Ka Nupepa Kuokoa, Volume XLVI, Number 40, 1 October 1909 — HAINA NANE [ARTICLE]

HAINA NANE

Mr. Lunahooponopono o ke Kuokoa: E oluolu hou mai oe i kekahi keena o ka Hokele o ka lehulehu no ka'u wahi ukana no ka nane a maua me Kakelamaluikaleo e olelo ana. Oka hapa mua o ka inoa ma na hua palapala o ka hapa hope o ka inoa ma na huahelu Ninau o ka hapamua o kuu inoa ma na hua palapala ua hooniponipo iho au ma ka aoao o Niolopuat Haina, Mahina he elua ano mahina he helu mahina, he kaulana mahina e helu ana kekahi mahina mai ka ekahi a hiki i ke kanakolu a kanakolu-kuma-makahi o kekahi mahina hoi e helu ana, o ia ka Hilo hoomaka aku a hiki i ka pau ana, o ka mahina aia wale no ia i ka po e kau ai he manawa hiamoe ia oia ka wa e hooniponipo aku ai me Niolopua. 0 ka hapa hope o ka inoa ma na huahelu ua hooneleia mai au i na pomaikai he nui. Haina, 30 oia hoi keia Ole Kukahi, Ole Kulua, Ole Kukolu ma ka olelo ana ae o ke Kipelia kela moku neneahiu kamahao loa maluna mai o na kaiaulu oehuehu o Kelemania, he mea oiaio kela i kela la i keia la i kela mahina i keia mahina a hiki i ka piha ana o ka makahiki e holo mau ana na moku ma na wahi apuni ke ao nei. 1 ka wa a ka Haku e ha'i ana i ka Eu&nelio owau pu me ia, pololei wahi a ka Home Eula, ua hoike ka Haku i ka Euanelio iloko o na la o ka mahina a iloko o na mahina o ka makahiki, a owai la au i ko ke ao nei olelo ana? Haina, mahina 30 la, M. H. 1909. Owau iho no, J. M. PUA LAU-I BOY. Waimea, Kauai. Aole mai la no ia, aka kiei lihi aku la nae oe i ka puka ki o ke keena o Uwahipouli a no ka aaki paha hoi o ka pouli komo pono ole ke ki i ka laka e hemo mai ai ke pani.—HoomanaWanui houia mai! —L. H. Mr. Lunahooponopono, Alolia oe: E oluoln mai oe i ka'u noi no'u kahi rumi kaawale o kau milimili i hookomo iho ai oe i ka'u haina e kau ae la maluna, i ike mai ai na kini heluhelu o ke Kuokoa mai ka la hiki ma Kuinukalii ma Puna a ka welena a ka la i Lehua i ka ilikai o lalo. Oiai ma ke Kuokoa o ka la 23 o lulai, 1909, aoao 5 i ike iho ai au i ka nane hoonioni puuwai a ka loea J. E. K. Kakelamaluikaleo nona na mahele pahaohao he eha i hooponopono iai ma I huapiapa ame na huahelu e loaa ai I kona inoa holookoa.

ke ano kupaianaha o na kupaianaha nui -wale a ma o ke ano pohihihi o na poliihihi pela au e lawe hou mai nei i na kukulu manao o ka nane a hooiaio ae imua o ka lehulehu penei: O ka hapamua o kuu inoa me Niolopua. Haina, Y. O keia haina he huapalapala ia ma ka haole, E puana ae ai WI. Ina oukou e hoomanao i ka mea i hoakakaia iloko o ka Baibala e pili ana ia Parao ke lii o Aikupita ma ka moeuhane, oia i ike ai i ka hoailona 0 kela wi nui ana o Aikupita iloko o 7 makahiki. Ke olelo nei lioi keia mahele a o ka hapa hope o kuu inoa ma na huaheluua hoonele loa ia mai an i na pomaikai. Haiua, 11, o ia hoi ka huahelu umikumamakahi. Eia iloko o na kanawai o ke Akua he 10 no ia a i ka hanau ia ana o lesu Kristo ma ke kino kanaka a noho pu me kanaka 'a hoopuka hou mai oia he 2 kanawai hou a i ka hui ana me. na kanawai mua alaila ua hiki aku kona huina i ka 12. E ike kakou a hoomaopopo o ke kanawai 11 o ia ke kanawai a lesu i olelo ai i na kanaka E aloha alcij oe 1 kou Akua me kou naau apau. Ua maopopo loa ma keia kanawai ina aole oe e aloha i kou Akua me kou naau apau e like me ke kauoha a lesu ua mao[/opo loa ua nele loa oe i na pomaikai pookela loa o ke ola uhane ana ma kela ao. Me keia mahele o ke kukulu manao hou ana o ka na'ne ua hoololi ia ae nei keia mahele, he huahelu. Ma keia la, akahi au a jke i ka loaa ana ia'u ame ka ole, oiai penei na kukulu manao ana o keia mahele. O ka hapamua o kuu inoa ma na huahelu ua hoopehu ae oia i na loaa o ke aupuni Kulanakauhale ame Kalana Haina, Y. O keia haina e loaa no kona waiwai io ke puana ia ma ka huahelu Eoma he elima. Eia iloko o ke aupuni Kulanakauhale ame Kalana o Oahu he 5 mea mana nui e hooholo ai i na hoolilo iloko o ko lakou manawa e apono ai a kakau ko lakou mau inoa o ia keia mau mana 5 penei: 1. Meia, 2, Papa Lunakiai; 3, Kakauolelo Kalana; 4, Lunahooia; 5, Pnuku. A mailoko mai o lakou e puehu ai na loaa o ke aupuni. 0 keia mahele ke olelo nei penei, o ka hapahope o kuu inoa ma na huapalapala ua hoohiamoe aku au ia oe me ka hooluolu ana no ka manawa hope loa, Haina, 11. O keia haina ma ka puana o ka huapiapa penei no ia: I-i o ke ano o ia he ano polopolona a ano kahiko o kona hopena he kiolaia me ka hoomaopopo hou ole ia, a na hooluolu ia aku oia no ka manawa hope loa ma o kela kiolaia ana. A ina e hoohūi ia keia mau» baina

ma na hua piapa me na huahelu a hoololiloli ae e like me ka manao o ka nane,- e loaa no ka puana ana ma ka laina pololei ma ka huahelu Homa ka Haina, VII. TJa puni ke ao holookoa i keia huahelu a ke ao ia nei na haumana o na kula naauao apuni ka honua nei. Ke oleīo hou nei ka manao o keia nane penei, I ka Haku e ha'i ana i ka Euanelio o ia pu kekahi. Ua maopopo loa o keia huahela 7 o ia no ka la Sabati ka la a lesu i olelo ai imua o na ludaio penei: Ina e haule kau bipi iloko o ka lua aole anei e hiki ke kokua iaia a huki mai iluna? a pela au i manao ai ua pololei keia haina ke kuhikuhi ole ae ke ala ma Puuloa, ke awa kaulana o Amerika. Me ka lana o ka manao e hoea mai ana ka malamalama me ka poeleele. Me ka Lnnahooponopono ame na keiki oniu hua metala ko'a Adiu. H. K. LIOKAKELE. 822 Alanui Kawaiahao.

Ua hn mai Ia ke ala ma Pnuloa, a ua oili pa mai la no ka pouli iloko o ka malamalama. Aole au i ka hela ehiku, aka ma ka helu kauna au e loaa ai, a i pohihihi loa ia alahele ea r alaila, e loaa ananei au ilnna o ka mokulele, i ka hapalua like o ka lewa. Hoomanawanui hoaia mai.—L. H.