Ka Nupepa Kuokoa, Volume XLVI, Number 43, 22 October 1909 — LOAA HE MAU KEPANI KOLOHE Pau na Dala i Hoahuia a Kekahi Poe Maloko o ka Banako. [ARTICLE]

LOAA HE MAU KEPANI KOLOHE

Pau na Dala i Hoahuia a Kekahi Poe Maloko o ka Banako.

I Ua hala okoa lie manawa loihi a kekalii poe Kepani o keia Teritore o ke kolohe ana i ka oihana leka ame ko lakou hoa kanaka, i hiki aku paha ina kahi o na haneri a mau kaukani no paha o na dala i loaa aku ia lakou ma ke ano akahi no a huai ae nei ka hohono o ia mau hana kolohe, a hu3uiia ae ana iloko o ka Aha Amerika e ka Loio Amerika Breckons. Ma ka Poakahi nei i ae okoa ae ai kekahi o na Kepani i komo ma kela hana kolohe i kona ku ana i ka hewa, o ia hoi ka hoopunipuni ana aku imua o ka oihana leka, oia maoli no ka mea nana kekahi mau bila kikoo hale leka. He mea maa i na mahiko i ka manawa e hookomoia mai ana na lima hana Kepani no na mahiko, ka lawe ana i kekahi mau dala o ka ukuhana o kela ame keia Kepani, a hookomo aku iloko o ka banalco o na Kepapi ma Hawaii nei, no ka manao i ka wa e pau ai ka aelike no ko lakou noho hana ana no ka mahiko, ua lawa ke dala ukumoku no lakou e huli hoi hou aku ai no īapana. Iwaena nae o na Kepani i hoea mai iloko o ia manawa, he "heluna nui o lakou i noho iho no ma Hawaii nei, me ko lakou noonoo ole nae no kela mau huina dāla a lakou iloko o ka banako. Mamuli paha o ko lakou ano naaupo, ame ka maopopo ole paha i ke ano e loaa mai ai o ia mau dala a lakou ke kumu o ko lakou kii ole, e uhuhi mai ka banako mai, a he hoomaopopo ole no paha ko kekahi poe he dala kekahi a lakou e waiho mai nei. Lohe mahu'i iho la nae kekahi poe Kepani no kela mau huina dala iloTtw o ka banako, a ia manawa i komo hele aku ai lakou iwaena o na Kepani na lakou io ia mau dala, a koi aku la na lakou e kii i ua mau dala la, a ua loaa aku na apono ana inai ,ka poe mai i kuleana maoli i kela mau dala. I ka hoea ana aku o keia poe imua o ka banako, a hoikeike aku i ko lakou kuleana e ohi ai i ke dala a ka poe kuleana maoli, ua aeia mai la ia manao, me ka hookomoia ana nae o' ke dala iloko o ka hale leka a ma ka

bilg,...kikoo e ohiia ai e ka inea maoli nana ke dāla. He mau kikoo ■ lehulehu o kela ano i hoopukaia aku e ka oihana leka, aka o ka loaa ana aku nae o ke dala i ka mea i hoounaia aku, aole he maopopo dki, oiai ua miki ae la kela poe Kepani kolohe a kakauinoa aku la i na bitk kikoo, a ukuia aku la na dala ia lakou. He nui na kikoo i hana koloheia e kekahi o na Kepani i ahewaia e ke Kiure Nui, a ua ae okoa ae hoi ka mea hewa i kona hana ana pela.