Ka Nupepa Kuokoa, Volume XLVI, Number 42, 15 October 1909 — PEHEA LA E ULU HOU AI KA LAHUI HAWAII. [ARTICLE]

PEHEA LA E ULU HOU AI KA LAHUI HAWAII.

Aole no ano ae nei keia ninau, aka, oia he mau makahiki i aui hope aku la i ninau ia ai keia ninau hookahi no imua o ka lehulehu iloko o ia mau la, a o na mea no i loaa ma ka'u hoomaopopo ana, oia no na ole mauka, ame na ole n6 makai. O na kualehelehe ana o ke ano maa mau fSi o ka hoopiha opala ana iloko 0 na nupepa, o ia wale iho la no ka mea hiki i kekahi poe ke walaau ae. Iloko o kekahi mau haina i oili ae iloko o keia mau la e hoike ana penei a penei alaila ola keia lahui. No'u iho, ua kahaha iho no ko'n naau i na haina o ia ano, a i ka houluulu ana ae i ko 'u wahi noonoo uuku j a kalena pono ae, aia ka he lealea kalakalai wale iho no he manumanu ka loaa. 0 ka ninau aole ia no ke kai papaa a kamalii paeaea upapalu, aka, he ninau ia no ke kai uli kai popolohua a kane. Aole no au £ kaena ae o ka'u haina ka pololei, oiai aohe ia'u ia haawina ike o na mea e hiki mai ana, aka ke manao nei no nae kahi naau o'u o ka'u ka hain%pololei, a o na haina la, oia keia: Aolel Aole!! Aole loa!!! aole mauka, aole makai, aole maluna, aole malalo, aole ma na wahi apau o ke ao nei. E kikeke oe pehea la ka nui o kau kikeke ana, aole e wehe ia mai, e noi oe, pehea Ia ka nui o kau noi ana, aole e haawiia niai; e imi oe pehea la ka nui o kau imi ana, aole no e loaa ia oe; a no ka mea ke lohe nei no au i kela leo uwe kanikau nui o Lahela no kana mau keiki aole loa ia e nana po ka mea, ke emi hikiwawe nei ka lahui Hawaii i ka make. I make i ahaina? a heaha ke kumu i make ai? 1 make i uhaki i ke kanawai, a he kanawai ke kumu i make ai. O ka*berita i hanaia e ka Lahui Iseraela me lehova o ia berita' liookahi no ka i hanaia e ka lahui Hawaii. O na haawina poino i kau iho maluna o ka lahui Iseraela ,o ia no na haawina like i kau iho maluna o ka laliui Ha- . waii, ke hookuku ae ia kakou iho me ka laliui Iseraela ua like loa, papa mai ke Akua mai malama i na lahui e. Papa mai o Vanekoua kupunakane o ka mea e kakau nei, mai malama ia lakou nei ma ae, he hoomakaulii aina, ua hookoia ia mau liopuna oMo a hiki 1 keia la, pau ka aina kahuli ka nohoalid; holo(noku ka lahui Hawaii i ka make a e hooko io ia ana no kela wunana ,aole e hala na makahiki he kanalima a e pau loa nei laliui Hawaii i ka make, a he lahui hapa Hawaii ana ko keia mua aku e hoea mai ana, a he namu ka olelo, he olelo malihini, he uwalakahiki ka ai, he pakaliao ka i'a, | he ai malihini, a he 'i 'a malihini, a he ! malihini ana na mea apau ma ka aina, ma na wai, a ma na kai; a oiai he lehulehu no na kumu i auhulihia ai ka lahui Iseraela f aka, hookahi no nae kumu nui o ke 'pale kaudha a ku-e hoi i ka berita i kauohaia e malama, pela n)o ke leumu e ulu hou ole ai ka lahui Hawaii; a malia o paneia mai au no ka'u mau hoakaka ma keia mea, ua makaukau no au ma kahi mea hiki ia'u ke wehewehe aku. 0 ke pale i ke kauoha i liaawiia mai e malama oia ke kumu e ulu hou ole ai keia lahuikanaka. Oiai oke kanawai o lehova he hemolele no ia, ua lilo nae he mea ole i ka lahui Hawaii. 0 ke kauoha a lehova, he laelae no ia e hoomalamalama ana ina maka he I mea hoomakapo nae ia i ka lahui Hawaii. O ka maka'u ia lehova, he maemae no ia, e oia mau ana no; o na oihana a lehova he pololei no ia, ame ka pono wale io no. 0 ia nae ka ka lahui Hawaii i hookekee ai a kekee mau no, nolaila, me keia mau hoakaka maluna ae, ua lawa paha keia. Malia no kahi wa hou aku ke iniki ia mai hoi. SAMUEL K. KAMAKEA.