Ka Nupepa Kuokoa, Volume XLVI, Number 42, 15 October 1909 — IMI I WAHI E PILIKIA AI O KAUKA PETERSON [ARTICLE]

IMI I WAHI E PILIKIA AI O KAUKA PETERSON

Mamuli o ka wehe ana o ka lunanui o ka hale pupule i kekahi mau leka a Kauka Atcherley o ke kakau ana mai i kana wahine iloko o kekahi mau manawa lehulehu ae nei i haia, i kulike ai me ka mana -i loaa iaia ma ke ano lunanui, ua oleloia ae, ua lawe ae nei o Mrs. Atcherley i alahele e hookauia aku ai ka pilikia maluna o ka Lunaryii o ka Hale Pupule Kauka Peterson. x O ia alahele oia no kona hui pu ana aku me na luna aupuni Federala ma ka Poalua n.ei a hoike aku la i kona makemake e laweia mai kana hoohalahala no Kauka Peterson a noonooia e ke Kiure Nui o ka Aha Amerika. Wahi ka ana o ka hoflce aku imua o ua mau luna aupuni Amerika

la, ua loaa aku iaia ka ike mai ka oileka aku, no ke ku-e i ke kanawai ka weheia ana o ka leka a kana kane o ke kakau ana e ka lunanui o ka hale pupule. E hoomanaoia nae, aole iho la keia o ka mua loa o ko Mrs. Atcherley hoao ana e imi i -wahi e kau aku ai he man pilikia maluna o ka mea nana e hoomalu mai nei i kana kane maloko o ka hale pupule, aka ua pau wale no nae ia mau hana i ke kiolaia e na luna atrpuni e like me na mea i ikeia ma na wa ae nei i hala