Ka Nupepa Kuokoa, Volume XLVI, Number 40, 1 October 1909 — KA KAUKA COOK MOOLELO PONOI [ARTICLE]

KA KAUKA COOK MOOLELO PONOI

(Hoomauia.) I "He elua la ko makou noho ana ma ka Welau Akau. Aohe lepo ikeia iho ma ia waki he hau paa aiai wale no ma o a maanei e anapa ana; aolie no hoi he wahi mea ola e ikeia aku ana, aohe wahi kiekie a ahua, aka he palah&laha mai o a o e like me ka laula a ka maka e ike- aku ai, a oki loa aku hoi kekahi mea ulu. "Ma ka la 22 o Aperila, 1908, haalele aku la makou i ka Welau Akau a hoomaka mai la e hoi. Ua like no a like ka loihi o kela huak«: huli hoi me ka loihi o ka huakai o ka hele ana aiui, 0 ka like ole wale no ma ka huakai hnli hoi aohe mea nana e uneune ikaika i ka noonoo e ake e loaa o ka makemake wale no e hiki i ke ao kanaka mamua o ka make ana i ka pololi. ' 1 He maikai ke ea me ka laelae e alai oleia mai ai ke alahele, a ma ia /kumu ua hoomahuahua mau makou i ka ikaika hele i kela ame keia la. Ua hooikaika loa ia ko makou mau manao e ake e hiki koke i ka home mamua o īka popoi ana mai o ka ino o ka hooilo. "Mahope o ko makou kaa ana malalo o ka latitu kanawalu-kumamahiku kahi kiekie loa a Kapena Peary i hiki ai i ka 1906, a owau pu no hoi kekahi 1 hahai iaia ma ia huakai, ike iho la au he mea pono ia makou ke loa i ka hoi ana, a no ka mea o na hiohiona o ka hau i kela manawa e hoike ana e nee awiwi mai ana kia hooilo. 11 0 kahi a makou e hele ana aia iluna 0 ke kai i uhi paaia e ka liau a he manawa wale no e nahaha ai ka hau a loaa he mau kowa kai mawaena e hiki pono ole ai ke hele a e hoololohi loaia ana ko makou hiki koke i kahi o ka palekana. "E puhiia ana ka hau e ka makani ikaika me ka pii mahuahua mau o ka ikaika o ka pa ana a ka makani i kela ame keia manawa. Pouli pu ka lewa aohe ikeia ae o ke aouli, hakumakuma mai la na ao kaalelewa o ka lani, a he mau mea hoomahuahua mai i ka weli weli ma ka aina hihiu e like me kela e hiki ole ai e loaa na kokua no ke ola. Aoho mau wahi o ka palekana e ikeia aku ana. 4, Ua paio makou me ia ino oiai ka ua, ka makani ame ka hau e pa mai ana me ka ikaika, aka ua hoomau makou i ka nee ana imua me ka nana ole ae ia mau keakea, o ka manaolana wale no iloko o makou o ka hiki koke aku 1 kahi o ka palekana me ke koe o ke ola iloko o makou. "Eia nae, ua hele mai la ko makou mau wawae a maopaopa, ua emi mai ka ikaika o na lala ame ke kino holookoa, ua hoomau no nae makou i ka nee ana no ka hema. "Aole i loaa iki ia makou he manawa kupono e nana ai i ka la a hiki i' ka la 24 o Mei, 1908, a ma ia la i nana ai au iko makou kulana. Ma ia nana ana ua ikeia o ka lātitu akau 83 de. gere ia kokoke i ka Meridiana kanaiwa | kumamahiku. j "Ma kela la ike iho la au e hakoko aku ana makou me na pōlW» mamuli o ko'u ike iho i ka nee o ka hau me ka mokumoku a kakaawale me ke kowa kai mawaena o na holo-1 papa hau. Ua nana pu au i ka makou wahi meaai i koe a ma ka 'u hoonohonoho pono ana e pono e loaa ia ma kou i umi-kumamalima mile hele i kela ame keia la i lawa ai kahi ai na makou a hik i ka hiki ana i ka Nansen Sound, eia nae, aohe i loaa kela mau mile ia makou i ka la mamuli o ka nui o na ala,lai ma ke alahele. O.ka umi mile i ka la ka mea i loaa ia makou, o ia kahi ikaika hiki ia makou ke hoomanawanui. , j '' I kela manawa kukakuka iho la au me ko'u mau hoa i ke alahele pono a makou e nee aku ai a mamuli o ka laua hoakaka, ua nee aku la makou' no kahi o na aina ma kekahi aoao leahi i maopopo loa ia makou e loaa aku ana kekahi mau bipi (musk ox) a loaa ka makou ai. "He ko makou nee ana iloko wale no o ka noe e uhipaa ana me ke akahele loa o ka hele ana o haule iloko o ke kai mawaena o ka hau, a mahope o ia hookolo malie ana hiki aku la makou i ke £ai Crown Prince Gustav a mailaila aku i ka Mokupuni Helberg. ! Ua hoomahuahua iki makou i ka mamahele mailaila aku i kela ame keia la, a mamuli o ko makou hooikaika loa i ka hele ana, ua aneane maoli e pau ke aho, o ka maloeloe, ka luhi ame ka pololi na kumu nui nana i hoopauaho mai, aka he wahi manaolana liilii no i koe e pae ola aku ana no i ka aina paa. "Ma ka la 18 o Feberuari, ua hoomaka hou aku la ka nee ana no Annotoak, me na wahi meaai hou i loaa mai a ma ka la 15 o Aperila pae ola aku la i na kapakai o Aina Omaomao. "Ua pulamaia aku makou malaila e Harry Whitney me kekahi mau hoaloha lehulehu o na Eskimo a manao ae la ke ola. "I kumu e hiki ai ia'u ke hoi koke i ka home ua nee mai la au no ka hema no ke kahua hoolulu moku o ke Aupuni o Denemaka, a ma ka la 21 o Mei, o ka 1909, hiki mai la au malaila, a oiai e holo mau ana na moku no Denemaka, hooholo iho la au o ko'u alahele kupono loa ia e hoi mai ai. BOULOGNE, France, Sept. 22.—Ua make o Perber o ka pualikoa Parani i keia la mamuli o ka haule aua mai ka baluna mai.