Ka Nupepa Kuokoa, Volume XLVI, Number 38, 17 September 1909 — HE PILIKIA NO KE KULA O HOLUALOA. [ARTICLE]

HE PILIKIA NO KE KULA O HOLUALOA.

Eia ka Papa Hoonaauao ke ku aku nei a nana no ke ala mai o kekahi pilikia maloko o ke kula aupuui o Holualoa e hiki loa aku ai paha iloko o ka hoopii kanawai imua o na- aha liookolokolo ma keia mua ilio, ina e loaa mai ana ka lohe maopopo loa no ke ano o ka weheia ana o ke kula ma keia komo ana iho la i keia pule. Iloko o kekahi manawa ae nei i hala ua ulu mai he pilikia mawaena o Mrs. M. F. Scott ame Mrs. Maydwell, he mau kumukula like no laua a elua no kela kula ma Holualoa, a i mea e hoopauia ai kela pilikia mawaena o laua, ua hooholo ka Papa e hookaawale ia laua mai ka noho kumukula ana maloko o kela kula, aka e hele laua ma kekahi mau wahi okoa aku e a'o ai. He hana paakiki nae keia no ka ae ana mai o kela mau wahine, oiai he mau home like ko laua a elua ma Kona, nolaila ua hoole laua i" ka hele ana aku ma kekahi kula okoa aku o a'o ai. Me ka nana ole aku nae o ka Papa i ko laua manao puakiki, ua hookohuia aku la o H. M. Wells i kumupoo no ua kula ]a, eia nae ma ka pule aku nei i hala, ua hoi e aku la o Mrs." Scott no Ku«a, me ka hoike ana iho i kona mau lioaloha ma Honolulu nei, e hoi aku ana no oia a wehe aku i ke kula, ma ka hoomaka liou ana o keia kau o na knla ma ka Poalua nei, a oiai aole e lioea aku ana o Mr. Wells ilaila mamua ae o ia manawa, me he mea la ua lilo aku ]a ka paa ana o ka liuipa ia Mrs. Scott e hahau mai ai i ke kumu a ka Papa Hoonaauao o ka hookohu ana i kona wa e kiei aku ai ma ke kahua o kana hana. Mamua ae nae o ka hiki ana mai i ka wa e weheia ai o na kula, a no ka hoopakele ana ae i ke ala ana mai o kekahi pilileia, ua hoouna aku la ka Lunanui o ka Oihana Hoonaauao Mr. Bābbitt he kauoha ma ke, kelelealapa uweaole ia Manuel De Corte e hele aku e wehe i ke kula a hiki i ka hoea ana aku o ke kumukula i hookohu maoliia aku e ka Papa Hoonaauao.