Ka Nupepa Kuokoa, Volume XLVI, Number 43, 22 ʻOkakopa 1909 — HAULE KE KAA OTOMOBILE A MAKE KE KALAIWA [ARTICLE]

HAULE KE KAA OTOMOBILE A MAKE KE KALAIWA

• E hoike ana ka nupepa Hilo Tri•bune i ka haule ana o kekahi kaa otomobiJe i ka pali a halawai ke kalaiwa me ka make iloko o ka manawa pokole, ma Kona, Hawaii i ka Poakolu aku nei o ka pule i liala. . He kaa kela i kuaiia e ka hui Kope Kapena Kuke, no ka halihali ana i na mea e pono ai na hana o ka hui, a ma ka la i hoikeia ae la, ua holo aku kela kaa e hookeleia ana e ke kalaiwa 'Pukiki no kekahi o na aina o ka hui. Ua holopono no ka holo ana a ke kaa nifL kalii hoopiina, a i ka hoomaka laiia e iho aku ilalo, o ka manawa ia i hiki ole ai i ke kalaiwa ke hoopaa i ka holo o ke kaa, aka ua haule la ia mai ka pali aku. Ua halawai koke ke Pukiki kalaiwa me ka make ma ia haule ana, a o ke Kepani e kau pu ana me ia iluna o ke kaa, ua loaa iAia kekahi mau poine eia nae aole oia i make, a ua loaa pu jhoi ke kaa i na poino e lilo aku ai he •heluna dala mahuahua ma ka hana hou 'ana a maikai no ka holo aku. 1 He kaa hou loa kela o ke kuaiia ana, •nona ke kumukuai ma kahi o ka eha •kaukani elala. HONGKONGr, Oct. 20.—N 0 iwakalnakumamaha hora ka ulupa ana a ka makani ino ikaika he taipuni i keia kulanakauhale ame ke awakumoku. Nui na poino i ikeia ma na kapakai me ka nui pu o ka poino ma ka oihana kalepa ma ke awa. Oiai ka makani e hele huhu ana me ka ikaika ua. ik'aia ae na mokuahi Hongkong Maru ame ka Lyndhurst i kahakai a nahaha. O ka mokukaua Pukiki Patria kekahi i ikaia a ili i kula. O ka mokuah.* Ghiyo Maru kekahi e ku ana i ke awa a o ia kekahi i lilo i moepuu na ka ino nui. -