Ka Nupepa Kuokoa, Volume XLVI, Number 40, 1 ʻOkakopa 1909 — O R. O. MATHESON KA LUNAHOOPONOPONO HOU O KA ADVERTISER. [ARTICLE]

O R. O. MATHESON KA LUNAHOOPONOPONO HOU O KA ADVERTISER.

Ma ka Poaono i hala i hookohuia aku ai o Roderick O. Matheson i Lunahooponopono no ka Nupepa namu, The Pacific Comercial Advertiser o keia kulanakauhale, ma kahi o Walter G. Smith i waiho mai i ka hana mamuli o ka nawaliwali o ke ola kino. He kanaka opio makaukau o B. O. Matheson, a oia no hoi ke kokua lunahooponopono o kela nupepa no kekahi manawa loihi, a nona hoi na makahiki he kanakolu-kumamakolu o ke da ana. Ua hanauia oia ma Simeoe, /)ntario, a maloko o kekahi o na Kula, Nui o Ontario oia i hoonaauaoia ai. He Lunahooponopono mua oia no kekahi mau nupepa puka pule mamua o kona holo ana mai i Hawaii nei elima makahiki i kaahope aku. He nui kana mau hana kuhao i lawelawe ai no keia nupepa mamua o kona hui pu ana na kanaka kakau a hanu meahou o ka Advertiser. He manawa pokole mahope iho o kona komo pu ana mai ua ikeia aku kona makaukau a ma ia kumu ua hookauia aku maluna ona kekahi mau hana ano nui me kona hilinaiia, a he makahiki ame hapa i hala hope aku nei, ua hoikeia aku iaia e noiia aku ana oia e noho ae ma ke kulana Lunahooponopono no ka Advertiser i ka wa e waiho mai ai o Mr. Smith i kona kulana Lunahooponopono. He Lunahooponopono o Mr. Matheson no kela nupepa no ka po ame ka pepa o ke kakahiaka Poakahi i ka wa ana i haalele mai ai ia kulana a lawe ae la i ke kulana Kakauolelo ma ke Keena hana o ke Kiaaina, a he kulana hoi ia ana i paa ai no kekahi mau mahina wale no, me kela manao maopopo no nae i aku i kona wa e kahea houia aku ai e hoi mai, e waiho aku oia i kela hana hou a e lawe ae i ke kulana Lunahooponopono no ka Advertiser a oia keia kulana i hookohuia iho la. Ma keia la oia i hoomaka ai i kana hana ma ke ano he poo Lunahooponopono a he mau hope lehulehu malalo aku ona.