Ka Nupepa Kuokoa, Volume XLVI, Number 43, 22 October 1909 — NELE KE KALANA I KA LOIO. [ARTICLE]

NELE KE KALANA I KA LOIO.

Ua lilo i hana nui na ka Makai Nui Sam Pua o Hawaii ka imi ana aku i alahele e pono ai ka aoao o ke aupuni i ka wa e noho mai ai ka Aha Kaapuni ma Kailua ma keia mua koke iho, a hiki i kona holo okoa ana mai no Honolulu nei, e hui pu ai me ka Loio Kuhina ; no na kokua mai ia keena aku. Ua ala mai ia pilikia mamuli o ka makemake ole o ka Papa o na Lunakiai i ka Hope Loio Kalana, a he kulana kupilikii hoi ko Mr. Williama e hiki ole ai iaia ke lawelawe i na hana 0 kona keena, a o ka loaa ana aku o kekahi mea mai waho aku nei, o ka mea auanei ia e hoomama ia ae ai ke Kalana ma keia kau o ka Aha Kaapuni. I ka manawa ka i noho ae ai o Mr. Smith ma ke ano he hope no. ka Loio Kalana Mr. Williams, ua maikai ka lawelaweia ana o na hana o kona keena, a ua oluolu no hoi ka launa hna o na lala o ka papa me ia, aka i kela mahina wale aku nei no i ala mai ai ka makemake ole iloko o ka Papa n»na, a lakou o ka hoomaopopo ana, ua lawelawe aku o Mr. Smith i na hihia e ku-e ana i ke Kalana, a ma ia ano i .kupono ole ai oia e lilo i kauwa na ka lehulehu. • Ua oleloia ae, ua hoike mua aku ka ka 'Loio Kuhina ia Lunakiai Shipman oiai oia ma keia kulanakauhale, aole e hiki i ke keena o ka Loio Kuhina ke hoouna aku i kanaka no ke kokua ana 1 ka pilikia o ke Kalana o Hawaii, oiai ua pokeia mai kona lAau hope, e hiki ole ai ke lawelawe i na hana o ke Kalana. He hookahi nae mea i kohoia aku, o ia no ko ka Loio Kuhina ae ana e haawi aku i komisina i kekahi o na loio a ka Papa Lunakiai e koho ae ai no ke kupale ana i na hihia a ke aupuni, ke auamo ke Kalana i na hoolilo apau o kela kanaka ame kona uku. ■ ♦ »i