Ka Nupepa Kuokoa, Volume XLVI, Number 42, 15 ʻOkakopa 1909 — HE UMI MILE KA PAHU HEIHEI KUKINI. [ARTICLE]

HE UMI MILE KA PAHU HEIHEI KUKINI.

Mahope iho . o na hauwawa o kela mau la aku nei no ka pahu loa a na kukini e heihei hou ai ma keia mua iho, me ke komo ana o na moho lehulehu, ua hooholo ae ua mau moho kukini la, o ka pahu o umi mile ka pahu kupono loa, e.hiki ai i na moho apau ke holo. Ua nui no ka paakiki o Tsukamoto e holo hou i iwakalua-kumamaono mile, aka nae he nui na Kepani i kanalua no ka liiki ana iaia ke ]flnakila maluna o Jackson, a e aho ka pahu pokole mai nona. Iloko o ka haule loa o Jackson ma kela heihei ana o umi mile i kaa ai ke. eo ia Kaoo, ua hoike ae oia e hiki ana iaia-ke ulupa aku i ka poe apau e komo ae ana ma keia heihei. No Akoni Kaoo ame Charlie, ua aa loa laua e holo me na moho i kaulana ko lakou mama ma kela heihei. I ka nana aku, e lilo ana ka heihei o umi mile, me elima mau moho e holo ai i mea hialaaaiia, mamuli o ka uuku mai o na mile a mamuli hoi o ka nui 0 na moho e holo ai, aole hoi e like me ka heihei aku nei i hala ka ui-ha o ke anaina i ke kali. . Eia kela ame keia moho ke noke mau mai nei i ka hoomaamaa a ua paa ko lakon mau manao pakahi no ka aha'i 1 ka lanakila o-Jcela heihei, aka na keia mua iho nae e hoike mai i ka hookoia o na mea e upuia aku nei e ka lehulehn. ' i Ua nlu ae nae kekahi mau manao iloko o keia mau la, ina aole e holopono āna lea heihei e like me ia i hoolalaia, alaila e manao ana kekahi poe, he oi ae no ka maikai o ka malama aleeaia o ke kukini me ka hele o na mea apau e makaikai.