Ka Nupepa Kuokoa, Volume XLVI, Number 42, 15 October 1909 — E HULI I NA MOKU NALOWALE. [ARTICLE]

E HULI I NA MOKU NALOWALE.

PHILADELFHIA, Sept. 22.—Elua | makahiki i hala ae nei, .ua holo aku J la kekahi mau mokupe'a mai na awa' aku o Philadelphia a mai Nu loka aku, o ia ka Arthur Sewall, Eort George, Bangalore ame Adolph Orbrig no na awa lehuJehu ma na kapakai o ka Pakipika, a mai ko lakou wa i haalele mai ai a hiki mai i keia la aolie wahi mea iki i loheloheia mai no lakou. Ua oi aku mamua o%a 100 mau mokm nalowale maloko o ka papainoa o na moku nalowale mawaho ae o keia mau moku, a mamuli o kā lohe ole ia mai o kekahi mea pili ia lakou ua manaoia ua pau loa lakou i ka ili a nahaha ma na kai o ka Pakipika Hema, a mamuli o ka hopohopo nui iloko o na kanaka kalepa ame na ona moku no na waiwai ame ke ola o na luina maluna o ia mau moku ke koi ikaika nei lakou i ke aupuni e ho'ounaia kekahi mau mokukaua no ka huli ana ia lakou. Ua waihoia aku ia manao imua 0 ka Luna Aupuni i kupono no ia hana ma Wakinekona a ma ka hoomaopopo aku me he mea la e aponoia ana ia noi. { Oka hapa oka Moana Pakipika e hailiia aku ana o ia kahi e moe ana mawaer.a o ka lakiau 15 ame 19 degere Hema, a ma ka lonitu 132 ame 139 |degere Komohana. O keia hapa o ka Moana Pakipika Hema, he wahi ia i maa ole i ka holo , ia e ka poe holomoku ame ka poe ana moana, a me he mea'la o ka poe 1 holo mua ma kela wahi i ke au kahiko o ia na poe—holo o kohola a he kakaikahi nae a i ole ua nele loa no paha na moku nalowale ia ano poe. O na moku ame na kanaka i manaoia ua nalowale loa ma ka moana i hoihoi ola houia mai he kakaikahi loa ka ikeia pela. No elua makahiki ka noho ana o na luina o ka moku Pelekane D\mdonald maluna o kekahi mokupuni ma ka hema o Nu Kilani ma mua o ko lakou ku ana aku a hoopakeleia, a o na luina o ka moku kiakolu Farani Pregident Felix Faure i piholo ai he mau makahiki loihi loa aku ko lako% i noho ai maluna o kekahi mokupuni kanaka ole, me ke ola ana maluna o na manu penequina ame na opihi o kahakai a hiki i ko lakou "wa i loaa aku ai i kekahi moliuahi i hoouna maoliia mai Nu Kilani aku no ka huli ana ia lakou. Mamuli ae la o keia mau mea i ikeia i manao ai na kanaka ame na onamokti, me he mea la ua loaa kekahi o na moku nalowale i "kela poino hookahi, a he mea pono ke hoolaia mai na luina, ina ke ola mai nei no lakou maluna o kekahi mau mokupuni liilii kanaka ole.