Ka Nupepa Kuokoa, Volume XLVI, Number 41, 8 ʻOkakopa 1909 — LOAA PONO KA POE HOOKAA OLE I KA AUHAU. [ARTICLE]

LOAA PONO KA POE HOOKAA OLE I KA AUHAU.

He mea na makou e hauoli ai ka ike ana i ka lawe ana ae o ka Lunahooia o ke Teritore i kekahi keehina i mea e ukuia ai ka auhau | 0 kekahi poe e noho hana nei maloko o na keena o na hana aupuni, ma o ka hoike e ana aku ia lakou, ina aole lakou e uku ae ana i ko lakou mau auhau, alaila e paaia ana ko lakou mau uku mahina, ke alahele hoi i wikiwiki ai kekahi heluna nui o na limahana o ke Teritore i ka uku i ko lakou mau auhau ma ka Poaha aku la o ka pule 1 hala. Ke ole makou e kuhihewa aia iloko o na Kalana he heluna o na limahana i hoohemahema e like ae la me na limahana o ke Teritore i ka uku ana i ko lakou mau auhau, a ina pela, ua ili aku ke koikoi maluna o- ka lunahooia o na Kalana a i ole na luna aupuni paha e nolio mana o ko lakou mau limahana, ka lawe ana ae i keehina wikani i wahi e Hlo ole ai ia poe limahana i poe pulapu aku i ke aupuni. E hoomanaoia mailoko mai o na dala auhau e ukuia nei iloko o ka waihona o ke Teritore, e holo ana ka hapalua o ia mau dala no na hana o na Kalana, a ina e hoohemahemaia ka uku ana i na dala auhau alaila pehea la e hiki ai ke loaa nui ke dala no ka hooholomua ana aku i na hana o ke Kalana. Xo ka pono o na hana o ka lehulehu, he mea maikai i na luna aupuni, ka poe i li'lo i mau kauwa no ka makaala ana i na hana no ka lehulehu e pono ai, ke kokua i ke aupuni ma o ka noii pono ana mai ika poe e pulapu nei ike aupuni. O 1 ka poe anei mawaho nei, a e noho hana nei malalo o kekahi mau haku hana, ka lakou e noke mai i ke kpikoi, a hoohemahema iho la i na kanaka kolohe e noho iho la no im'ua o ko lakou alo? Ina aia na manao kolohe iloko o kekahi poe limahana o ke aupuni he hana kupono a maikai loa ka hookikina ana aku ia lakou e hookaa mai i ko lakou mau auhau, a i ole pela, e hoopau aku ia lakou mai ka nolio hana ana maialo o ke aupuni. He mea na makou e hauoli ai ka lawe ana ae o kekahi poe kanaka Hawaii i ke keehina e like me ka ke Kuokoa o ka hooaiai ana aku maloko o kekahi o na manao pepa iloko o kekahi manawa pokole ae nei i hala, e pili ana i ke kohoia mai i lunanana poi, ma o ka hoomakaukau ana he palapala hoopii no ka waiho ana aku imua o ka Papa Lunakiai o ke Kalana ame Kulanakauhale o Honolulu nei, no ka nana aria mai i ka pono o na Hawaii ame ka poe o na lahui e ae eai nei ika poi. Ke lana nei no hoi ko makou manao, aole no e nana maka mai na hoa o ka Papa i kela hoopii e hiki ole ai ke hoolwmahemaia kela mahele ano nui i pili loa i ke ola ana o ke kanaka. Mai hoohewahewa mai kekahi poe lawe kumau oke Kuokoa nei no ka loaa ole aku o ka lakou Kuokoa, no ka mea ua loihi no ke kali hoomanawanui ana o ka hui pa'i nupepa no kekal]i j>oe i hoohemahema i ka hoomanao ana mai i ko lakou aie i ka nupepa, aka ua lilo paha ia hoomanawanui ana ma ko makou aoao i kumu hooi loa aku i ka hoopalaleha ma ka aoao o ka poe lawe pepa, nolaila ke lawe nei ke Kuokoa i ke alahele o ke kaulike nla o ka iini ana e uku muaia mai ke ola o ka pepa mamua o kona oili ana aku imua o kona poe heluhelu. O ka lanakila ana o ka moho heihei kukini pahu loa N. Jackso»' mai kona hoa paonioni mai Tsukamoto ma ke kukini o ka auwina la Sabati i hala aku la, o ka punukuia ana aku no ia o ka waha o na Kepani e noke nei i ka haanui no ka lakou moho, a o ke kaa ana hoi o ka inoa moho ia Jackson no. ekolu manawa, mai ka poe mai apau i aa aku e hookyku rne Is. ma ka njama holo nO ka pahu lpa.