Ka Nupepa Kuokoa, Volume XLVI, Number 40, 1 October 1909 — PIHOLO ILOKO O KE KAI A MAKE LOA Halawai Elua Mau Kanaka o ka Mokukaua me ka Ulia Poino. [ARTICLE]

PIHOLO ILOKO O KE KAI A MAKE LOA

Halawai Elua Mau Kanaka o ka Mokukaua me ka Ulia Poino.

Ma ka auwina la o ka Poalua nei i halawai ae ai kekahi mau kanaka elua oluna o ka Mokukaua Penikelev&nia me ka ulia poino ma Waikiki oiai laua e auau ana me ko lakou hoa, aka nae he hookahi o kela mau kanaka i pakele mai kona ola ,a he hookahi i make loa. Ma liela auwina la ua hele aku la he ekolu mau kanaka o kela moknkaua e auau kai, a no kekahi manawa ko lakou auau ana me ka loaa ole i ka ulia, aka iloko nae o ka nanea o kekahi poe o na mokukaua e noho aku ana mauka nei o ka aina, ua loheia aku la ka leo kahea mai ke kai mai no na kokua, a aole no hoi lakou i hoohakalia iho i ka holo koke ana aku iloko o ke kai. Ua loaa aku la hookahi o laua, a hoihoiia mai la iuka o ka aina maloo, a mahope iho o ka hoea ana mai o ke kauka, ua hanaia na alahele no kona palekana, a he oiaio, ua hoi hou mai kona ola. Iloko o kela manawa hookahi i ikeia aku ai ka loaa ana o kekahi i ka pilikia, mamuli o ke pihopiho iloko o ke kai, a no ka hiki pono ole iaia ke au, me ke kahuli pu ana o kona wawae, ua oi loa aku ka poino i loaa iaia, mamua o ka hoea ana aku o na kokua. Ua hanaia na mea apau e hiki ai h;e loaa iaia ke ola, aka ua lilo ia mau hooikaika ana i mea waiwai ole.