Ka Nupepa Kuokoa, Volume XLVI, Number 40, 1 ʻOkakopa 1909 — NA HANA HOOHILAHILA A NA WAHINE HAWAII. [ARTICLE]

NA HANA HOOHILAHILA A NA WAHINE HAWAII.

Ua hiki ole ke kaohiia ko ka Lunahooponopono o keia pepa hoike ana aku i ke ku uiaoli i ka hilahila na hana a kekahi poe wahine a mau kaikamahine Hawaii i hana ai ma ka auwina la o ke Sabati i hala aku la, ma o ko lakou hoolilo ana ia lakou i mau mea paani waleiia mai e kekahi puulu nui o na kanaka o na mokukaua e ku nei iloko o ke awa i keia mau la. Ma ka hoomaopopo ana aku i ke ano o kela poe wahine, ua ala mai ka manao hoohuoi, he elua mau kumu nui nana i kono mai ia lakou e pipili aku me kela poe haole o na mokukaua, o ia no ka niakemake i ke dala ame ka makemake pu i ka inu bia. Oiai nae he poe wahine kakaikahi wale no ka poe i hoolilo ia lakou ilio i mea hoohilahilaia imua o kela poe haole, a imua hoi o kekahi puulu nui e nana aku ana i ka lakou mau hana, ua lilo ia hana a lakou, i mea e kauhihi ae ai maluna o na wahine Hawaii e ae, ma ka lahuiia ana "na wahine Hawaii." I ka manawa e loheia ana ke kipa ana mai o ke aumokukaua o ka Akelanika iloko o kekahi mau mahina ae nei i hala, ua nui ke kamailio o kekahi poe nupepa ame kekahi poe kanaka no hoi, no ka lilo mai o na kanaka o ia mau mokukaua i poe hoopilikia i ka nohona maluhia o kekahi mau oliana, ma o ke komo waleia aku o ko lakou mau pa ame na kauhale, aka nae ua kuhihewa loa ia mau manao 'ana pela, oiai ua malama maoli kela poe keiki aukai i ka hanohano o ka inoa o ke aupuni a lakou i alana aku ai ia lakou iho inalalo o koāa hae. O ka pilikia nui no i ikeia eia no ma ka aoao o na wahine ame na kaikamahine opio, o lakou ka poe hoopipili aku i na kanaka o na mokukaua, mamuli o ka makemake i na dala a ua mau keiki aukai la ame ka rama a 'lakou e kuai ai, e like me ia i ikeia aku ai ma o ka hana a kela poe w r ahine o ke Sabati i hala. He hookahi makuahine i hele maoli me ka uwe e kii i kana kaikamahine a kaili mai, mai ka pipili ana aku me na kanaka o na mokukaua, z j ke kumu wale no ia i kaawale mai ai oia mai kekahi poe wahine mai, a na ka lioea ana aku o na aliikoa ame ka makai, a kauolia aku i kela poe h«ole e haalele i ka paka o Kakaako, i hoonaloia ae ai ka hiona ku i ka hoohilahila mai ka nana ana aku a ka lehulehu. Ke hoakaka laula mai nei kekahi poe i ko lakou mau manao i wahi e ulu ai ka lahni Hawaii, a ina pela iho la ke ano o na w T ahine hana ai, aole io paha ka ulu o ka lahui! Ile palapala hoopii ka na wahine Hawaii o ka hoomakaukau ana a waiho aku imua o na Solona Kankanawai o ka Ahaolelo Lahui o Amerika o lea huli hoi ana aku nei no ko lakou mau home, a ina pela iho la ke ano pauaka o ka noho ana o kekahi mahele nui 0 na wahine Hawaii, ua like pu ka loaa ana mai o na mea i noiia, ke loaa io mai lioi, me ka momi i kiolaia aku imua o na puaa, he hehi waleia e na wawae, a ma kekahi olelo maoli ana ae hoi, he 01 ae ka makemakeia o ke dala ame ka rama imua o na pono nui ii?aoll i hoomaopopoia aku. Kc\ hahai mau nei ka pilikia ame ka poino i ka hapanui o na ohana Hawaii, a iwaena o kekahi o na mea nana e kukuui paa nei ia haawina maluna o lakou, o keia ae la kekahi o na alahele nana e kinai nei a e hoopilikia nei i na Hawaii.