Ka Nupepa Kuokoa, Volume XLVI, Number 42, 15 ʻOkakopa 1909 — WAIHO I KA HOPE LUNAHOOIA [ARTICLE]

WAIHO I KA HOPE LUNAHOOIA

I kulike ai me kekalii manao kahiko i hoike muaia aku ai maloko o ke Kuokoa nei i kekahi manawa ae nei i hala, no ka waiho ana aku o ka Hope Lunahooia Mr. H. C. Meyers i kona kulana ana i paa ai me ka hilinai nuiia, ua hooko aku oia ia manao ma o ka waiho ana ae i kona palapala waiho oihana imua o Kiaaina Frear ma ka Poakolu nei. Ua apo mai ke Kiaaina i kana palapala waiho oihana, aka nae aole he mea i hookohuia ma kona kulana\i keia manawa, a me he mea la i ka nana aku, e hoohakahakaia ana, no kela wahi, a na ka poe hana no oloko o ke keena 6 ka Lunahooia e puunaue like i na hana iwaena o lakou. Ma ka manawa a ka Hope Lunaliooia 0 ka waiho ana aku la i kona kulana, aia kona miīa ke au mai la i ka moana e hoea mai ai i keia kulanakauhale ma ka Alameda o keia kakahiaka. He kanaka o Mr. Meyers i noho hana no ke aupuni no kekahi mau makahiki loihi i hala ae nei, a oia hoi kekahi o na kanaka i ikeia kona hooikaika ma kana hana ame ka hoopono me ka piha 1 ka makaukau. He hookahi no kumu nui i manaoia aku ai, no kona waiho, ana aku la, i ka hana o ka lehulehu, mamuli o ka manao e hoomaha.