Ka Nupepa Kuokoa, Volume XLVI, Number 40, 1 October 1909 — HOOWELIWELI E LAWE I KE OLA O KA LUNAKANAWAI. [ARTICLE]

HOOWELIWELI E LAWE I KE OLA O KA LUNAKANAWAI.

No ka hoole ana aku o Lunakanawai Whitney i ke noi a kekahi Paniolo ' nona ka inoa o Praetu e hoihoiia mai kana mau keiki me ia q noho ai mai ka home mai o ka Puali Hoola ma ka Poaono aku la i hala, ua hoopuka okoa ae oia i na olelo hooweliweli no ka pepehi ana aku i ka lunakanawai a make.! Hoko o kekahi mau makahiki elua i | hala ae nei, ua haaleleia he elua mau kēiki liiiii e kela Paniolo, a waihoia j aku malalo o ka malama ana a ka puali Hoola ma ka home i hoomakaukauia 1 no na keiki makua ole. Aole i ike ikiia aku kela makuakane imua o kana mau keiki no kela manawa loihi, aka iloko ae nei nae o hoo- ( kahi mahina i hala, ua mare aku la oia he wahine hou, a he mau keiki ekolu ka kela wahine, a akahi no a ala mai ka manao iloko o kela Paniolo e kii oia i kana mau keiki e hoi mai e noho pu me ia. Ua hoea aku oia ame kana wahine hou no ka homē i malama ia ai ua mau keiki nei, a no ka pelapela o ka noho ana o keia mau makua, ua hooleia mai la ka hoi ana mai o kela mau keiki e noho pu me ia. Maloko ae o ka aha hookolokolo a Lunakanawai Whitney tm mau keiki la elua, a i ka wa a ka lnnakanawai i hoole mai ai i ke koi a ka makuakane no kana mau keiki, ua hoopuka aku la oia i na olelo hooweliweli, me ka hele hoi o kona mau maka a piha i ka huhu. TJa hele kela mali keiki a piha i ka maka'u i lro laua makuakane, no ka mea i kona manawa e nana aku ai ia laua, e- noke ae ana kela mau keiki i ka uwe kapalili, a no ke komohia ana aku o ka hoohuoi iloko o Kakauolelo Marcallino e hana mai ana paha kela Paniolo i kekahi hana maikai ole, ua hawanawana aku la oia i ka lunakanawai, a o in no ka manawa i oili aku ai oia iwaho, me ka piha loa i ka huhu ame ka hoonaukiuki. Ta hemo ana aku a Marcallino iwaho 0 ke keena hookolokolo me na keiki, ua ike hou mai la ka makuakane i na | keiki, me ka holo okoa ana mai e au- | meume ; a ina no paha no ka loaa aku | iaia o kela mau keiki, ina paha ua | make. I E ole wale no ka hoea ana mai o | kekahi o na kakauolelo me ka paa ana ! mai i ke Paniolo, pela wale no i ko 010 ai kona makemake hoopilikia aku i kana mau keiki liilii. Ua hopu kokeia oia a laweia no ka halewa-i e hoopaaia ai. He hihia okoa e ae no kekahi o kela Paniolo o ka hoea ana ae imua o ka aha hookolokolo 1 kela mau la aku nei, a hui pu iho la me kela hewa hooweliweli ona, aole he kanalua o ka noho ana āku o ke kolohe iloko o kahi kupono loa no ia ano poe.