Ka Nupepa Kuokoa, Volume XLVI, Number 42, 15 October 1909 — Nuhou Kuloko [ARTICLE]

Nuhou Kuloko

Owelawela keia mau la o ke kplanakauhale nei! A keia kakahiaka e holo aku ai ka Mauna Loa ma kona mau awa knmau ma na Kona ame Kau. Ua hoihoi ae ka Hope Lunahooia o ke Teritore Meyers>i kona hookohu a owai aku ana la ma kona wahi? Ua hala aku o Puuku Conkling o ke Teritore no ka Hikina a e hala ana paha iaia he eono pule ma kela huakai pili oihana. Nui ke akamai ame ke ku i ka mana 0 ka haole kaulana ma ia hana e noke mai nei i ka hoikeike maloko o ka Hale Mele Hou i keia mau po. Maloko o ka Halekeaka Opiuma i haawi ae ai ka Bana Puhiohe o Pilijpine he mau ahamele i ko /Honolulu nei poe puni lealea. / Ma ka hoakaka a ka Lunanui o na Hana o ka Lehulehu Campbell aohe ka he kupono o ka wai o ka luawai hooki'o o Nuuanu no ka inuia. Maikai ka ahamele ame ke tabalo a ka Ahahui Kaahumanu o ka haawi ana maloko o ka Hale Mele Hou ma ka po o ka Poaono aku nei i hala. E makaala e ka poe hoomahui mau 1 ka inurama, ke pa'ipa'iia mai nei kekahi mau mea hoopoino i ke ola kino iloko o na waiona e ao o poino auanei. O na moho ma ka aoao Repnbalika e 'hauwawaia nei oia o Paul Isenberg no ke kulana Senatoa ame W. T. Kawlins no ke kulana Loio Kalana ma kahi o CathcaTt. Ua hoounaia aku no ke Kula Hoopololei o na Keikikane ma Waialee o George Mahunalii mamuli o kona ikeia ana i ka maau hele wale iho no ma ke ano pauaka. Haule ke koi a ka Bishop Estate no kekahi n&u eka 6.5 ma Manoa i onaia e lakou a e noho hanaia nei nae e ke Teritore mai ka 1875 mai mamuli o ka hoole a ke Kiaaina. O ka hihia koi poho a Lou Kee he $10,000 e koi ana ia E. 0. White no lea make ana o kana keiki i ke kaa otomobile ua hiki ole e loaa ka Olelo Hooholo a hookuu okoaia ke kiure. Aole i maopopo ke kaheaia o ka Ahaolelo Kuikawa, oiai aole i holopono na kukakuka ana a ke Kiaaina ame kekahi mau hoa o ka Ahaolelo, a hiki wale i nehinei,- mamua o' ke komo ana o keia pepa i ka papa pai'. O ka moto a ka Hui Kuai Kamaa; Manufacturers "He waiwaiio hoopono no ke kumukuai hoopono," o kau kamaa e kuai ai malaila ua hikj ke hilinaiia no ka paa-ame ke kaila. He oluolu ke kumukuai. Hoko o ka aha hookolokolo a Lunakanawai De Bolt ma ka Poalua nei i hoopuka mai; ai oia i ka olelo hooholo e hoopanee ana i ka hoopa'i o ka haole nana i nou i ka puka aniani o ka halekuai o Aberahama Fernandez no umikumamakolu mahina. j