malia paha he mau hoololi hou aku no kekahi, koe wale no ka nui ole o ka manavra e heluhelu ai i ka bila kanawai i manaoia.