Ka Nupepa Kuokoa, Volume XLVI, Number 41, 8 ʻOkakopa 1909 — KA MOKUKAUA KELEMANIA MA KE AWA O KOU. [ARTICLE]

KA MOKUKAUA KELEMANIA MA KE AWA O KOU.

Ma ka auwina la Poaha aku nei i h&la i ku mai ai ka mokukaua Kelemania Arcona i Honolulu nei mai Yokohama mai a mamuli o ka makemake loaia e pili koke mai i kp uwapo ua hookaawaleia ke poo mawaho loa o ka uwapo kaaahi i wahi nona e pili mai ai e ka Hui o Hacttfeld. Mahope o na kipu aloha ana mai ka mokukaua Bedford ame na mokukaua Amerika aku e ku ana i ke awa, ua pili aku la ka waapa pailaka ma ka aoao a hoike aku Ja i ka nuhou, ua makemakeia ka moku malihini e komo mai a e hoopili ia ae ma kahi i hoomakaukauia nona, ma ke kauoha a ke Kanikela Kelemania, a ma ka hora eha ponoi i pili ae ai oia i ka*uwapo. ' He umi-kumamaono la ka loihi o keia moku ma ka moana mai ka haalele ana aku ia Yokohama a hiki i ke ku ana mai ia nei. Ma na la mua ana i holo mai ai ua loaa oia i ka ino, eia nae elua wale no la kona komo ana mai i ka ehaeha, a ma na la hope mai, ua malie maikai ka moana a hiki i ke ku ana mai ia nei. • Oiai oia e hookokoke mai ana i ke awa i ka nana aku he hiehie maoli kona kulana. He elua ona mau kia loloa me na pukauwahi nunui.a he pena keokeo kona, aole hoi e like me na mokukaua holomama o Amerika ka hauli ke nana aku, | Ma ka Poalima mai i panai ae ai na . aliimoku o na mokukaua, Holani,, Ke- | lemania, Pelekane ame Amerika "i ke kipa ana e ike- ia lakou aliimoku iho e like me ka rula mau ia lakou. He wahi moku kaua holomama palanaiki loa keia, nona nae ka mahaholo he iwakalua-kumamakahi mile i ka hora, a ua hoolakoia oia me na pu liilii kani alapine. He umi ona mau pu 10.5 he mau pu hoi i aneane e kulike me ko ka moku Pelekane 4.7 ame 14 maxims. Ika wa kaua he moku lawe kauoha oia.