Ka Nupepa Kuokoa, Volume XLVI, Number 42, 15 ʻOkakopa 1909 — HOOKO I KANA MEA I HOOHIKI IA Inu ia Kanaka Hawaii i ka Rama no Kona Makemaka e Komo i ka Lua Kupapau. [ARTICLE]
HOOKO I KANA MEA I HOOHIKI IA
Inu ia Kanaka Hawaii i ka Rama no Kona Makemaka e Komo i ka Lua Kupapau.
j Ua hooko ae ia kanaka Hawaii i kana mea o ke kamailio ana e inu aku ana oia i ka rama a hiki i kona make ana, mamuli o ka loaa ana aku o kona kino ua make mauka o Nuuanu ma ka po o ka Poakahi nei. O Makaiwi Pali ka inoa o kela ka--1 nāka, a ma ka la Sabati aku nei i hala, I ua loheia kona hoopuka ana ae i na ' olelo no kona noke aku i ka inu i ka rama a hiki i kona make ana. ' Ua hoopukaia kela mau olelo iloko o kona wa ona, me ka manaoio ole ia o j ia mau olelo, aka o ka loaa ana aku nae o kona kino make, ka mea nana i hooiaio mai, ua hooko aku oia i kana mea i hpopuka ai. Ua ikeia kona inu hope loa ana ma ka hora umi-kumamalua o ke awakea o ka Poākahi nei, a haalele mai la i ka hale, a ma ia po iho nae i loaa aku ai kona kino make iloko o ka nahelehele.