Ka Nupepa Kuokoa, Volume XLVI, Number 39, 24 Kepakemapa 1909 — AHA'I KA MAKALA I KE EO MANA HEIHEI APAU Haule Ino ka Healani i ka Hope Waa-Pihoihoi ka Heihei Waapa o na Mokukaua. [ARTICLE]

AHA'I KA MAKALA I KE EO MANA HEIHEI APAU

Haule Ino ka Healani i ka Hope Waa-Pihoihoi ka Heihei Waapa o na Mokukaua.

0 na heihei waapa i malamaia ma ka Poaono i hala aku la mawaena o na hui waapa Healani ame ka Makala, ua kaa wale no ke eo o na heihei apau i ka Makala a haule ino ka Healani. Aole hoi o ke kaa ana o ke eo o kekahi o ia mau heihei i ka Makala, a oili mai la hoi ka Healani ma kekahi mau heihei okoa aku, aole nae pela, he hookahi no ka hahai and' o ka ulia pakalaki mahope o lakou. 1 ka nana ana aku i ke ano o ka poe makaikai ma kela Poaono, aole i ikeia ke kulana hoihoi o ka lehulehu ma na heihei i malamaia, o ke kui&u i ka hoomaopopo aku, no ka ulolohi 0 na heihei,. e kali aku a hala okoa ka hapalua hora a hora no i kekahi manawa, alaila hoomaka mai ana kekahi heihei, i ka Wa e pau ae ai kekahi. Me he mea la nae o na heihei o na waapa o na mokukaua na heihei ano maikai, no ka nui maoli no o na. waapa e heihei ai e like no me ka nui o na mokukaua. Mabua ae o ke kani ana o ka hojra eiwa o ke kakahiaka, ua hele na uwapo a lehau i ka poe makaikai, aka ua noke 1 ke kali a hiki i ke kani okoa ana o ka hora umi, akahi no a ly)omaka na heihei. Na na waapa o ka hui Makala ame Healani i ulele mua i ke kahua heihei. I ka manawa i hoomaka ai ua mau waapa la e holo, e oni mau ana. ka waapa o ka Makala i na mapuna apau a iloko nei no o ke awa, ua haaleleia iho ka Healani mahope, a ia huli "hoi ana mai no ka pahu eo, ua oi loa ka mamao o kekahi waapa mai ke!®lhi e ku ole ai i ka hoihoi ke ano o ka heihei ana. 0 keia iho la no ke ano o na heihei waapa mawaena o kela mau hui i kela

la, mai ka heihei mai o ka papa ekahi, ka papa elua a hiki i na heihei elua hoe. He lanakila luaole i loaa i ka Makala ma kela la. 0 ka heihei waa o eono hoe ia he}hei maikai, aka ua haule ino nae na auwaa i na keiki hoewaa o ka Makala a ua noke ka poe makaikai i ka uwa i na kanaka no ka piha loa i ka poi. 1 ka manawa i hoea mai ai i ka heihei o na waapa mokuahi o na mokukaua, ua nui ka pihoihoi o na mea apau i ke ano o ka heihei ana o kela mau waapa mokuahi, a he oiaio he ku maoli kela ano lieihei i ka nani, oiai ua hele ke awa a piha i ua poe waapa la, aka ua ahai ka waapa mokuahi o ke Tenesi i ke eo o ia heihei. Ma ka- heihei waapa he umi-kuma-malua hoe o na mokukaua, o ia heihei piīia no ia i ke pihoihoi, no ka mea e puūluulu ana na waapa i kahi hookahi me ka maopopo ole o ka waapa o lakk>u e aha'i ana i ka lanakila ma ia heihei, aka i ke kokoke anā mai i ka pahu eo, up. kaa ka waapa o Kaleponi mamua e hiki ole ai i kekahi ke ukali aku, a ua kaa ka helu elua i ke Tenesi. ,l*o ka h.eihei waa o na wahine, he elua' iio waa i holo, a ua kaa ke eo o ia l heihei ia Good Time, he poe wahine nunui momona koluna o keia waa, a haule kekahi waa iho, ua mamao loa ka waā i aha'i i ka lanakila mai kona hoa heiliei aku. • O ka heihei o na waa pe'a ia heihei maiiai, i ka hele a ku ke ehu o ke kai i na hookele waa, a ua kaa ke eo o ia heihei ia Lei Hima. Ua hele a hiki i na hora o ke ahiahi ua pau na heihei o ia la, oiai nae ua pau mua ka nui ok a P oe makaikai i ka hele e nana i na paani kinipopo ame na hana keaka o ke kulanakauhale nea.