Ka Nupepa Kuokoa, Volume XLVI, Number 40, 1 ʻOkakopa 1909 — KA PO LE'A O HALAII. [ARTICLE]

KA PO LE'A O HALAII.

Ulumahiehie na hana o ka ahamele i weheia ai ma ka po Poalima o ka pule i hala maloko o ka luakini o Kawaiahao me ka piha ohohiaia mai ka hoomaka ana a hiki wale i ka hookuu ana ma ka hora eiwa ame hapa. Maikai na hiineni i haawiia mai e na puukani like ole e ku ai no ika ii a loko. Ma ka aoao o ka meakakau ke haawi aku nei i ka mahalo kiekie loa i ka Hui Himeni a Mr. S. K. Nainoa, no ka mea, | ma na hui himeni e ae he poe nunui j wale no lakou apau, aka no kela hui himeni he mau wahi keiki liilii loa me ka laua mau pila ukulele ame ka vaiolina. Ma ka nana aku ike anaina mai o a o ua piha ohohia maoli mamuli 0 ka ike mai i kela mau wahi opio « ulele ana maluna o ka laua mau pila me ke kapalili i oi aku i kekahi poe j kanaka makua. Nui ka paipaiia a hiki 1 ko lakou ulele hou ana no ka lua o ka manawa, aohe no i pau ko lakou | makemakeia a hiki i ko lakou hoopau okoa ana mamuli o ka makemake o Mr. I Nainoa e hele no kana hana paa mau. j I ke ku ana mai hoi o ka hui o ka I'a i Hamau leo he nahe hoi kau, paia kuli ka pepeiao i ka ua mea o ke kanikani j pihe. He nanahe maoli no ka leo e j nele ole ai ka hauoli: I ka hoalaia ana aku o KaililauokekOa a kukuluia j ae akahi no a lohe kekahi poe i kei kani o ka ohe a ua kupueu la i kapaia' o Kanikawi. He aneane v no e like- ke j kani me ka pu lau-i a Kahalaomapuana. | Ua manaoia alaila no pau ae la ho na j himeni u'i ke hoolohe aku, aka i ke | kuu ana mai o na kupa alo kehau o Palolo i ke mele o Kauhelemoa, lou aku a lou mai ke anaina i kau a mea o kaj maikai o ka leo ame ka olelo i haku- j ia ai no Kauhelemoa. "Pau ae la no paha na wahi himeni maikai,'' pela kekahi leo i lohe maopopoia aku iwaena o ke anaina. "Pela paha," wahi a kekahi, "aka e hoomanawanui iki iho no kaua a hiki i ke ku ana mai." I ka oili ana mai o ka hui himeni o ka pohu lai o Waianae, ua hoomaka mua ke anaina e paipai. a no ka mea, o na mea elua i ku mai ai he mau kaeaea no ke kai loa, he laeula no ia hana; o na lima kokua nui laua no na hana kala pilikia ma na wahi like ole, a maluna o laua i kau mau aku ai na maka o kekahi mau ekalesia ma na hana hoeueu imi loaa no ka hoopau ana ae i kekahi mau pilikia, a mamuli no o ia hana i kaapuniia ai ka mokupuni o Kakuihewa e laua no ke kokua ana i na Ekalesia like ole a o ko laua huluaa loaia ma na hana kokua o ia ano. O keia mau olohe himeni oia no o Mr. ame Mrs. Kaleikau. Ika hee ana mai ika muku hoi i Ka lala aohe opuu nalu pae ole o ke akamai, aohe i pau ka onoia o ka laua mau mele a na ka haiki o ka manawa i hooki pu aku ia laua. Aole no i poina loa ka meakakau i ka Hui Ilaniwai, oia no kekahi i helu puia iwaena o na hui himeni u'i loa, a pela me na puukani o ke C. E. o Maunakiekie me ka palaka ole i ka Liko Lehua o Pauoa. Ua palua a pakolu ke kahea houia ana o kekahi mau hui himeni e mele hou mai no ka pau ole niai no kela o lsa ono oke anaina. He mai•kai na himeni apau i haawiia mai e na hui like ole a ua loaa no ko lakou uku nui o ka hoomanawanui ana. O na hana hope loa o ia po o ia ke Tabalo o ka Moiwahine Kapiolani i hele ai i Kaluaopele me kona mau aialo e hoole aku i ka mana o Pele ke Akua wahine a e hoike aku ana o lehova ke Akua Oiaio me ka wehewehe puia o ka moolelo e Mr. Lilikalani. O kekahi kela o na hoikeike hoopahaohao ke nana aku, mamuli o na kukui ulaula e kakau iho ana maluna a kohu pele maoli no ke nana aku. Ua himeniia lee mele Lahui Hawaii Ponoi a hookuuia na hana ma ka hora 9:30 p. m. me ka maluhia. MAKAIKAI.