Ka Nupepa Kuokoa, Volume XLVI, Number 42, 15 ʻOkakopa 1909 — HUAKAI A NA ELELE C. E. O HAWAII NO AMERIKA. [ARTICLE]

HUAKAI A NA ELELE C. E. O HAWAII NO AMERIKA.

(Hoomaula.) He nui no na poe kakau buke i kulike ko lakou mau wehewehe me keia a pda no hoi na poe Kristiano. Elua mau mahele manao ma keia Kumuhana, a ua hooku'i au i ua mau manao la elua me ka hookuina o kela mau huaolelo wai gula a ko. kakou Haku o Eesu Kristo i kamailio ai. "No ke aloha o ke Akua i ke ao nei, nolaila ua haawi mai Oia i kana Keiki punahele a o ka mea e manaoio ana laia, aole- loa oia e make, aka e .loaa ana iaia ke ola mau loa.'' Me keia mau mamalaolelo i ha'iia ae la me he mea la ke ike iho la au i kuu puuwai, e pauma ana a e mohala ae ana ka manao aloha, o ko'u noonoo hoi e hookauhua ana hoi i ke a'o ana no ka pono, a o ko'u alelo hoi ua makaukau e ale aku i keia mau • huaolelo no ka hoopakele anā ae i kuu uhane. He mea maalahi loa ia oe ke wehewehe ae i ka manao o keia olelo "A o ka mea e manaoio ana iaia aole loa 'o.ia e make, aka e loaa ana iaia ke ola mau loa." 0 ka hoohuli hou ana o ke: kanaka i kona manao no ka pono, he keehina māikai ia no kona palekana. O na uhane apau i hoohanau houia ua hoohuli houia ko lakou mau manao, a o ka poe apau i hoohuli houia ko lakou mau manao, aole lakou e hiki ke hanau houia. Ke nonoi nei au i na Hooikaika Kristiano apau, e ae e lawe i keia a'o ana a ko kakou Haku, no ka hoopakele ana i ko kakou mau uhane a e hoomanao hoi ina e kaawale ka hewa mai ia oe aku, alaila e manaoio oe e loaa ana ke ola o kou uhane ma o, a ina aole aloha ino kou uhane i ka poino mau loal He hana nani ka hoopakele ana i ka uhane ame ka uhane o kou hoaloha. Hai' mai oia i kekahi moolelo o kekahi mokuahi "ke. kulanakauhale o Nu Ioka" mamuli o kekahi ulia ua loaa ia ka moku i kekahi poino, a aneane holo ai 'a i ka moana hiki ole ka mikini ke hana, a poino kekahi wahi o ka ihu 0 ka moku, hoeueuia na poe e hana i keia poino, a i kekahi kanaka e ku ana, pii mai la kekahi ale a po'i mai la malunā ona a nalo aku la oia i ka ehuehu o ka moana, a laweia aku la oia he mau kapuai mamao mai ka moku mai, a ike kekahi aliimoku i keia poino, liuliu ae uei oia me ke kaula e hoopakele mai i kona hoakanaka, ua hooikaika oia a hiki i kona' kaawale ana aku mai ka moku aku, a oiai na ohua e kieei aku ana me ke ake ana e hiki aku ka hoopakele i ka mea poino. He kanaka ikaik'a ka mea i lilo, he kanaka akamai i ka au, ke kahea aku nei ka mea kokua e hooikaika ana i ke sela, pane mai la oia e "awiwi mai oe, a me he mea la he 10 kapuai i koe, aole e hiki i ka mea poino ke hoomanawanui hou ua paupauaho, ua pau ka ikaika a nalowale aku la i ka opu ana ole o ka moana. Lohe ia aku la ka leo o ke kapena e kalahea ana "ua poholo a make ke kanaka iloko o ka opu ana ole o ka moana!" Aloha wale! Ua kohoia na Lunanui o ka Moku«ina o Kaleponi no keia makahiki, a eia na inoa: Naid E. Munro, Peresidena, he kanaka opio keia he 25 wale no hiki, he kanaka i hilinaiia; John \V. Hatch, Hope Peresidena mua; James H. Parker, Hope Peresidena elua; J. E. Morrow, Hope Peresidena ekoluj J. P. Wells, Kakauolelo nui; Mrs. M. D. Haskell, Kakauolelo Moolelo; 6eo. Copen, Puuku; Paul Brown, Kakauolelo no na Kihapai. Na Lunanui no ka Mokuaina:—Miss Edith M. Graves, Papa Waena; Miss Kate Ellsworth } Papa Pokii; Miss Margaret McCroy, Pule Mehameha; Miss L\\cy Robiiason, Miaionari-, Alviu Long, San Jose Tenth Legion; Fred Schaur, San Babara Cikizewship; H. B. Allen, Floating; Miss Harriet Buss, Hospital; Arthur J. Gātter, Press. Kahi e noho hou ai. o ka Ahahui ma San Jose i keia makahiki ae, 1910. Na Hoike Komite i hoikeia māi— Miss Lenore Bualer, Lunanui Tenth Legin; na lala hou 874. He 200 ka oi !ae o keia i ko ka 1908. He 25 Kalanu 1 hiki mai. Miss "Wiuifrcd Skinnex, Lunanui o ka Papa Waena. Ma kana hoike ua oi ae keia makahiki i ko kela makahiki aku nei. He 20 mau Lunanui Kalana, 6 mau lunanui Kulanakauhale, 43 mau Ahahui i kukuluia a ua like hoi me 2,347 mau lala hoahanau, a he 625 mau hoa. He $727.03 no ka Hana Misiona Kuwaho, $745.85 no ka Hana Misiona Kuloko, $1,733.37, no na hana e ae, huina nm, $3,186.25. Mrs. Arthur J. Gatter, Lunanui o ka Papa Opio, 3,893 lala, 287 ahahui, $502,48 no ka Misiona Home, $572.90 no ka Miaiona Kuwaho, $403.11 no na hana e ae, $1,478.49 huina nui. Na Evan R. Jones Lunanui o ka hana iwaena o na sela moku —6 Ahahui i kuknluia ma San Diego, San Pedro, EuTeka, Oakland, San Francisco ame Yallejo. He 20,218 mau sela i loaa i ka makahiki i' hala. He 322 i komo i ka hoike manaoio; he 968 mau halawai i malamaia a ua oi aku mamua o 45.000 na lilo no ka malama ana i ka hana i-kela makahiki aku nei. (Aole i patL)