Ka Nupepa Kuokoa, Volume XLVI, Number 41, 8 October 1909 — NA MEAHOU O KA UA PEEPUHALA O HAMAKUALOA, MAUI. [ARTICLE]

NA MEAHOU O KA UA PEEPUHALA O HAMAKUALOA, MAUI.

Ia oe e Mr. Lunahooponopono o ka Nupepa Kuokoa, Aloha oe: E oluolu mai i kekahi wahi kaawale o ke kino lahilahi o ka hiwahiwa a ka lahui 110 ka makou pua makamae. Ua hala ka makou mea aloha o ko makou mama, me ka minamina ame ka luuluu makou e hoike ae nei ua hala o Mrs. Annie K. Emmersley ka makou pua makamae i ka la umi*kumamakahi o Sepatemaba, 1909. Me ka manao mua ole e haalele mai ana oia i kana mea aloha, na moopmna, na makamaka, na hoaloha ame ka ohana no apau, aka mamuli o ke kipa ana mai o ka Anela o ka make maluna iho o ke kino o ko makou mama i aloha nuiia, ua hala aku la ko makou mama, me ke kauleo ole mai ia makou na keiki me ia i na hora hope o kona hanu ana i na ea huihui o keia ao. E aloha wale ae ana no makou i kahi a ko makou mama e noho ai me na moopuna elima;.a e huli ae ana makou • i kahi a 'u, e ike aku ai ia oe e ko makou mama aloha. Aloha, aloha, wale kuu mama i huna ia na maka e ke ao uli. Ma ka hora umi o ke kakahiaka o ka Poakahi nei i hoihoi ia aku ai ko makou mama i ka lepo. Na D. N. Opunui i hoomaikai i ka hora eiwa o kc kakahiaka Poakahi nei mamua o ka hoomaka ana o ka hoolewa e waiho i ka honie i hoōneleia i ka makuahine. Ua hanauia o Mrs. Annie K. Emmersley ma Honokohau, Maui, mailoko mai o ka puhāka o Mr. Kekuku ame Mrs. Kekuku"i ka la 24 o liine, 1836 a ua piha iaia na njakahiki he kana-hiku-kumamakolu ame na mahina elua ame na la he umi-kumamakahi o kona ola ana a haalele mai la oia i ka ohana me ka maalahi. Oia hoi kekahi mea nana i hooi loa aku i ke kaumaha o ko makou naau, oiai he elua wale no maua' na keiki kane ame hunona wahine elua imua o kona alo. Ua haalele mai la oia i ka home a makou i noho pu ai a kamaaina ma Puumaile, Hamakualoa, Maui. Ua loaa mailōko mai o ka puhaka o Mrs. Annie K. Emmersley ekolu keikikane ame na kaikamahine elua, e ola nel ma keia ao, a o ka nui o na moopuna a Mrs. Annie K. Eminersley he iwalea-lua-kumamalima e ola nei ma keia ao. Mailoko mai o na keikikane ame na kaikamahine i. hanau ia eia, ke haawi ae nei makou i ko makou hoomaikai nui ana ma ka inoa o ka Makua Mana loa, ka mea nana i haawi mai a me ka mea nana e lawe aku. Owau iho no me ka luuluu, MRS. BECK EMMERSLEY.