Ka Nupepa Kuokoa, Volume XLVI, Number 40, 1 October 1909 — Nuhou Kuloko [ARTICLE]

Nuhou Kuloko

Ma ka Poalua ae nei e haalele mai ai na Mokukaua o ka Pakipika" ia Honolulu nei. Maikai na lioike o na Kula Sabati o Kaumakapili ame Kawaiahao i malamaia ai ma ke Sabati aku nei i hala. Ma ka Alameda o ka Poakolu nei i huli hoi aku ai o W. G. Smith ka Lunahooponopono o ka Advertiser no Amerika. Ma ka Poakahi nei i hoopa 'iia mai ai 0 Geo. Kaea he $200 no ka piliwaiwai, a ma ka pahiku dala pakahi kona mau hoa me na koina. A ka auwina la o keia Sabati iho e ulele ai o Jackson me Tsukamota i ka heihei kukini pahu loa maloko o ka pa kinipopo hou. Maikai ka ahaaina luau a ka hui pa'i nupepa Hawaiian Gazette i haawi ai i kona mau limahana ma ka Poaono aku la i hala ma Ewa. Ma ka auwina la o ka Poakolu nei 1 ku mai ai ka Mokukaua Pelekane Bedford no keia awa. Maumaua na mokukaua i keia mau la. Laukanaka ke kulanakauhale i na kanaka o na mokukaua i keia mau la. A keia kakahiaka e oili mai ai ka Mahimahi o na Kona ame Kau. E haawi ana ke Keikialii Kalanianaole he aha ike ma kona home noho ma Pualeilani, Waikiki mai ka hora 2 a ka hora 6 o ka auwina la o keia Poalua ae, Okatoba 5, 1909. E alawa ae i ka hoolaha a Mr. Bonine kela haole kii onioni kaulana e oili aku nei ma keia pepa. Aia kona hale kiionioni ma ka Hokele Auau, e pili pu la me ka lana Hokele. E alawa ae i ka uku makana o elima dala ma ka hoolaha ma kekahi wahi o keia pepa, i ka mea e loaa aku ai o kekalii lio wahine i nalowale mai Kamoiliili mai. O na Poko ]Riko i manaoia ai ua pau i ka mano e like me ka meahon ma ka aoao mua o keia pepa, ua pae aku laua me ka maalahi ma Waianae ma ka hora ewalu o ka po o ka Poalua nei. O ka poe mea aina i makemake e loaa aku na kumulaau e kanu ai no ko lakou mau aina, ua hiki ke loaa wale aku, ke noi ae ia E. S. Hosmer, ka lunanui o ka oihana Ululaau, e like me kana leka ma kekahi walii o keia pepa.