Ka Nupepa Kuokoa, Volume XLVI, Number 40, 1 ʻOkakopa 1909 — PULUMIIA OLUNA O KA ONEKI E KE KAI. [ARTICLE]

PULUMIIA OLUNA O KA ONEKI E KE KAI.

Ma ka hora ehiku o ke ahiahi Poalima o ka pule i hala i huli hoi mai ai ka mokukaua Maryland a ua loihi loa iho mahope ku mai ana ka mokukaua West Virginia a ma ke kakahiaka Poaono ae i hoi mai ai ka hapanui o na mokukaua o Adimarala Sebree a laiku mawaho o ke awa. 0 ka West Yirginia ka moku i manaoia ua poino kona enekini, aka o kela poino mai kela hoaoia ana mai o kona holo ma ka Poakolu. | Ma ka Poalua aku o ka mahele mua 0 na mokukaua ka i holo mua, a maloko o ia mahele o ia ka moku lawehae Tenesi, Kaleponi ame ka Maryland a ma ka manawa i haalele iho ai na moku ia Honolulu nei ua hoololiia ke kulana o ka mahele mua aole hoi e like me ko lakou kulana i hoolala mua ia ai. j Ma ka Poakolu mai, o na mokukaua i holo aku oia ka West Yirginia, South Dakota, Washington ame ka Penesylvania. Aohe mau poino i ikeia 1 kela mau la elua i hoao ia ai ka holo 0 na moku oiai nae, ua komo aku na moku iloko o ke ehuehu ma ka la mua a lakou i holo ai, e lola ana i o a ia nei me ka makani ikaika mamua pono 1 ka wa i puka lea aku ai na moleu mawaho o ke kowa. Lele pauki na moku iluna a ilalo e lola ana me ka ikaika pii mai na ale a uhi pu iluna, me ka luu aku o ka ihu o ka moku a nonolo iloko o ke kai. Aohe nae he nanaia ae o ia ino, e noho mau ana na wiliki ma ko laleou mau wahi a e hana mao ole ana no hoi na paoahi i ka ho'a me ke kapala ana i ka lanaha, na like ko lakou hana ana me na biva, a ma ka hoikeia mai ua maopopo loa i na kanaka aia maluna o kekahi mau mokukaua aku ua hoonui ioaia ka ma* hu mamua o ka mea hiki i ka mikini ke hoohana. Ma ka la mtfa o ka mokukaua Tenesi ka i puka mua a mahope aku ke Kaleponi a o ka Maryland aku ka hope loa. O Kaleponi ka i ahai mua i ke alakai mai ka Maryland aku mahope o ka hoomaka ana e holo a mahope mai ua kaulike laua. Ma ka hoikeia mai o kekahi kela o na heihei hahani loa i holoia e kekahi o na mokukaua, a ma ia holo ana no hoi ua ikeia ka holopono me ka loaa ole o kekahi poino a ua ku maoli i ka makemake ame ke apono ana a na aliikoa o na moku apau.