Ka Nupepa Kuokoa, Volume XLVI, Number 43, 22 October 1909 — Nuhou Kuloko [ARTICLE]

Nuhou Kuloko

O John A. Baker ka akena nana e oti mai nei i na kanaka e makemake ana e loaa na hana. E alawa ae i na hoolaha kuai o na aina aupuni ame ka hoolaha moraki e oili aku nei i keia pule. Ua hoopaneeia ka hoopuka ana aku i na haina nane i keia pule mamuli o ka loaa ole he mau keena kaawale. Kau ka weli i ka hana a ka makani ino e ulupa mai la ma na aina e oiai no nae o Hawaii uuku e opu malie ana i ka la'i a ke Kioea. Ua wehe ae nei ka banako Kepani he. hoahu liilii ana e hiki ai i kela ame keia ke hookomo ae i ka lakou mau (lala ilaila ke makemake. 3fa ka Poakolu nei, he kaikamahine olalau ka i hoilioiia i ke kula hoopololei 0 Keoneula mahope o kona hookolokolo ia ana imua o ka Aha o na Opio. He kanaha-kumamahiku mau ohana Rukini i hoea mai i Honolulu nei i nehinei maluna mai o ka mokuahi Siberia, he mau limahana no na mahiko. Ua hoike ae o L. L. McCandless i kona inanao ku-e loa i na hoololi -e manaoia nei e waih'o aku imua o ka Ahaolelo Kuikawa e noho mai ana. Eia ke ohi houia mai nei na kanaka no na hana o na mahiko o Waipahu ame Aiea, he mau kanaka nae keia n.o ka hoi ana aku e noho paa ma na mahiko no ka hookahi dala o ka la Mamuli o ke komo ana o na hoololi 1 ke Kanawai Eumu ame na hoakaka e pili ana ia mea ma keia helu, i hlki ole ai ke puka aku kekahi mau meaiou ame na palapala a na makamaka. Ua hoole loaia mai e ka Aha na noi elua a Mrs. Atcherley i waiho aku ai no ka hihia o Kauka Atcherley. O kekahi noi e hookuu loaia mai o Kauka Atcherley mai ka halema'i Pupule mai. Ua hoole mai ka Aha Kiekie i ko Mr. Cathcart ame T. W. Milverton kupono e lilo i mau loio no Mrs. Scott ma ka aoao e ku-e i ke Teritore. O Mr. Cathcart ka loio ohana o Mrs. Scott a' ua hookomo aku nae i ka Mhia me ka noonoo niua ole. Kupaianaha ka puni o kekahi Pake i ka hana kahuna a kanaka, pela ka mea i hoomaopopoia mamuli o ke kii ana o ka Haku Pake nana ke dala i aihueia ai ia Kaniho e nana a e kuhikuhi pololei i ka Pake nana i aihue kana dala iwaena 'o na Pake limahana hana .paakai.