Ka Nupepa Kuokoa, Volume XLVI, Number 39, 24 Kepakemapa 1909 — NA SOLONA KAUKANAWAI MALUNA O KA MOKUKAUA TENESI. [ARTICLE]

NA SOLONA KAUKANAWAI MALUNA O KA MOKUKAUA TENESI.

Ma ka auwina la o ka Poaha aku nei 0 ka pule i hala i hookipaia aku ai na Solona Kaukanawai o ka Ahaolelo La-1 hui maluna o ka Mokukaua Lawehae j Tenesi e Adimarala ame Mrs. Sebree | na Kapena o na moku ame na ukali o j ka Adimarala. Maluna o ka oneki mahope o ka mokukaua i hookipaia aku ai na ma-' lihini īne ka hoolaunaia e Hon. Richard I Bartholdt. Ua lawe heleia na malihini ma na wahi like ole o ka moku e hoomakaikai ai i na pu, ke ano o ka hoohana ana i na pu, ka hoololiloli ana 1 na kia a he lehulehu aku na mea e ae i weheweheia mai i' nja malihini e na aliikoa. Mahope o ka makaikai ana ua laweia na malihini i ka rumi o ka Adimarala a malaila i hoikeikeia mai ai na makana dala a na makaainana o ka Mokuaina o Tenesi i ka mokukaua Tenesi. Ua hoopaaia kela mau makana dala iloko o kekahi pahu aniani, a iwaena o na mea hoomanao he mau pa kahiko kekahi i lawieia mai ka home mai o Anaru lakekona. 0 kekahi o kela mau pa kekahi o na mea i hoohanaia e ka Peresidena lakekona i kona wa e ola ana. Ua hoohalaia na hora o ia auwina la me na olelo hoolaulea, na \neaai ame na mea inu. *0 ka Lunamakaainana Houston o Tenesi kekahi iwaena o na malihini a me he mea la oia ka malihini i hauoli loa no kona kau ana iluua o ka mokukaua i kapaia ma ka inoa o kona mokuaina, ma koha noonoo ana me he mea la aia no oia iluna o ka lepo o kona mokuaina kahi i hehi ai. —-