Ka Nupepa Kuokoa, Volume XLVI, Number 41, 8 October 1909 — AHA'I HOU O N. JACKSON I KA INOA MOHO Haawi Pio o Tsukamoto i ka Umi-Kumamaha o na Mile a Laua o ka Hoio Ana ma Ke Sabati Nei. [ARTICLE]

AHA'I HOU O N. JACKSON I KA INOA MOHO

Haawi Pio o Tsukamoto i ka Umi-Kumamaha o na Mile a Laua o ka Hoio Ana ma Ke Sabati Nei.

No ka ekolu o ka manawa a Nigel Jackson o ke fcomo ana ma ka heihei kukini pahu loa o iwakalua-kumama-ono mile a oi, ua aha'i mau ae oia i ke eo ma ia mau heihei, a ke 0 nei kela inoa moho maluna ona i keia la i aneane e hiki ole i kekahi mea ke kaili mai iaia aku. 0 ka ho'okuku heihei kukini mawaena o Jackson ame Tsukamoto ma ka auwina la Sabati i hala, kekahi o na he;hei i hele ka paka kinipopo hou a piha i ka poe makaikai i hoomaopopoia aia ma kahi o ka ekolu a eha paha kaukani ka nui. Ua nui ke ohohia o ka lehulehu no kela heihei mamuli o ka manaoia e aha'i ana o Tsukamoto i ka lanakila ma kela la, a e kaili aku ana hoi i ka inoa moho mai ia Jackson aku, aka ua poho wale nae ia mau upu ana, oiai i ka hapalua no o na mile a laua e holo ai, ua hiki hou ole ia Tsukamoto ke holo hou aku m« kona hoa kukini. 1 ka liiki pono ana o ka manawa i ka )>ora elua, ua ku like ae la na moho kulani ma ke kahua mokomoko, a i ka wa i kani mai ai o ka pu panapana no ko laua holo ana, ua kaa e aku la no ia Jackson ke alakai ana mamua, a e ukali mau aku ana o Tsukamoto mahope pono ona. Mai ka hoomaka ana e holo o ua niai; moho la a hiki i ka piha ana ia laua o na mile he umi-kumamalima, aole loa he manawa i kaa ai o Tsukamoto mamua o Jackson ; a ma keia mile hope a laua o ka hōlo ana i hooki okoa ai o Tsukamoto i kana holo ana. I ka wa i ike ai o Jacksop i ka haalele ana mai o kona hoa i ke alual\i ana iaia, ua hoOmaka mai la oia e holo me ke kaapuni ana i ke kahua no ekolu manawa, a haawi aku la i kona Jima ia Tsukamoto no ke aloha ana, a hoomau aku la i ka holo ana me ka huro ia e. ka poe makaikai i mahalo iaia. He mau puni i loaa ia Jackson, oiai o Tsukamoto e kali ana no ka weheweheia o kona mau kamaa e kona mau kokua, alaila ua ku hou mai la oia iluna, me ka hele wale o kona mau wawae, a hoomaka mai la e holo pu me Jackson.

He hookahi no nae puni o ia holo ana ana, ua haawipio okoa oia i ka holo ana, me ka, hooleuu hookahi. aku ia Jackson e holo i na mile aku i koe, a he oiaio ua aha'i o Jackson i ka lanakila ma kela heihei me ka loaa ole o,ns kumu hoopaapaa ma kekahi aoao. "Ua hele na Kepani maloko o ka paka i kola la a piha loa» i ke kuaki ame ka hoonaukiuki no ka haawipio ana o ka lakou molio, me ke koi ikaika ana hoi iaia e hoomau aku no i ka l\olo ana, aka ua' hoole loa o Tsukamoto, me ke kuhikuhi ana aku i ka eha o kona wawae, i ka likiia e kona kamaa. Mamua o ka pau ana o na mile i ka holoia e Jackson, ua hoi mua ka nui o ka poe makaikai no ka hoihoi ole i ka hc*lhei o kela la, no ka mea ina paha hoi no ka holo pu mau o na kukini a elua a hiki i ka pahu eo, ina aole he mea nana e kono mai ia lakou e liaalele i ke kahua heihei. Ua mama maoli no na moho ma leela heihei ana, oiai iloko o na mile mua elima, ua holoia e laua iloko o 37 minuke me 35 sekona, 'oiai nae aole no i kuupau na moho i ko laua mama holo iloko o ia mau mile. He ku maoli no i ka mama amē aho "4oa o Jackson, no*ka mea iaia e hoomaka ai e holo, he hana nui na Tsukamoto ke alualu ana akti iaia, a pela wale no i apaia mai ai ke Kepani a hiki i ka hoopau okoa ana i kena holo pu ana me ka moho o ke Teritore. Ua hala aku la nae kela heihei, a ke. nokeia' mai nei i ke kamailio iloko o keia mau la, no ka heihei hou ana i ekolu moho no na mile he umi» I kumamalima, ke hiki mai i ka la 3 o Novemaba ae nei, a o ka poe i manao ia e komo ma ia kukini, o ia o Jackson, Tsuk&moto ame Kaoo. Ma%ua ae o ka ulele ana iho la o Tsukamoto a haule ia Jackson he nui na olelo haanui no ka moho Kepani, aka akahi paha a pau kuhihewa, ua ikeia ae la kahi pahu hiki iaia ke holo, he ole hoi ka noke wale mai no a kekahi poe i ke kaena, ma ke ano, e alualu ana oia i ka inoa moho, o ke ao.nei, ma ka hoao ana e holo i kela mau mile iloko o na hora emi loa mamua o ka kekahi poe i holo ai.