Ka Nupepa Kuokoa, Volume XLVI, Number 41, 8 ʻOkakopa 1909 — HE MOOLELO NO TINA POLENA A I OLE Ke Kaikamahine Loea Hana Lihilihi o Brukela [ARTICLE]

HE MOOLELO NO TINA POLENA A I OLE Ke Kaikamahine Loea Hana Lihilihi o Brukela

~ MOKHNA XXXIX. I I hakalia no a pau ka lakou ai ana, ua lawe hoomakaikai aku la ka Lede Ara i kana mau. malihini iloko o na rumi apau o kona hale nani, a aia hoi maloko o keta ame keia rumi e kakau mai ana na kii nani o kela ame keia ano, a akahi no a ulu mai ka hoohuoi iloko o Tina, no ke ano o ka niele Joa ana o Babara iaia i ke ano o na kii iloko o kela mau la a laua e noho kokoolua ana. Aole i nele ka hoike ana ae o na malihini i ka maiau o ka hooponopono ana o ka Lede.Ara i kona hale iloko o keia manawa pokole, a he hoike maopopo hoi no kona hoopoina ole ana i keia mau la ana e noho ana ma Karifoda Home kahi i maa i ka ikeia o na nani eia iloko o kona mau la opio. "Mai manao oukou na'u maoli i hoomakaukau i keia mau mea apau, aka he leo' nae ko'u e kauoha aku ai i na kanaka hana, a o ka lakou ka hooko mai i ko'u makemake. Oka nui oke dala ke kumu i holopono ai keia man mea a oukou e ike nei, a no Jca mea o na kanaka wale no i ike i ka hoonani ana'i na hale ka u o ka hoolimalima ana, a mamuli no hoi o ka loaa pu ana mai ia'u o kekahi mau ike mamuli o ka ninau ana i kekahi poe," a leha iki mai la kona mak;i ia Tina me ka hene'pu ana iho o kana aka. "Alaila o ke kumu ka paha ia o kou niele loa ana mai ia'u i ke ano o na keena oloko o ka haleaiii ma Belekiuma ea, i kela wa o kuu hoike ana aku ia oe i na mea e pili ana i ko'u moolelo?" i pane aku ai o Tina me ka piha kahaha. "E hoomanao ihō hoi paha oe e Tina, ua luahine au, a ua ano poina ia'u ke ano o ka hoonani ana i ka hale a o ke kumu nui ia o kuu niele ana aku ia oe no na keena oloko o kela halealii, a auhea nae oe e kuu haku, ina ua lawa iho'la keia halēli kou alaila ua hiki ke hooliloia keia i home kulanakauhale no olua mahope aku 0 ka no ka mea ma ia po iho, e kukala aku ai au imua o ke akea, no ko'u haawi ana aku i keia hale he makana na'ū ia Tina no kona mare ana i ke kane." Ua hookahahaia aku ko Eneki manao a pela no hoi na mea apau maloko o kela hale, aka o ia nae ka Eneki o ka pane ana mai ma kona soao i ka olelo ana mai: "Ke hoomaikai aku nei au no keia makana oi kelakela au o ka haawi ana mai la no maua e noho ai, aka aole nae maua e ae ana e lawe i keia hale, koe wale no e ae mai oe o oe pu kekahi e lilo i mea noho maloko nei." "Aole no ia he mea ano nui, aia paha ia Tina mai ko'u noho pu aku me olua," me k» huli ana aku o ka Lede Ara imua o Tina, a hoomau hou mai la no "i ke kamailio ana: "E huli hoi kakou noloko o ke keena hokipa i keia manawa, oiai he moolelo loihi ka'u e hoike aku ana ia oukou, nolaila aole e pono e hoolalau waleia ko kakou manawa ma ke kualehelehe wale ana no, aka e hoomaka koke no au i ka hoike ana aku i ko'u moolelo ia lakou." "Ke hoomanao la paha oukou i ke kumu nana i kaiehu aku ia'u mai ka lepo aloha aku o Ladana t>ei, aka aole nae au e hoi hou aku ana ilaila, a hu'e mai i ka iwi o ka m.ea i popopo. "I kela la a'u o ka haalele ana aku ia Karifoda Home, ua hele pololei mai la au no Ladana nei, a hoolilo aku la i ka'u mau bila kikoo apau ma ke dala maoli, a holo aku la au no Palani, me ke komo ana 1 ka hoomana Kakolika, a ilaila i lawe ae ai au i ka inoa o Babara Beza, me ke komo ana i ka lole o na wilikina, a no na makahiki he j umi ko'u hoolilo ana ia'u iho i mea kokua aku i k? poe popilikia ame | na h'ana kristiano apau. "Ua ano hoopoinaia ae ko'u mau manao kaumaha ame na hana j hoohilahila i hookauia mai maluna o'u, eia nae ua loli loa ko'u ano a ku a uahoa maoli au ke nanaia mai, a o keia no hoi ke kumu o ko'u 1 ke'uke'uia e ka $oe apau e halawai pu mai ana me a'u. ! "Iloko o na makahiki elima, he makaikai wale no ka'u hana e, kaahele ana ma na aina apau o Europa, a iloko mai o kekahi mau makahiki elima, ua hele makaikai aku au i Rusia, mailaila ae no Italia, he hookahi makahiki i Venika a i Roma i kekahi manawa a mailaila ae no Folorena kahi a'u i hoohala ai no na makahiki ekolu. i "I Folorena i halawai ai au me kekahi kanaka opio i kulike loa me kuu kaikunane a'u o ka haalele ana iho i Enelani nei e makaikai ana ike kihapai pua nani o Boboli. Ua kokoke loa au e kahea aku i kona inoa ma ke ā"no kuhihewa, a e hoike okoa aku hoi ia'u iho, aka manao iho la au, ua kuhihewaia paha au, no ka mea ina oia keia a'u e ike aku nei, alaila ua poohina oia e like me ko'u ano, eia nae he kanaka opiopio loa kela, a malia paha he keiki keia na ua kaikunane la o'u. oiai no nae aole ana keikikane a'u o ka haalele ana aku i ko maua home, koe wale no he kaikamahine ma ka inoa o Katarina. "No ka pau ole o ko'u pohihihi no kela kanaka opio, ua hooholo iho la au i ko'u manao e hakilo loa i kona ano, a heaha la ka pili o kela kanaka i ko'u ohana, nolaila ua hahai aku la au mahope ona, oiai kela e hoi ana no kona wahi. "Ua mai nae au i ko'u ike ana aia oia ma ke ano haahaa e noho ana iwaena o na kanaka kaha kii, a hele maoli aku la au e kuai i kekahi o kana mau kii, a mai kela manawa mai, ua hoolimalima aku la au i mau riirrli no'u ma ka hale hookahi me kela kanaka. "He manawa pokole wale no ia o ko'u noho pu ana aku me ia ma kela wahi, ua loaa iho la ia'u kona inoa oia o A'ka Demaea. No kuu ake nui no e maopopo ia'u kona ano maoli, ua hoopilipili loa aku la au me ia, a i kekahi manawa e koi okoa aku ana au iaia e a'oa'o mai ia'u i ka hoohuihui ana i ke pena, a aole oia i hoole mai i hookahi o ka'u mau noi iaia, eia nae aole loa oia i hoike iki mai i kekahi mea e pili ana i kona ohana, a aole no lroi i hoike mai, he kanaka Pelekane oia. "la'u e hoohele aku ai i na kamailio ana no Ehelani, e hookahuli mau ae ana kela i ke kamailio ana maluna o kekahi mau mea okoa ae, a pela i loaa ole ai ia'u kekahi ike e pili ana no kona ohana, oiai no nae aia no ka manao paa iloko o'u, o ke keiki no keia a kuu kaikunane. "O kana mau kii mua loa o ke pena ana, ua kuaiia mai la e a'u, a o kana mau dala paha ia o ka hoolako ana iaia iho, a mai kela manawa mai i pii mai ai kona kaulana ma ia hana, oiai i ka manawa o ka lilo ana mai o kana mau kii ua oili koke ae la ka hoolah'a ma ka nupepa no ke kuaiia ana o kela mau kii-me ke kumukuai kiekiē, a v hoomaopopo ana no hoi au i kona ano ulakolako ma ia hope mai. "O ua nftau kii la a'u o ke kuai ana mai iaia mai, o ia no keia mau kii e kakau mai nei," me ke kuhikuhi ana'aku o ka Lede Ara i na kii elua, o ia hoi he mau kii no kekahi mau aina ma Roma. "No hookahi makahikf ko maua noho like ana maloko o ka hale hookahi me ia, a ua ike au, oia kekahi o na kanaka oluolu loa, a hoopono ma kana mau hana apau e lawelawe ai, a ua ike pu no hoi au i kona haulehia ana i ke aloha me kekahi kaikamahine Palani kokoke mai ana me kona mau makua ma ko maua hale e noho pu ana. "Ua loaa pu mai la no nae ia'u ka ike ame ka hoomaopopo ana, ua huhu ia ka launa mau ana o na opio e na makua o kela kaikamahine. a ia manawa au i hakilo loa ai i ko laua ano, me kuu manao ina e hoea mai ana kekahi poino maluna o laua, alaila ua makaukau mau au e haawi aku i na kokua ana no ko laua pono. "I kekahi po nae oiai au e hele hookahi ana maluna o ka uwapo, ua ike aku la au i keia mau mea elua e kuku ana ma kekahi aoao aole nae laua' i ike mai ia'u, a o ua mau mea la oia no o Aka Demaea ame ka Lede Helena e u kamailio ana no ko laua mahuka mai ke alo mai o na makua o ka wahine. "Ike aku la au ma ko laua mau ano, ua aloha aku kekahi i kekahi, aole no hoi au i ike i kekahi kumu e kupono ole ai ko laua mare ana aku, oiai ina e like me ka'u i manao wale ai no Aka, alaila he mau opio laua a elua i puka mai kekahi mau ohana kiekie mai, nolaila aole au i hana aku i kekahi mea e hooko oleia ai kp laua maii makemake, a o kekahi no hoi, aole o'u e ikeia mai ko'u ano maoli.

"Ua lohe aku la au i ko Aka olelo ana aku ia H ! el6na e hele ana oia no Napela e a'o hou ai i ka ike pena kii, aka āole nae ona makemake e haalele iho i kana aloha mahope nei, a pela no hoi o Helena e hoike aku ana i kona makemake e hele pu no me Aka, a no ke kulike loa ana o ko laua manao e hele no N.apela, nolaila ua hooholo iho la laua e hele e mare ma-lu maloko o kekahi halepule Pelekane ma ke kulanakauhale o Pommeli, aole i mamao loa mai Folorena aku. "Ua pee iho la au a hikf i ko laua la hele ana aku no ka Jiale hoolulu kaaahi, alaila ke hookolo aku nei no au mahope o laua, no kuu l ake no e ike maka i ke ano o keia hana a na aloha elua, a kau like aku la no makou maluna o ke kaaahiJiookahi me laua. "Ia laua i komo aku ai iloko o ka halepule, aia no au ke nana aku la ia laua a imua o ke kahunapule i hoopuka aku ai laua i na huaolelo e hoolilo ana ia laua i kane a i wahine, a ike pono aku la no au i ko laua kakau ana i ko laua mau inoa maloko o ka buke hoopaa o ka poe mare." "E hele koke kaua e Eneki no kela halepule, e nana ai i na inoa o kuu mau makua," i kahamaha iho ai o Tina i ka haha'i ana aku a ka Lede Ara i kana moolelo, me ka nana pu ana aku ia Eneki, aka ua luliluli ae la nae ke poo o ka Lede Ara, a hoomau hou' mai la i ka haha'i ana i ke koena aku o kana moolelo: "Ina olua e hele ana ilaila, aole he mea e loaa ia olua, no ka mea he mau mahina wale no mahope mai o ko laua mare ana, ua pau iho la kela halepule i ke ahi, a ua pau na mea apau oloko, aka nae aole loa he mea nana e hoole mai ko laua lilo ana i hookahi, ho ka mea ua ike maka au i ko laua lilo ana i kane a wahine. Ke lana nei no nae kuu manao aia no he mau hooia e ae e waiho mai nei, e maopopo loa ai ko laua mareia ana, koe wale no ka hiki ole ia'u ke kuhikuhi aku ia oukou i kahi e loaa ai o ia mau hooia ana. "Ma, kekahi la ae, ua kau aku la laua la maluna o ke kaaahi e holo ana no Napela, a hoi hou aku la au ihope no Folorena, aka aole no nae i pau ko'u manao no kela mau opio, nolaila ua ukali mai la no au mahope o laua no Napela. "Ua loaa aku la ko laua wahi e noho ana ia'u, maloko o kekahi hale i hoopuniia e na laau hihi, aka e makaala loa ana nae au ia'u iho i ole ai e ikeia mai e laua, a komohia aku paha na hoohuoi ana iloko o laua no ke ano o ko'u hoea ana aku ilaila. E ike mau ana no nae au ia laua i kela ame keia manawa e hele like ana, a i kekahi manawa e u kau like ana maluna o ke kaa, a o ka hope loa no hoi o ka'ii ike ana ia laua, e kau ana maluna o ke kaa, e hii ana o Helena he bebe, a e noho ana o Aka ma kona aoao me ka nana pono ana maluna o na maka o ka laua wahi bebe, e hoike mai ana hoi ko laua ano, i ka palena ole o ko laua hauoli no ka loaa ana he hua mailokp mai 0 ko laua mau puhaka. "Loaa pu mai la no hoi ia'u ka ike, no ka.holomua o ka oihana pena kii a Aka malaila, a ua noho laua*iloko o ka lako ame ka hauoli, aole mau mea hemahema, a ma ia hope mai ua hoi hou aku la au no Roma, a no kekahi mau mahina pokole ko'u noho ana ilaila, ua hoi mai la au no Napela, eia nae ua panikuia ka hale a laua i noho ai, a ua noke wale au i ka ninau no laua i.ka poe a'u i kamaaina ai, aole nae he hiki ia lakou ke haha'i mai i kejcahi mea ia'u e pili ana no laua. "Hoi hou aku la au no Folorena, me kuu mana& ua hoi hou la laua ilaila e noho ai, eia nae ia hoea ana aku o'u, ua make mua aku na makua o Helena, a ua kiiia mai hoi na ukana apau o ka rumi o Aka 1 noho ai, a ua noho la au iloko o ka pouliuli no kahi e loaa hou aku ai o kela mau opio.ia'u. Mahope aku o kela manawa, ua hoi hou aku la. au i Palani me na Wilikina Kakolika, a ua piha hou ia'u na makahiki he umi o ka hoohala ana ilaila, a no ke ano molowa no hoi, ua holo mai Ia au 110 Brukela, a ilaila i a'o ai au i ka hana lihilihi, a no kuu makemake i kela ano haiia, ua hala he umi okoa ia mau makahiki ia'u ma ka noho hana ana aku malalo o La Poka. "I kela la o kuu halawai mua loa ana me kuu keiki nei," nie kona kuhikuhi ana ae ia Tina, "maloko o ka halekuai o La Poka, ua hoopuiwaia mai au no ke kulike loa o kona helehelena me ko kuu | kaikunane, a haupu koke ae la au, me he īiiea la v o ke kaikamahine paha keia a kuu kanaka pena kii, a'u i maopopo ole ai i kona walii e noho ana. "Ua maopopo loa ia'u iloko o kela mau makahiki o kuu kaawale ana mai ia Aka mai, ua lawa kela mau makahiki e loaa ai ka nui i kā laua kaikamahine e l&e me Tina nei, eia no nae aole i maopopo ia'u | he kaikamahine a i ole he keikikane paha ka bebe a laua e hii ana a'u 0 ka ike ana me laua iloko o ia manāwa. I kuu ninau ana aku iaia 1 kona inoa a hoike mai la kela o T'ina Polena, ike iho la au aole ka kela o ua bebe la a nae aole e hiki iki ia'u ke hoopoina i ka like loa o ko laua mau helehēlena a pela hoi me ko kuu kaikunane. "E like no me ka pipili o ko'u noonoo ia Aka, pela no keia i ka manawa a Tina i hoopuka mai ai i na olelo oluolu imua o'u maloko o kela halekuai hana lihilihi, ka mea hoi a kekahi poe kaikamahine e aku i hana ole mai ai ia'u e like me ia. I "I kela ame keia manawa a kuu Tina e hele ai i ka po, aole loa e'j nele ko'u ukali ana mahope ona, a i kekahi po, ua ike au i ka hoi pu ana mai o Tina me kuu Haku nei, a ia manawa i hooholo ai au i kuu manao, ina e hana apuhi aku ana oe ia Tina, e like me ka ko makuakane hanauna i hana mai ai ia'u, alaila e kau aku no auanei kekahi haawina koikoi loa maluna ou." He alaalawa ia o na maka o Tina me Eneki no keia lohe ana mai ua ikeia ka kela halawai pti ana o laua ma Brukela, a ua hoopiha ia aku hoi laua i ke kahaha no na hana a keia luahine hookalakupua. "Aole no i loihi loa W'u noho hana ana aku malalo,o La Poka mahope o ka haalele'ana ae o Tina ia Brukela, aka i kekahi la nae, ua kuai aku la au i kekahi nota a La Poka o ke apuka ana, a o kela j ka nota nana i hoopakele ae ia Tina mai kela kanaka niai, ma kela, po a'u o ka hoea ana aku i ka manawa a ua kanaka la e hoao ana e lawe aku iaia nei maloko o kekahi hale. "Ua hoopilikiaia mai kuu noonoo i kale manawa o ko Tina hala ana mai no Enelani nei, a no kuu makemake e haawi aku i na kokua ana iaia e like me ka hiki ia'u ke hana, nolaila ua ukali mai la no au mahope ona, eia nae ua hala okoa no he mau pule loihi ma ia hopt mai, ma o ka lilo koke ole o kuu hale ma Brukela i ke kuaiia. "la'u hoi i hoea mai ai ma ka hale a'u o ke kuhikuhi ana mai ia Tina malaila oia e noho ai, ua hoike mai la ka hāku hale no ke kiiia ana mai o kuu Tina e kekahi wahine e,hele aku e noho hana malalo ona, eia nae ua poina iaia ka inoa- o ka haku hāna o kiiu kaikamahine nei, a ma ka ulia laki wale no ko maua halawai hou āna, i kela manawa ana o ka hele ana mai e kokua ia'u i kuu hina ana maluna o ke alanui pii o ka hale hoikeike o na mea kahiko o Ladana nei. "Ma kela hālawai ana o maua, ua aneane loa e hoike okoa aku au i ko'u ano imua o kuu leaikunane, no ka mea ua halawai kino maoli inaua he alo a he alo, aka mamuli wale no o ka hoomanawanui i hiki ai ia'u ke hoomalu i ko'u mau manao, a he hookahi no nāe kumu nui o kuu hoike ole ana aku i ko'u ano 'iaia, no ka hakilo pono ana no ia i ke ano o ka ohana o kuu kaikunane, ina no ko lakou hookipa oluolu aku i kahi luahine kama "ole, alaila e makepono auanei ko'u mau waiwai ke hooili aku maluna o lakou, akā hoi i ike aku no au i ko lakou kupono ole, alaila e hoolilo aku ana au i ko'u mau waiwai ma na alahele a'u e ike ai he kupono."He lehulehu wale na manawa a'u i halawai pu āi me Katārina ame kana kaikamahine me ko laua hoomaopopo ole mai ia'u, a ua kau ia laua ma ka mea kaupaona, a ua ikeia ko laua mama, aka aole nae au e kalele ana : ka'u kamailio ana qo na mea e pili ana no laua. He mea pahenehene iho la na laua ka hana ku i ke aloha a Tina o ka hana ana mai no'u, a aole oia i hookae i kona hele mau ana mai e lapaau i ko'u mau palapu, a ke ole no hoi au e kuhihewa, ua lilo ia hele mau ana mai a Tina e ike ia'u iloko o ko'u wa o ka piplikia i mea huhuia e Katarina ame kana mau keiki hookano. "Aole e hiki pono ia'u ke hoike aku ia oukou i ka nui maoli o ko'u kahaha i ko Tina manawa i hoike mai ai ia'u i na mea i hanaia mā Karifoda Home, ame kona ikeia ana ke kaikamahine a Lui Karifoda, eia nae ua nui na eha ana i auamo ai, mamuli o ka pahenehene ia mai no ka mare oleia ana o kona mau makua, a ma ia ano hoi e hiki ole ai iaia ke kapa i ka inoa i punahele i kona makuakane. "Ua ike au i ka nui o ka ehaeha i loaa aku ia Tina, a ua kokoke loa no au e hoike okoa aku iaia no ka mea a'u o ka ike maka ana maloko o kela halepule, aka nae makemake aku la au e ike pehea ana la ka manao o Eneki ke ike mai i keia kaikamahine i maapopo ole kona mau makua, a oiai he mau wahi la pokole wale no ia e kakali ai, nolaila ua hoomanawanui iho la au a hiki i keia manawa a'u o hoike aku nei imua o oukou apau. "Iloko no hoi o ia manawa hookahf eia au ke hoomakaukau nei i keia hale me kuu manao no e lawe mai i kuu Tina i nei nei e noho ai a e koi pu aku hoi i kuu kaikunane e hoi pu mai me a'u e noho ai,

nt> ka mea ua maopopo no ia'u aole he hauoH o kona noho ana me kana mau keiki. < * "E lilo ana ke ano o ko'u ola ana i mea na oukou e kahaha ai, aka mamuli-nae o ka paa ana o ko'u mau lima i ka hana e ho^poinaia ae ai ko'u mau manao kaumaha a heehaeha, a ke hauoli nei au i ke auhee ana aku o. ia mau haawina mai a'u aku. "O ke aloha no kuu kaikunane, he aloha ia e hiki ole ke hoopoinaia, a he lehulehu wale na manawa i ulu mai ai ka manao iloko o'u no ka hoi ana mai e ike iaia, eia nae i ka wa e liuliu ai no ka huli hoi hou ana i ka home, me he mea la ua weheia ae he puka nui mamua o kuu umauma a hoohuli aku la au he wahi okoa ka'u e hele ai, a pela wale iho la no au i apaia ai iloko o keia mau makahiki loihi i hala ae nei, ama o Tina nei w r ale no i hiki ai ia'u ke hehi hou ika lepo aloha o kuu aina hanau nei. 4 'Oiai* nae hoi ua hoi hou mai la au, nolaila e hele aku ana au ma ke ano ka Lede Ara, a e hoolauna pu aku ana au ia Tina, ma ke ' ano he moopuna na'u, ke kaikamahine hoi a ka maua keiki me kuu Haku kaikunane ka Ela. Nolaila ika hooki ana iho i keia moolelo loihi, e hoomanao iho oe e kuu Haku Hoborona aole wale i hookauia aku ka inoa hanohano maluna o ka mea au i lawe mai ai i wahine mare nau, aka ua hookau puia aku ka hanohano ame ka waiwai maluna ona, e haaheo ai oe, o ke koho ana iaia o kau wahine ia £ mare aku ai, oiai no oia. iloko o kona kulana haahaa a ilihune." He keu aku ka hauoli o na mea apau no keia moolelo loihi a ka Lede Ara e hoike aku nei imua o lakou, a i wahi e maikai ai ko Tina noho ana aku, ua hooholo like iho la lakou apau, aole e kamailio i na mea e' pili ana i kona mau makua. # Ua hele a hiki i na hora ahiahi, ua hookuu aku la o Eneki i kona makuahine ame kona kaikuahine e hoi no ko lakou home, a noho iho la hoi laua me Tina maloko o ko laua home hou, e kakali aku ana o ka hoea mai o ka po e weheia ai he aha ike no na hoaloha o ka Lede Ara. MOKUNA XL. Oiai hoi ua ike ae nei ka poe heluhelu i ka moolelo e pili ana * ka Lede Ara, a pela no hoi me ke ano o ka loaa ana o Tina ia La Poka ame ka pakele ana māi ua kanaka nei mai, nolaila e hoi hou ana kakou i kela manawa o ka hoea ana aku o ka Ela ma kela hale a ka Lede Ara e noho la ame kana paa mare hon, a ia Katarina ame Geterude i hala aku ai no ko laua ruini, ua hookomo aku la ka Lede Ara 1 kona lima ma ka poaeae o kona kaikunane a i aku la: "E hele mai oe me a'u no ka mea ua makemake au e kamailio aku ia oe i kekahi mea," a o ke alakai aku la no ia o ka Lede Ara i ka Ela no kekahi rumi, a iaia i wehe aku ai i ke pani o ka puka ua pane mai la oia i kona kaikunane i ka i ana mai: "Eia maloko nei o keia keena, kekahi mea au i makemake ai e ike, he mea hoi i hoohakalia ole iho i ka hookipa ana aku ia oe me ke ohaoha," a ia manawa i ike aku ai ka Ela i ka holo ana mai o Tina e puili iaia, a ke nana aku i ua elemakule la, ua hele oia a keokeo pu kohu mahala, a aole e hiki iaia ke pane mai i hookahi huaolelo a hiki i ka hoonoho okoaia ana iho iluna o ka noho, a mahope iho o ka inu ana he kiaha waina, akahi no ua ElaMa a pohala mai, mahope nae o ke kakali ana 'noleekahi manawa loihi, no ke ake e ike, eia paha oia ke nana aku nei i ka uhane o Tina. Ia loaa ana nae iaia o ka noonoo maikai me ka hoomaopopo pu ana o Tina maoli no keia e noho aku nei imua o kona alo, ua pane mai la ua elemakule nei me ka leo haalulu: "E kuu keiki —kuu keiki! Ke kuhihewa nei au ua make la oe, eia ka oe iloko nei me ke ola kino maikai, ka mea a'u i haupu mua ole ai, e ike hou ana au ia oe," me kona hopu pu ana aku i na lima 0 Tina me he mau manu keokeo la iloko o kona lima, oiai hoi na waimaka e haule makawalu ana mai kona mau lihilihi mai. "Ae eia au me ke ola kino maikai e like me kau e ike mai la, a aole anei i loaa aku kuu leka o ke kakau ana aku ia oe e kuu kupunakane?" . Ua hoopuka aku o Tina i kela inoa me ka malie loa, me ka hilahila ole hoi ka hoopuka ana aku imua o ka Ela e like me kana i ike ai, he kuleana kona e kapa aku ai pela, a aole no nae ia he mea no ka Ela e hoole mai ai, a o ia ka ua elemakule la o ka pane ana mai me ka holoi pu ana ae i kona mau waimaka i ka i ana mai: "Aole i loaa ae kekahi leka mai ia oe ae e kuu keiki a i hoike aku no hoi au ia oe ea, ua kanikau maoli no au nou, me kuu manao loa no ua make maoli oe, kou hoi hou ole ae imua o kuu alo." Papani ae la ka Ela i kona mau maka nie ka holoi pu ana ae hoi 1 na w r aimaka, oiai hoi o Tina i kulou iho ai ilalo a honi iho la ma ka lae o ka Ela no ka mea ua piha loa oia i ke aloha no keia elemakule i hoohemahemaia e kona ohana ponoi. Ia akakuu ana mai nae o na manao pihoihoi o ua elemakule la. a iaiā hoi i noho pono mai ai iluna o kona noho, ua hoomaka aku la kona kaikuahine ame Tina e hoike i ka moolelo a kakou i ike mua ae nei, a he mea e ka hauoli o ua elemakule la i ka lohe ana aku no ka huli hoi hou ana mai o kona kaikuahine ame ka loaa hou ana hoi o Tina iaia. "Pehea la au e olelo ae ai ia olua," i hoomaka mai ai ka Ela e kamailio me ka leo haalulu. "He keu aku kuu hauoli o ka halawai hou ana me oe e kuu kaikuahine, a i ka ike ana hoi aole ka keia he kaikamahine na ka mea okoa aku, ua hiki ole ia'u ke uumi iho i na haawina hauoli e paila nei iloko o kuu houpo no olua," a ia manawa i mohala maikai mai ai kanā nana ana, he haawina hoi i loaa ole iaia iloko o kekahi mau makahiki o kona noho ana me kona ohana. Lalau mai la nae oia ia Tina a hoopili aku la i kona umauma a pane iho la. "O' ka'u no ia i hoohuoi mua loa ai, aole oe he kama na ka mea e aku, mamuli o ke kulike loa o ko kaua mau helehekna ē nele ole ai ka holo oke koko oka ohana Karifoda iloko ou. O kou hoopuka ana mai nei i ko'u inoa ma ke ano he kupunakane nou, he ola hou ia i hookomoia mai iloko o'u, a akahi no au a hoomaopopo, aole loa kuu keiki i hana aku i kekahi hana e hohaahaa ai iaia iho, a e kumakaia ai hoi i ka ohana Karifoda." Aole nae i pau aku na mea kupaianaha i ka hoikeia iaia, aka i kona wa i lohe aku ai, ua mareia o Tina me ka Haku Eneki Hoborona, ua papaluaia iho ka hauoli i loaa i ua Ela la, a o ia kana o ka i ana mai: "Nani maoli ka hauoli o kuu uhane i ka hookoia ana o ka mare maluna o olua mamua ae o kuu hoea ana mai nei, mea aole e hiki ia'u ke hana aku i kekahi mea e ku-e ana i ko olua mau hauoli iho, a o ka mea a olua i hooko aku la, e komo pu aku auanei au iloko 0 na hoomaikai ana no ka ike aku ia olua ma ke ano, he moopuna ponoi na'u." "Ua hoike mua mai no o Eneki ia'u, aole ana e nele kou hauoli ke lohe aku oe no ko maua mareia ana, aka o ko'u iini-no nae, o ia no kou hoea ana mai a ike i ko'u mareia ana, i haawi mai ai oe i kau mau hoomaikai ana ia'u," i pane aku ai o Tina me ka pa'ipa'i ana aku ma na poohiwi o ka Ela. "Aole no he mea nui ko'u hoea ole ana mai e ike kumaka i kou ma're ana e kuu kama, aka ke haawi āku nei no nae au i ka'u mau hoomaikai ana, a ke kalokalo ae nei hoi i na lani, e hooloihiia mai ko olua mau la o ke ola ana aku, me ka ukaliia hoi e na haawina pomaikai he nui, a e hoohalaia hoi ko olua mau la iloko o ka hauoli, ame ka lako. He l?ookahi wale no paha wahi anuu iloko o keia hauoli i loaa ia'u i keia la, o ia no kou kaa ana aku malalo o Eneki, e hoonele houia mai ai no au i kou lilo ana mai he Tina na'u." "Mai hopohopo oe no ia mea, oiai aole au e hookuu aku ana ia oe e noho hookahi iwaena o kela poe hanaino ia oe, a oiai ua ae mai nei ka Lede Ara no kona noho pu mai me a'u, nolaila e noi aku ana no au ia oe, o olua a elua ke noho pu mai, a he hookahi ko'u hoohauoli 1 ana aku i ko olua mau la o ke ola ana," wahi a Tina me ka leo,oluolu. I "Aohe mea nana e hoole kau noi e kuu kama, oiai ua ike au aole oe e Tina e napakee wa!t mai ana i ka elemakule," a hene iho la ka aka a ka Ela, no ka mea akahi no a maha kona noonoo, ua loaa kahl nana e hoohauoli mai iaia no ke koena aku o kona mau la o ke ola ana. I keia manawa hoi i komo mai ai o Eneki, a hele aku la ka mana o ka lakou mau kam'ailio ma kekahi mau mek okoa ae, a wahi nae a ka Ela o ka Jioike ana ae, ua oi loa aku ka maikai o na mea i hanaia mamua o kona hoea ana mai, a ma ia ano no hoi, ua hoopakeleia ae oia mai na olelo ku i ke pahenehene mai kana kaikamahine mai e pili ana no Tina. Ke noho hamau wale la no ka Lede Ara iloko o kela manawa e launa ana oia me kona kaikunane, a e kali ana oia a hiki mai i kona manawa e hoike aku ai i na mea apau e pili ana iaia iho, o ia ka manawa e hoolaunaia aku ai ka paa mare hou imua o kana mau malihini o ke kono ana. (Aole i pau.)